Tɔŋ lasálàá 18:16 - BII BILA

¹⁶ A bɛnda ma tosa kpelemɔɔsaa a lanɔɔ bɛ nɔm, te kon te lanɔɔ pɔmbɔ nɔm te, yɔŋii n cii bɛ nɔm kon, te kon te pɔmbɔ nɔm kon labɛɛ.

Tɔŋ lasálàá 18:16 Referans Kwoze

Tɔŋ miingua 25:5

«Te puapilɛa nda ŋiɔn a va pɛ icali latulu, mì o pilɔɔ vi kɛ o vilu hɔ́ɔ́ le, lanɔ o mɛi kon-ndo bɛnda mò faŋan yungu kon o ba le kɔlan calle o nɔu nɛɛ celen te. Puapilɛ pɔnɔ ndɔ-o bɛnda mò loo ndu, mò siŋnun laa ndɔ, mò luɛi ndu coo le tùú o co puapilɛ pɔnɔ ndɔ vi-o-o.

Tɔŋ lasálàá 20:21

Te vanndo cua pɛ lanɔɔ pɔmbɔ ndɔ, te kon te lanɔɔ bɛ ndɔ o nɔ̀u nin, mɛɛ a tosa dɛnɛ nɔɔlɛiyo Mɛlɛka o hɔl. A vu o nɔ kon nin lende a sɔlanin hɔ́ɔ́ le, kani langbanɔ kon o ci bɛ ndɔ ɲɛ-ɲɛ le.

Marke 12:19

«Kɔɔfa, ɲɛ Moise sɛval naa-o co hoo ni: Te vanndo vi pɛ, mò mɛi hɔ́ɔ́ le, kɛ mò mɛi lanɔɔ, puapilɛ vana kon bɛnda mò loo lanɔ kon, haliko mo koma vilul vana vi kon-ndo cuawva.

Matie 22:24

«Kɔɔfa, Moise dimi aa: Te vanndo vi pɛ, mò mɛi hɔ́ɔ́ le, puapilɛ vana kon bɛnda mò loo lanɔ o mɛi-yo, mò koma vilul vana vi kon-ndo cuawva.

Luke 3:19

Kɛ nduyɛ, mí Herɔde va masaa Kalile-o, o Nsaŋ va kon sɔɔn vɔɔnndon dimullo le Herodiade, lanɔɔ puapilɛ ndɔ-o, a le dɛnnda vɔɔnnda o tosa lan-ndo

Marke 6:17

Kani mí Herɔde ndóò dimi maa a bii Nsaŋ, mà baa ndu yɔlɔn o kaasoo le Herodiade, lanɔɔ Filipe puapilɛ ndɔ ndu Herɔde ndóò yil o nɔ̀u nin-ndo pɛɛn.