Tɔŋ lasálàá 17:8 - BII BILA

⁸ Mà dimul vɛlɛ nda aa: ‹Te cua pilacieo Israɛl, te kon te mial co niaa o bɛngu coo-o yeema pɛ le sálà loamaa, te kon te sálà súú celen solio,

Tɔŋ lasálàá 17:8 Referans Kwoze

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

2Samiɛl 24:25

Mó cɔaw niko fonda-loamaa-lasálàá lon, mó solul Mɛlɛka sálàla loamaalan a sálàla kɔlɲululan. O kon, mí Mɛlɛka ɲulul kɔl a lɛŋnden, mí kpundɛ ndóò tuisi Israɛlla coo-o cuu.

1Samiɛl 16:2

Mí Samiɛl ɲuna aa: «Vɛ̀ɛ̀ ya looku yɛnin lakɔ? Te Saul tuei pɛ maa i kɔɛ lon, o dii ya.» Mí Mɛlɛka dimi aa: «Te a va pɛ kɔlan, a bii naw téndóó, a kɔɛ a ndu, a kɔ dimi aa: ‹Mɛlɛka ya hin sálàá solul ni›.

1Samiɛl 10:8

Kɔ pɔɔ Kilkal. I co nɔm komal lon, mì n kɔ soli sálàla loamaalan a sálàla kɔlɲululan. Kɔ cum ya le palɛi ndii ŋɔmmɛw, háá mì komal nɔm, mì kɔ cɔm nɔm ɲɛ n bɛnda le tosaa-o.»

1Samiɛl 7:9

Mí Samiɛl bii saa téndé va vɔ vɔɛiyo-o, mó solul Mɛlɛka ndu sálà loamaa. Mó piɛi Mɛlɛka le Israɛlla, mí Mɛlɛka mulul ndu.

Masaa kialaa n'yamaa 6:26

O kon, ma cɔw fonda-loamaa-lasálà kɛndɛ-kɛndɔɔ le Mɛlɛka Hala nɔmndo o pembii pɔmbɔɛi he coo. Ma cua naw tova diinndɔɔ, ma soli ndu sálà loamaa, ma tɛɛndiaa yɔm soolaa kon le sálà kon lomɔɔ.»

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Tɔŋ lasálàá 17:4

o bɛnda mò hin-ndɔ fɔlɔn a cɔlu kon o cɛi-kola-toandaa-labɔɔŋianndo sondoo, mò cɔm ya Mɛlɛka ndu o Calta nilan hɔl-ndɔ maa sálà. Te o hin a ndu le, o dii ndu pɛ a ba ndɔ lende, mɛɛ o del kasi le kooma o soli man ɲɛ yoomaa-an. Kani o co mɛɛ tɔŋndo dimi yɛ le o dii cɔlu kon te. Lelan, a bɛnda ma faŋa vana kon Israɛlla tɛɛn few-few.

Tɔŋ lasálàá 3:7

Te a saa téndóó o hin ni, o kɔɛ a ndu Mɛlɛka o hɔl.

Tɔŋ lasálàá 17:7

Hee tosan pɛ, Israɛlla pɛngi halaa fondoa nɔ hɔlla maa cuinaa toovi-a sálàlan solullo, à nda co laasianndo kɔɔli ma va nda sooloo-a pɛɛn. La bɛnda mì la bii silaa ho, kandɔɔ a niaa pila kɔ bii a cuavaa niaa imamaa.›

Tɔŋ lasálàá 17:9

o bɛnda mò hin a cɔlu ndɔ sálà kon o cɛi-kola-toandaa-labɔɔŋianndo sondoo, mò soli ndu sálà o Mɛlɛka lo. Te o hin a ndu le, mɛɛ o del kasi, a bɛnda mà faŋa ndu Israɛlla tɛɛn few-few.

Yosue 22:11

Mɛɛ Israɛlaa tɔ̀a tuei maa yungula fula o polale Rubɛn-nden nin-ndan, yungula fula o polale Kad len nin-ndan a yungula fula o polale tálále Manase len nin-ndan la cii fonda-loamaa-lasálàá tangul Yurdɛn o peelo, o kɔngɔ ndaa coo o lɛŋnde Kanaan-nden nin,

Yosue 22:15

Lɔ́ɔ́ nda tiiya o tàndá Kalaad-o nin-ndo, má tɛɛngul yungula fula o polale Rubɛn-nden, polale Kad len a o polale tálále Manase len nin-ndan

Yosue 22:16

sɔɔn Israɛlaa tɔ̀a kpow dimi-on aa: «Le yɛɛ niaa kɛɛ yɛ lo o lediom coo a Hala Israɛlla? Le kɔlɔ yɛɛ nɛ niaa mulul lɛ ndu Mɛlɛka hau kɔɔ, mí la tangul fonda-loamaa-lasálàá le ndu simullo?