Tɔŋ lasálàá 18:21 - BII BILA

²¹ A bɛnda ma soli hɔ́ɔ́ nɔmndo sálà o piɔmndo Molɛk lo le. Kani a tosa pɛ lende mɛɛ a del kasi a diola nilan, a tɛɛmbuu lan labɛɛ. Nduyɛ, ya co Mɛlɛka ni, Hala niaa pɛɛn.

Tɔŋ lasálàá 18:21 Referans Kwoze

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

Tɔŋ lasálàá 19:12

La pial diola nilan mì la mɛnan o còòlan coo le, kani vana tosa pɛ kon, mɛɛ o nɔɔliaa diola Hala ndɔɔ. Nduyɛ, ya co Mɛlɛka ni, Hala niaa pɛɛn.

Tɔŋ miingua 18:10

O niaa tɛɛn, vana-vana bɛnda mò lom po ndɔɔ, te kon te cua ndɔɔ o yin te. Vana mangalaa, vana viamaa yavaa, vana soaa a loeon o kɔɔ-o, fuéinɔɔ,

Tɔŋ lasálàá 22:32

La nɔ́ɔ́liàà diola nila diandaalan te, haliko mi Israɛlla sina válán maa Mɛlɛka diandaa co teengen-ndo ya co ni. Ya co Mɛlɛka ni, ya hɛli niaa ni mì dindi niaa le vaa cuavaa nia.

Dɛnnda kiilaa 7:43

Ɛ-ɛ, kɛ mí la cua cɛi-kola-toandaa hala nɔ diolan aa Molɛk-o, a loei Refan, hala niaa, piɔmaa niaa toosiaa le nda vulan baŋɔɔ o labɛngunin-nda pɛɛn. Lelan ya bɛɛ, i co niaa soli o lɛŋnde niaalen nin, mì yɛɛ niaa Babilɔn lekɔɔli.›

Malasi 1:12

Kɛ niaa co diola nilan solio o báà nin ni, mì la va dimio aa tabali Maalii-o co o nɔɔlɛiyo, o co naa kpeku solul te.

Yeremi 19:5

Má tengul Baal tombon, le poaa ndaa sálàla loamaalan solio lon. Nduyɛ o co ya léè dimul nda le dɛnɛ vaa lende tosaa le, kabi i dimi ken te, yiyan kon bɛɛ del-la le.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

1Masaa 11:7

Tuma kon, mí ndu Salomɔn toosiaa fonda-loamaa-lasálàá o pembii co Yerusalɛm o hɔl-ndɔ-e coo le Kɛmɔs, piɔm lamàà Moabua, a le Molɛk, hala lamàà Amɔnnda.

Tɔŋ lasálàá 22:2

«Soo o Aarɔn ndo a o poaa ndɔa lo, ma dimul nda aa: ‹Telenndan lapum, a bɛnda mà caa taw a ɲɛm dian diandan Israɛlla co ya Mɛlɛka sálàla diandaalan solullo-on. A bɛnda mà sɔɔnguu o ɲɛm mun ikɛi o telennda lan nin te, yɔŋii nda del kasi a diola nila diandaalan. Ya co Mɛlɛka ni.›

Amɔs 5:26

Kɛ mí la cua Sikut va masa niaa-o le kelaa a ndu, mí la cua vɛlɛ Kiyun piɔm niaa, a loei halaa kan, a niaa pila cownun-nda.

Esekiɛl 23:37

kani o suundaa nin nda luei bollen ni, bala ndalan la co la lɔngɔlɛilan a koovan, a suundaa a piɔmaa ndaa. Handɔɔ o kon coo, poaa ndaa vilul-la-a, má loam nda o yinnden nin le nda sálàá solio, haliko mi piɔmaa kan somisomi nda.

Esekiɛl 20:31

Háá a paalen nden, la co nɔɔlianndo a piɔmaa niaa kpow o ɲɛm kean niaan yɔngoo nin a o hɔ́aa niaa keiyo o yinnden nin. Vɛ̀ɛ̀ mì cɛl vɛlɛ mì la hiow laci a ya isɔɔ ɲunaa, niaa cuavaa Israɛlla? Le yoomu nuu, i cɛl-lɛnin mì la ɲuna ya isɔɔ le! Sɔɛi fula Maalii o sondo-e co ken ni, Mɛlɛka pɛɛn.

