Tɔŋ lasálàá 18:5 - BII BILA

⁵ La bii tɔŋnda nilan a silala nilan. Vana bii lan pɛ mò kela lecoo, ndu sɔla yoomoo lenin. Kani ya co Mɛlɛka ni.

Tɔŋ lasálàá 18:5 Referans Kwoze

Rɔmnda 10:5

Mí Moise sɛva le dɛnɛ sandaa vana sɔla o tɔŋndo biyɔɔ nin-ndo aa: «Vana bii pɛ sɔɔn tɔŋndon mò kela lecoo, ndu sɔlanin cindaa.»

Esekiɛl 20:11

Mí yɔngu nda silala nilan, mí cɔm nda tɔŋnda nilan, la vanacieo bɛnda mò kela coo haliko mi la tosa mó tuei yoomoo yeela lan.

Kalatea 3:12

Nduyɛ o co o laalanndo nin te tɔŋndo fula le, kɛ mó dimi aa: «Vana bii pɛ tɔŋnda nilan mò kela lecoo, ndu sɔla cindaa o lan nin.»

Luke 10:28

O kon, mí Yeesu mulul ndu aa: «A bɛɛndiaa muli, tosa lende mà sɔla cindaa.»

Esekiɛl 20:21

Kɛ mí poaa ndaa kan bɛɛ a luɛi seesiɛi a ya. A bii silala nilan te, a bii tɔŋnda nila vanacieo bɛnda mò kela coo, mì la tosa mò tuei yoomoo yeela lan te, a kela lecoo le few. Má del kasi a palɛi nii pɛngiɛi. Mí dimi le kɔl ni tuwvo cuiŋio nda coo, le nda ciiyo a kɔl ni fulaa o lɛŋnde veselɛilen nin ndon.

Esekiɛl 20:13

Kɛ mí cuavaa Israɛlla luɛi seesiɛi a ya o lɛŋnde veselɛilen nin. A bii silala nilan te, má kɛɛ tɔŋnda nila vanacieo bɛnda mò kela coo, haliko mi la tosa mo tuei yoomoo yeela lan, má va kasio delɔɔ tuŋ-tuŋ a palɛi pɛngiɛi nii. Mí dimi le kɔl ni tuwvo cuiŋio nda coo o lɛŋnde veselɛilen nin, le nda ciiyo diwvo o lepilɔɔ.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Fulaa 6:2

Mí Hala soaa vɛlɛ o Moise lo, mó dimul ndu aa: «Ya co Mɛlɛka ni.

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Fulaa 6:29

mó dimul ndu aa: «Ya co Mɛlɛka ni. Kɔ dimul Faraɔnnɔɔ, masaa Esipte pɛɛn, ɲɛ-ɲɛ ya soo.»

Matie 19:17

Mí Yeesu mulul ndu aa: «Le yɛɛ n co yɛ ya ɲunaa a dɛnɛ kɛndɔɔ o kɔɔ? Ɲɔɔ ndu pilɛ kpé naŋ ni. Taa yeema pɛ le cindaa sɔlaa, mɛɛ bii tɔŋndan.» Mí langbanɔɔ ɲuna ndu aa:

Rɔmnda 7:10

mí ya koni vu. O kon, mí tɔŋ yɔ̀ngu vana yoomoo-o yɔngu ya piɔ́mndo.

Tɔŋ lasálàá 18:6

O niaa tɛɛn, vana-vana bɛnda mò tosa kpelemɔɔsaa a vana co vanayɛi ndɔɛi-yo le. Ya co Mɛlɛka ni.

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

Esai 55:3

La yaŋ nilan, la hun o ya lo, la yaŋnun ya mì la va yoomu. I yiinin kpema fɛɛn-fɛɛndo a niaa, mì tosal niaa dɛnnda kɛndɛla kɛ́-kɛ̀ yáà tuu le David tosallo.

Esekiɛl 18:9

o co silala nilan biyɔɔ a kelaa o tɔŋnda nilan coo-o, o co toɲaa tosaa-o, vana sandaa co kon ni. Ndu viawnin yoomu taw-taw. Ya Maalii, ya co Mɛlɛka-o soo nuaa ni.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»