Tɔŋ lasálàá 17:11 - BII BILA

¹¹ Kani o koovan nin yoomu ɲaa yoomaa co ni. I yɔngu niaa man le kpekoo solinndo a man o fonda-loamaa-lasálàá coo, haliko mi ma baŋa yoomu niaa. Le tùú yoomoo co o koovan nin-ndo, lelan ma báŋà yoomoo ni.

Tɔŋ lasálàá 17:11 Referans Kwoze

Hebreea 9:22

Maa mɛɛ tɔŋndo dimi yɛ maa a koovan vana nɔla ɲɛm bɔɔ-bɔɔ dindio ni. Nduyɛ, te koovan ma fula le, malɔɔ lahaki co le.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Marke 14:24

Mó dimul nda aa: «Kooma nian ma co man ni, kooma kpema-an, ma fula le vannda taw-van.

O Kandɔɔ 9:4

Kɛ nduyɛ, la dia vision a yoomoo lenin te, koovan pɛɛn.

Kolɔsea 1:14

O ndu nin naa n sɔla baŋaa dɛnɛ vɔɔndo o ba ni, mí n sɔla hakio malɔɔ.

Matie 26:28

kooma nian ma co man ni, kooma kpema-an, ma fula le vannda taw hakio malɔɔ-an.

Hebreea 13:12

Lelan Yeesu bɛɛ sanga o kobio kɔɔli ni, mó dindi vannda a kooma ndɔma ndu pila-an.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Tɔŋ lasálàá 17:14

Kani yoomu ɲɛ yoomaa, o kooma ndɔan nin o co ni. Mɛɛ le kɔlɔɔ ho ya dimul niaa Israɛlla ni maa la dia kooma ɲɛ yoomaa le, kani koovan ma co yoomu ɲaa yoomaa kpow ni. Vana-vana de pɛ man, a faŋa ndu Israɛlla tɛɛn few-few.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

Rɔmnda 5:9

Sunsun yɛ, kooma ndɔan ma tosa mí n siŋnun vanaa sandaa Hala o hɔl. Hiovɔɔ o kon coo, o ciindiaanin naa le kɔltuw Hala-o.

Tɔŋ lasálàá 8:15

Mí Moise kialu ndu bololan, mó cua kooma ndɔan, mó vow suei lenin, mó suu o kpɛ̀ɛ́n fonda-loamaa-lasálàá, mó balu man suiyo pindo, mó cuiŋi matɔ̀an o fonda-loamaa-lasálà kon bɛngu, mó dindi ndu le baala Mɛlɛka-o, le faleŋun sálà co le hakio sɔlaa malɔɔ-on tosaa lecoo.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Tɔŋ lasálàá 16:11

O kon, Aarɔn kandu a naw tova co le sálàá le haki ndɔ ndu pilaa-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen. O kelu pɛ naw tova kon bololan,

Tɔŋ lasálàá 1:5

O kon kɔɔli, o kelu cɔlu kon bololan o cɛi-kola-toandaa-labɔɔŋianndo sondoo. Vanaa-solia-lasálàá, poaa Aarɔn-nda cɔm Mɛlɛka kooma cɔlu kon, à balu man fasaŋiaa o kpengun fonda-loamaa-lasálà co o dio cɛi-kola-toandaa-labɔɔŋianndo ikɛi-yo coo pindo.

Tɔŋ lasálàá 17:12

Mɛɛ le kɔlɔɔ ho ya dimul Israɛlla ni aa: kandɔɔ a niaa pila kɔ bii a mialaa co icali niaa o bɛngu coo-a, vana-vana dia koovan te.

Tɔŋ lasálàá 4:25

O kon kɔɔli, vana-solia-lasálàá vow suei o kooma cuin kon nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda. O kon o cuiŋi kooma tɔ̀an o fonda-loamaa-lasálà kon bɛngu.

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Tɔŋ miingua 12:23

Kɛ nduyɛ, la mandan le vision dioo a koovan, kani koovan ma co yoomu ɲɛ yoomaa ni. La bɛnda mì la de yoomoo a vision te.