Tɔŋ lasálàá 19:11 - BII BILA

¹¹ La yɔ́ŋ levui le, la dímùl caanda lacòò mì la tosal nda lakafa le.

Tɔŋ lasálàá 19:11 Referans Kwoze

Fulaa 20:15

La yɔŋ levui le.

Kolɔsea 3:9

La dimulan còòlan te, kani la cii vanacieeyɛi niɛi paanduei malɔɔ a kaala ndɔlan,

Efɛsea 4:25

Lelan, la mal còòlan. Vana-vana dimul caan ndɔ toɲaa. Kani naa kpow, falun pilɔn naa n co vellaa-velle o dialun pilɔn nin ni.

Condii lisai 101:7

Vanaa pala caanda-a celnin o ya lo cɛinin te, i yeema bɛɛ mì ce vanaa lacòòvaa a lehɔl te.

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Tɔŋ miingua 5:19

La yɔŋ levui le.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Condii lisai 116:11

I va o sangaa nin mí dimi aa: «Vannda kpow, còòlan nda dimi ni.»

Fulaa 22:7

Taa bii vui kon te, vana ɲɛ kon lo o ba-o sim Hala o hɔl le sinaa te o co ndu le co ɲɛ pilaa dioo a lakafa le.

Fulaa 22:1

«Taa bii pɛ vuiyo o cɛi pilaa bulio le luɛyɔɔ vuilen, mà lɔɔ ndu mò vi, vana lɔɔ ndu mó vu-o bɛnda mò sɔla isɔɔ le.

Fulaa 20:17

La fúla cɛi pilaa lehɔl te. La fúla lanɔ pilaa lehɔl te, la fúla cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúla ɲɛ-ɲɛ co ɲɛ pilaa lehɔl te.»

1Masaa 13:18

Kɛ mí vana-tɛɛngaa-diom Hala yuuvɛi kon lamban sɔɛi he lafi-lafi, mó dimul ndu aa: «Ya bɛɛ vana-tɛɛngaa-diom Hala-o ya co maa nɔm ni, Mɛlɛka pila vim ya mɛlɛkanɔɔ le ya hunɔɔ dimullo ni maa naa n muungu naa ŋiɔn o ya lo cɛinin, mà kɔ dio ɲɛdiaa, mà kol.» Nduyɛ còòlan fúú o va ndu dimul kon ni.

Fulaa 20:16

La tímbul caanda seile lacòòvalen te.

Fulaa 23:1

«La sɛŋi sɔɔn lacòòvan te. La sim vana yɔŋ vɔɔndo kɔɔli mì la timbi seile lacòòvalen le ndu dio keo le.

Tɔŋ lasálàá 19:10

La múúngù vɛlɛ o nakɔla n'rɛsɛnnda niaala nin mì la kɛndu kpɔ̀nyɔ̀la koamaala niaa pɔɛɛnun-ndan te, la cɔ́wviàà rɛsɛŋun deli lɛŋ-ndon te. La bɛnda mì la mɛi ɲɛm mun le vanaa ikɔɔa a le mialaa co icali niaa o bɛngu coo-a. Ya co Mɛlɛka ni, Hala niaa pɛɛn.

2Samiɛl 17:20

Mí buɛyaa Absalɔm-nda luɛi o cua kon ndo cɛinin, má ɲuna ndu aa: «Kuɛɛ nɛ Ahimaas nda Yonatan a co yɛ?» Mó mulul nda aa: «A hiow, má taŋ peo.» Mí kiilaa kan nuwviaa nda, kɛ a seelun nda le. O kon, má muungu Yerusalɛm.

Talelan 24:28

Tɛndal vana niaa cal-lo seile lakafalen te. Vɛ̀ɛ̀ ma dimi còòlan?