Yeremi 7:31

Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.

2Masaa 23:10

Mí masaa Yosia tɛɛmbuu Tofɛt, fonda-loamaa-lasálà va o bóllo Bɛn-Hinnɔm nin-ndo, haliko vana-vana ndóò kɔa lɛ a hɔ́ɔ́ ndɔɔ lon le ndu sálàá solio o piɔmndo Molɛk le.

2Masaa 21:6

Mó soli vɛlɛ bɛɛ po ndɔɔ sálà, mó loam ndu o yin. Mó va yavalan vomɔɔ, mó handu vanaa soaa a vanvílɛ́iya-a a mandea súúlan kpow. Lende o va kɔlan a hiyanndo a dɛnnda nɛinun Mɛlɛka lan tosaa ni, mí Mɛlɛka tuulu kɔllo a ndu.

2Masaa 16:3

Mɛɛ masaa Israɛl kela yɛ koni ndu bɛɛ kela ni. Mó soli po ndɔɔ sálà, mó loam ndu o yin mɛɛ naamula nɔɔlɛila vanaa-mangalaa-isɔɔa Mɛlɛka ndóò tow Israɛlla laci-a la va yɛ.

Tɔŋ lasálàá 21:6

Vanaa-solia-lasálàá bɛnda mà va vanaa diandaa siŋnun teengen le ya Mɛlɛka baalaa tosallo-a, yɔŋii nda nɔɔliaa diola nilan. Kani nda hɛlin le ya sálàlan solullo mì la ŋɔɛ o yinnden nin ni, ɲɛdiaa nuu co yɛ kon ni. Lelan a bɛnda mà va vanaa diandaa siŋnun teengen le ya Mɛlɛka-a.

Rɔmnda 2:24

Maa mɛɛ o sɛvan yɛ aa: «Sɔɔn tanan dimin a diola Hala lan o kɔɔ vanaa súúla celen tɛɛn le niaa vanaa sínà Hala-a.»

Rɔmnda 1:23

Má mangala biilu Hala tembu loo a tuuliaala ɲɛm tambu-on: tuuliaala vanndacieea, la yowva, la visia pelun hiɔɔlua a la visia sasun lɛŋ o kɔlan-nda.

2Dɛnnda lemasalan 28:3

Mó va sálàla cuɛima cun kɛndɛlan solio o Bóllo Hinnɔm nin. Mó loam poaa ndɔa, mó soli nda sálà maa mɛɛ dɛnnda nɔɔlɛila vanaa-mangalaa-isɔɔa Mɛlɛka tow Israɛlla laci-a la va yɛ.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.

Misee 6:7

Mɛlɛka cɛlnin pá saa kóndóa hali sɛ́lɛ́ bɛndoo? O cɛlnin pá cuɛima lakongima cuu man kɔɔli le-an? Vɛ̀ɛ̀ mì ke ndu po ni tasoo haliko mo mal-la haki a kɔlvesɛi nuu? Bàà mì ke ndu hɔ́ɔ́ ya solin o ipulu-o le haki ni ya pila tosa-o?

Tɔŋ lasálàá 24:15

Soo o Israɛlla lo, ma tɛɛngul nda sɔɔn mun: ‹Te vanndo tɛɛndan pɛ Hala ndɔɔ, mɛɛ dɛnɛ palaa oo dɛnɛ palaa komal ndu pɛ, ndu pila nuwviaa ni.

2Masaa 17:31

Mí vannda Ava toosiaa piɔmnda Nibhas a Tartak, mí vannda Sefarvaim a soli poaa ndaa sálàá o Adramelɛk a Anamelɛk lo, halaa Sefarvaim pɛɛn, má loam poaa ndaa kan o yin.

Amɔs 2:7

A nɔ yeemɛi taw le cundu co lɛŋ-ndo cɔu vanaa ikɔɔa o lebol. A co dí vanaa co o sangaa nin-nda tɛɛmbuuo, Poo nda fuɲaa co kɔlan suundaa a vanalanɔ pilɔɔ. Lende nda co diola nila diandaalan bɛɛlan tɛɛmbuuo ni.