Tɔŋ lasálàá 18:30 - BII BILA

³⁰ Le hee, la bii tɔŋndo ho mì la lo lecoo sakpo. La tosa dɛnnda vɔɔnnda va tosanndo niaa laci o lɛŋnde len nin-ndan te few, yɔŋii niaa siŋnun vanaa nɔɔlɛiya. Ya co Mɛlɛka ni, Hala niaa pɛɛn.›»

Tɔŋ lasálàá 18:30 Referans Kwoze

Tɔŋ lasálàá 20:23

La vial vanaa ya co tovɔɔ niaa laci-a a káà le, la kela maa nda le. Kani vanaa kan a lo yɔŋ vɔɔndo tosaa háá mí dɛnɛ ndaa nɛinun ya niko few-few.

Tɔŋ lasálàá 22:9

Vanaa-solia-lasálàá bɛnda mà bii silala nilan, yɔŋii nda cua hakio ma kɔndu dɛnɛ le ɲɛ nda diaa. Kani te a del pɛ kasi a ɲɛdiaa kon o kɔɔ, a sɔla piɔ́mndo. Ya co Mɛlɛka ni, ya kɛsi nda teengen le baala nuu ni.

Tɔŋ miingua 11:1

«La kaola Mɛlɛka Hala niaa mi la bii tɔŋnda ndɔlan, silala ndɔlan a sɔɔn o dimul niaa-on le lɔ́ɔ́-lɔ́ɔ̀.

Tɔŋ lasálàá 18:29

Kani vanaa delnin yɔŋ vɔɔn vaa lende kɔɔli, mà kela kela nɔɔlɛi kon-nda, a toawnunnin polon mà faŋan Israɛlla tɛɛn few-few.

Tɔŋ lasálàá 19:1

Mí Mɛlɛka soaa o Moise lo, mó dimul ndu aa:

Tɔŋ miingua 12:30

lɔ́ɔ́ nda cuunin itambu lende niaa laci-o, fɔ mi la mandan taw, yɔŋii niaa haw o yaŋɔɔlen mì la kela maa nda, mì la holnun halaa nda co sooloo-a mì la dimi aa: ‹Vɛɛ nɛ vannda ha ndáà sooluu yɛ tombun ndan? Naa bɛɛ n yeema mì n tosa maa nda.›

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

Masaa kialaa n'yamaa 20:6

Lelan ya cua dialun ndɔn ni, mí kilikili mun bungan, mí piɔw mun polama yɛ́-yɛ́ma Israɛlla kpow tɛɛn. Kani bɛɛtambɛiyo a mààla vɔɔnndan pila nda luei Israɛl nuaa ni.

1Masaa 14:24

Hali vanaa va o kaannde suundaa len-nda, a va o lɛŋnde len nin. Má kɔ vow balan o dɛnnda vɔɔnnda kɛ́-kɛ̀ vanaa-mangalaa-isɔaa Mɛlɛka ndóò tow Israɛlla laci-a va tosaa lan nin.

1Masaa 21:26

Mó tosa dɛnnda nɔɔlɛi-nɔɔlɛilan a piɔmnda sooloo mɛɛ Amoriaa Mɛlɛka tow, mó mingi Israɛlla o fonda ndaa-a va tosaa yɛ.

Ɛsdras 9:1

«Lɔ́ɔ́ dɛnnda lan la cuu-o, mí simlacia pum sɔɔnguu ya ikɛi, má dimul-la aa: ‹Cuavaa Israɛlla, vanaa-solia-lasálàá a leviia, vana-vana sɛyan a vannda ha o lɛŋnden nden nin te. A del dɛnnda nɔɔlɛila vannda ha kɔɔli: Kanannda, Hitiia, Perisiia, Yebusiia, Amɔnnda, Moabua, Esiptea a Amoriia.