Tɔŋ lasálàá 17:4 - BII BILA

⁴ o bɛnda mò hin-ndɔ fɔlɔn a cɔlu kon o cɛi-kola-toandaa-labɔɔŋianndo sondoo, mò cɔm ya Mɛlɛka ndu o Calta nilan hɔl-ndɔ maa sálà. Te o hin a ndu le, o dii ndu pɛ a ba ndɔ lende, mɛɛ o del kasi le kooma o soli man ɲɛ yoomaa-an. Kani o co mɛɛ tɔŋndo dimi yɛ le o dii cɔlu kon te. Lelan, a bɛnda ma faŋa vana kon Israɛlla tɛɛn few-few.

Tɔŋ lasálàá 17:4 Referans Kwoze

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Nsaŋ 10:9

Ya, dioo ya co ni, te vanndo kei pɛ o ya nin, mò luɛi, ndu sɔla cindaa. O luɛinin, mò fula, mò saalun nɛɛ diaa kɛndɛa.

Nsaŋ 10:7

Mí Yeesu dimul nda vɛlɛ aa: «I co niaa toɲaa dimul kpendekele, ya co Dio-n'saa ni.

Esekiɛl 20:40

Kani o pembii nii diandɛi coo, o pembii bɛndu-bɛnduei Israɛl coo, cuavaa Israɛlla kpow a vanaa vanin o lɛŋnde len nin-nda kpede a biilunin ya ni. Lon ya cɛlnin nda a kɔllo kpow ni. Lon ya ɲunanin niaa le ɲɛm niaa faŋa o ɲɛm niaan coo le ya yɔngoo-on ni, ɲɛm niaan tason o ɲɛm kean niaan nin a ɲɛm niaa kɛsi le ya-on pɛɛn. Sɔɛi fula Maalii o sondo-e co ken ni, Mɛlɛka pɛɛn.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

O Kandɔɔ 17:14

Vana dii tooma kon te, a faŋa ndu vanaa ndɔa tɛɛn, le tùú o kɛɛ tɔɔmasele kpema nuu cɛlɔɔ-o.»

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Rɔmnda 5:13

Lɔ́ɔ́ pá mí tɔŋndo sinan, hakio va nin o ceendo nin, kɛ le mɛɛ tɔŋ ve vɔ le yɛ, vanáà bii vana le tɔŋ tɛɛmbua le.

Rɔmnda 4:6

Lende koni vɛlɛ ni, vana Hala ke dio, o co le dɛnnda ndɔlan too, vana kon sɔla dɛnɛ kɛndɔɔ. Maa mɛɛ David dimi yɛ aa:

Condii lisai 32:2

Dɛnɛ kɛndɔɔ co le vana kon, vana Mɛlɛka co lɛ tɛɛmbuu ndɔ cɔm coo loo, o nɔ yiyan lakafa o kɔl too.

Tɔŋ lasálàá 20:18

Te vanapɔnɔɔ tosa pɛ kpelemɔɔsaa a vanalanɔ co paangii ndɔɛi cɔu-vo, nda ŋiɔn kpow a bɛnda mà faŋa nda Israɛlla tɛɛn few-few, le tùú nda cɛlan le vanalanɔɔ bɛ̀ɛ̀lan tɛɛmbuuo-o.

Tɔŋ lasálàá 20:16

Te vanalanɔɔ bɛɛ hini pɛ a cɔloo, Israɛlla bɛnda mà dii nda. A bɛnda mà sɔla piɔ́mndo, kani nda pila nuwviaa piɔ́m kon ni.

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Tɔŋ lasálàá 18:29

Kani vanaa delnin yɔŋ vɔɔn vaa lende kɔɔli, mà kela kela nɔɔlɛi kon-nda, a toawnunnin polon mà faŋan Israɛlla tɛɛn few-few.

Tɔŋ lasálàá 17:14

Kani yoomu ɲɛ yoomaa, o kooma ndɔan nin o co ni. Mɛɛ le kɔlɔɔ ho ya dimul niaa Israɛlla ni maa la dia kooma ɲɛ yoomaa le, kani koovan ma co yoomu ɲaa yoomaa kpow ni. Vana-vana de pɛ man, a faŋa ndu Israɛlla tɛɛn few-few.

Tɔŋ lasálàá 17:10

Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Tɔŋ lasálàá 7:18

Te vanndo de pɛ visin cɔlu o yɔngu le sálà kɔlɲulu ndɔɔ-on o paale yàándɔlen coo, Mɛlɛka cɛlnin sálà kon te, o siŋnunnin fúú le vana solinin ndu-o, kani dɛnɛ nɔɔlɛiyo co kon ni. Lelan, sanga haki vana kon vanin ndu pila o lebol.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.

Fulaa 12:19

O palɛi ŋɔmmɛvii ken bɛngu, lɛvɛnndo bɛnda mò va niaa o laba cɛilan nin te. Te vanndo de pɛ ɲɛdiaa toosian a lɛvɛnndo-o o palɛi ken bɛngu, o va mial, o va Israɛlnɔ pilaciee, o bɛnda mò faŋan Israɛlla tɛɛn few-few.

Fulaa 12:15

«O palɛi ndii ŋɔmmɛw bɛngu, la bɛnda mì la va bulu toosian a lɛvɛn too dioo. Paale tasele lɔ́ɔ́ kon le tiiya dɔ́ɔ́ pɛ, la soli lɛvɛnndo o cɛila niaalan nin few-few. Kandɔɔ paale tasele len, kɔ bii paale ŋɔmmɛwndɔlen, te vanndo de pɛ bulu toosian a lɛvɛnndo-o, a bɛnda mà faŋa vana kon Israɛlla tɛɛn.

Tɔŋ lasálàá 17:3

‹O Israɛlla kpow tɛɛn, te vanndo pum yeema pɛ le nawvo, saa, te kon te cuinndo bololan kiolɔɔ o dɔ́ɔ́ngɔ́ɔ̀ nin, te kon te o dɔ́ɔ́ngɔ́ɔ̀ kɔɔli,

Tɔŋ lasálàá 17:5

Tɔŋndo ho tosanin ni, Israɛlla ve lɛnin cɔlua diwvo yondoo nin te, kɛ ma va hunɔɔ a nda o vana-solia-lasálàá lo o cɛi-kola-toandaa-labɔɔŋianndo sondoo, mà solul Mɛlɛka sálà kɔlɲuloo a cɔlua kan.

Tɔŋ lasálàá 17:9

o bɛnda mò hin a cɔlu ndɔ sálà kon o cɛi-kola-toandaa-labɔɔŋianndo sondoo, mò soli ndu sálà o Mɛlɛka lo. Te o hin a ndu le, mɛɛ o del kasi, a bɛnda mà faŋa ndu Israɛlla tɛɛn few-few.

Fulaa 30:33

Vana-vana toosiaa pɛ cuɛima súú vaa lende mò suu vana celen man, te o co yɛ vana-solia-lasálàá le, a bɛnda mà soli vana súú kon vanndo man-ndo Israɛlla tɛɛn po.›»

Fulaa 30:38

Vana-vana toosiaa súú kon pɛ le cun ndɔ kɛndɔɔ tueyɔɔ yeela, a soli vana kon Israɛlla tɛɛn po.»

Tɔŋ lasálàá 3:2

Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

Tɔŋ miingua 21:8

Lelan, a yandi Mɛlɛka, mal vanaa nɔmaa n baŋa-a haki, naa Israɛlla pɛɛn. Síílùù naa sɔɛi piɔ́m vana tɛɛmbuu isɔɔ loo le yandi.› O kon, a sɔla hakio malɔɔ a dɛnɛ piɔ́m vana kon o kɔɔ.