Tɔŋ lasálàá 19:12 - BII BILA

¹² La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Tɔŋ lasálàá 19:12 Referans Kwoze

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

Tɔŋ miingua 5:11

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

Tɔŋ lasálàá 18:21

A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

Nsaki 5:12

Puapilɛa nia, o tasoo, la mɛ̀nan a halataalaa, te kon te a lɛŋnden te, la mɛnan mɛnan súú-súù le. Kɛ oi niaa bɛnda mò va oi, mì ɛ-ɛ niaa va ɛ-ɛ, yɔŋii niaa del o kɔɔsɔɔ nin.

Tɔŋ lasálàá 6:3

Mì vana-solia-lasálàá vownun doma ndɔ bɛndu toosian a kola keesoo-o, mò vownun vɛlɛ lɛmbɛla lebɛngula toosian a kola keesoo lan, mò faaŋiaa pulta cal o yinnde sálà loamaa o fonda-loamaa-lasálàá coo lan, mò dii lan o fonda kon ikɛi.

Tɔŋ lasálàá 24:11

Mí langbanɔ kala ndɔ va kon Israɛlnɔɔ-o dimi diomnde vɔɔnnden a diola Mɛlɛka lan, má bii ndu, má hun a ndu o Moise lo. Kalaa langbanɔ kon diolan Selomit, cua Dibri-o, fulaa o polale Dan-nden nin.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Condii lisai 15:4

Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 34:16

Kɛ la cii vɛlɛ yiyan niaa kon mangala, mí la tɛɛmbuu diola nilan le ken: vana-vana cii cɛa ndɔa piaandua a à laandua ndóò mal-la mingin o ba, mí la muungu vɛlɛ nda saangiaa o baalala lecɛlan nin.

Sakari 5:3

Mó dimul-la aa: ‹Dangaa n co cɔ kon saŋnɔnndo o lɛŋnden nden kpow coo nuaa ni. Kani o sɛvan o sɛbɛ kon nin baa pilɔɔ ma vanaa-vanaa co vuiya nanu, nda co townɔn nanu, o sɛvan vɛlɛ baa pilɔɔ maa vanaa-vanaa co mɛɛniannda lacòòvalan, nda bɛɛ toawnunnin nanu.

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.