Tɔŋ lasálàá 17:10 - BII BILA

¹⁰ Te cua pilacieo Israɛl, te kon te mial co niaa o bɛngu coo-o de pɛ kooma cɔlu súú-súù, i co ndu mululɔn, mì faŋa ndu Israɛlla tɛɛn few-few.

Tɔŋ lasálàá 17:10 Referans Kwoze

Tɔŋ lasálàá 17:11

Kani o koovan nin yoomu ɲaa yoomaa co ni. I yɔngu niaa man le kpekoo solinndo a man o fonda-loamaa-lasálàá coo, haliko mi ma baŋa yoomu niaa. Le tùú yoomoo co o koovan nin-ndo, lelan ma báŋà yoomoo ni.

Tɔŋ miingua 12:23

Kɛ nduyɛ, la mandan le vision dioo a koovan, kani koovan ma co yoomu ɲɛ yoomaa ni. La bɛnda mì la de yoomoo a vision te.

Tɔŋ miingua 12:16

Koovan kínɛí niaa bɛnda mì la de le ni. La bɛnda mì la cuiŋi man lɛŋ maa mamɛn.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

Yeremi 44:11

Lelan, diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «I co niaa mululɔn, mì tuisi niaa dɛnɛ palaa coo, mì cii Yudaa kpow.

1Samiɛl 14:33

Má kɔ dimul Saul aa: «Vannda cua hakio a Mɛlɛka, a de cɔlua nda diw-va o fonda nda kelu nda bololan-ndo.» Mí Saul dimi aa: «La tosa dɛnɛ kɛndɛ a Mɛlɛka le dɛ! La pimbul pow bɛndoo sisa mì la hiŋ a ndu nanu.»

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

O Kandɔɔ 9:4

Kɛ nduyɛ, la dia vision a yoomoo lenin te, koovan pɛɛn.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.

Esekiɛl 15:7

I cɔlɔbanin nda. A fula o yinnden nin, kɛ yinnden le loamnin nda sukɛí. Lɔ́ɔ́ ya mululunnin nda-o, la sinanin maa ya co Mɛlɛka ni.

Esekiɛl 14:8

I cɔlɔbanin vana kon, mò siŋnun tɔɔmaseloo, mì vannda dimi taloo a ndu. I faŋanin vana kon vanaa nia tɛɛn few-few. O kon niaa sinanin ni maa ya co Mɛlɛka ni.

Condii lisai 34:16

Hɔlta Mɛlɛka lan la co vanaa sandaa coo, nila ndɔlan la co veelula ndalan tueyɔɔ.

Tɔŋ miingua 15:23

Kɛ o va bɛɛ lende, la dia koovan te. La bɛnda mì la cuiŋi man lɛŋ maa mamɛn.»

Tɔŋ lasálàá 19:26

La diá vision a koovan lenin te. La vá vanaa mangalaa le. La vá vanaa viamaa yava le.

Esekiɛl 33:25

Le hee, dimul nda aa nuaa Maalii Hala dimi ni aa: «La co vision dioo a koovan lenin, la co hