Tɔŋ lasálàá 17:6 - BII BILA

⁶ Mì vana-solia-lasálàá vesul koovan o fonda-loamaa-lasálà co o cɛi-kola-toandaa-labɔɔŋianndo sondoo-o. O kon, mò lom cuɛima ndan o fonda-loamaa-lasálà kon coo, ɲɛ ya Mɛlɛka tuɛi cun mì ɲɔɔ hɛnan ya-o co kon ni.

Tɔŋ lasálàá 17:6 Referans Kwoze

Kundalan 18:17

Kɛ cɛl mì vana baŋa naw tova tasoo, saa kóndó tasoo a cuin toovi tasoo le, kani a diandaa nda co Mɛlɛka o hɔl ni. A bɛnda ma fasaŋiaa kooma cɔlua kan o fonda-loamaa-lasálàá coo, ma lom visin macuɛiyon o yin, sálà ŋɔa o yin-ndo co kon ni, o ya tuɛi cun mì ɲɔɔ hɛnan ya-o.

Tɔŋ lasálàá 3:2

Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 3:16

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Tɔŋ lasálàá 3:13

o handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon, vanaa-solia-lasálàá, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 3:11

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin le ya Mɛlɛka-on co mun ni.

Tɔŋ lasálàá 3:8

O handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon kɔɔli, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 3:5

Mì poaa Aarɔn-nda lom ɲɛm mun a sálà loamaa vanin o handaa o kilion coo-o latulu o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Fulaa 29:18

A cii pɛ, a lom visin saa kóndó kon kpow o fonda-loamaa-lasálàá coo. Sálà loamaa solìn le ya Mɛlɛka-o co kon ni. Sálà loamaa co kon ni, o ya tuɛi cun mì ɲɔɔ hɛnan ya-o.

Fulaa 29:13

O kon kɔɔli, a cua visin macuɛin kumbu ɲɛm co cɔlu kon o dembe-on-ndon, a bungɛi hiow naŋɔɔ o yemnde nin-nde, a kɔlkelen miunndon, a cuɛima kumbu kɔlkelen mun-ndan, a lom ɲɛm mun kpow o fonda-loamaa-lasálàá coo.

Tɔŋ lasálàá 17:5

Tɔŋndo ho tosanin ni, Israɛlla ve lɛnin cɔlua diwvo yondoo nin te, kɛ ma va hunɔɔ a nda o vana-solia-lasálàá lo o cɛi-kola-toandaa-labɔɔŋianndo sondoo, mà solul Mɛlɛka sálà kɔlɲuloo a cɔlua kan.

Esekiɛl 44:15

Kɛ leviaa-solia-lasálàá fula o polale Sadɔk len nin-nda, a landu hɔlla o vali cɛi-kola-toandaa diandaa nuu coo telen Israɛlla va laasianndo ya levil-lo-a, nda nda vanin sɔɔnguuo ya ikɛi le vaa o vali nuu nin. A vanin simndan ya (Mɛlɛka) o hɔl le ya visin macuɛiyon a kooma cɔlua sálàá cɔmndo. Ya Maalii, ya co Mɛlɛka-o soo nuaa ni.›»