Tɔŋ lasálàá 18:20 - BII BILA

²⁰ A bɛnda ma tosa kpelemɔɔsaa a lanɔ pilaa le, yɔŋii n siŋnun vana nɔlɛiyo Mɛlɛka o hɔl.

Tɔŋ lasálàá 18:20 Referans Kwoze

Tɔŋ lasálàá 20:10

Te vanndo suunda pɛ a lanɔ pilaa, nda ŋiɔn kpow a bɛnda mà sɔla piɔ́mndo.

Fulaa 20:14

La suunda le.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Tɔŋ miingua 5:18

La suunda le.

Kalatea 5:19

Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei,

Rɔmnda 2:22

A co dimio maa vana suunda le, vɛ mì nɔm pila va suundaa? Piɔmnda nɛinun nɔm, kɛ nduyɛ a co kɔlan ɲɛm co o máánndan nin-ndon ciimbuuo.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Talelan 6:25

Fúlà naŋɔɔ ndɔɔ lehɔl o kɔl nɔmndo nin te. Del o tɔɔndan nin le hɔlta koongola ndɔlan te.

2Samiɛl 11:27

Biisio cuvɔɔ, mí David viam vannda ndu kɔɔli. Mó cua ndu o nɔ̀u nin, mó vilul ndu hɔ́ɔ́ piaandoo. Mí Mɛlɛka tambu kɔl a David le dɛnɛ o tosa kon-ndo.

Tɔŋ miingua 22:25

Kɛ te yondoo nin langbanɔ kon bɔŋan a cuaambɔ laandu vana celen fula nin kon kɔɔli-o ni, mò kpuva ndu, mò hini a ndu, langbanɔ kon ndu pilɛ kínɛí bɛnda le piɔ́mndo sɔlaa ni.

Tɔŋ miingua 22:22

Taa bii pɛ vanapɔnɔɔ pum suundaa a vanalanɔ co o nɔu-vo, nda ŋiɔn kpow a bɛnda mà sɔla piɔ́mndo, vanapɔnɔ kon a vanalanɔ o suunda-o pɛɛn. Lende niaa bɛnda ni mi la faŋa dɛnɛ vɔɔndo Israɛlla tɛɛn.

Kundalan 5:13

te vanapɔnɔ celen suunda pɛ a ndu o vionnɔnndo nin, mì pɔnɔ ndɔ sina vɔ dɛnɛ kon ɲɛkɛndɛi le, te sei oo sei ve le ndu cɔɔmuuo le, taa bìí ndu o suunda kon nda vanapɔnɔ kon te, nuaa niaa bɛnda le dɛnɛ kon biyɔɔ ni.

Esekiɛl 18:6

o co n'kúlù dio o pembon coo loo, o co lahɔl heelu le piɔmaa cuavaa Israɛlla sooluu loo, o co lanɔ pilaa luɛyɔɔ nin too, o co vanalanɔɔ sɔɔnguu ikɛi telen vanalanɔ kon co o paangii ndɔɛi nin-ndo loo,