Tɔŋ lasálàá 18:3 - BII BILA

³ La vial vanaa niaa va tɛɛn Esipte-a a káà, mì la tosa sɔɔn nda co tosaa-on te, la vial vɛlɛ vanaa ya co niaa yɔɔ tɛɛn o lɛŋnde Kanaan-nden nin-nda a káà, mì la tosa sɔɔn nda vanin tosaa-on te. La kela maa vanaa kan te.

Tɔŋ lasálàá 18:3 Referans Kwoze

Tɔŋ lasálàá 20:23

La vial vanaa ya co tovɔɔ niaa laci-a a káà le, la kela maa nda le. Kani vanaa kan a lo yɔŋ vɔɔndo tosaa háá mí dɛnɛ ndaa nɛinun ya niko few-few.

Fulaa 23:24

La sooluu halaa ndaa le, la baŋ vulan nda o labɛngunin te. La kélà mɛɛ nda co kela nɔɔlɛiyo yɛ le, kɛ la pesipesi piɔmaa ndaa, mì la koombiaa powta sálàla ndalan.

Esekiɛl 23:8

O mel suundala ndɔla o kandu o lɛŋnde Esipte len nin-ndan te, lon pá nda hini a ndu o felengiyɛi ndɔɛi nin ni, má piilian ndu mɛɛma vanapɔnɔ ndóò pilan-ndɔ le-an. Má laasiaa ndu a suunda ndaa.

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Condii lisai 106:35

Má muulian nda vanaa sina Hala le-a, má muungu namula vanaa kan tosaa.

Tɔŋ miingua 12:4

Le Mɛlɛka Hala niaa biiloo ndu, la bɛnda mì la tosa maa nda le.

Tɔŋ miingua 9:4

Te Mɛlɛka Hala niaa puu pɛ nda lɛŋnden o ba mò yɔngu niaa len, la dimi le aa: ‹Le tùú naa n co vanaa sandaa-o Mɛlɛka hin a naa le lɛŋnden-nden hiɔlɔɔ ni.› O co le sandii niaa le, kɛ le mɛɛ vanaa-mangalaa-isɔaa kan laasian a yɔŋ vɔɔndo yɛ o co nda tovɔɔ niaa laci ni.

2Masaa 17:8

Má luei balan o naamula vanaa Mɛlɛka ndóò hɛlu lɛŋnden o ba mó ke Israɛlla len-nda nin. Lende masaa Israɛlla ndáà tosá ni.

Tɔŋ miingua 29:17

Lelan o niaa tɛɛn, vanapɔnɔ ni, vanalanɔ ni, leyungu ni, lepola ni, vana-vana fáŋà kɔl ndɔɔ o Mɛlɛka Hala niaa lo hau le kɔlan piɔmaa vanaa kan co sooloo-a sooloo le. La caa taw yɔŋii dumbule yɔmndo pum le va niaa tɛɛn, le solì bɔ̀tàá a ɲɛ lolɛiyo len.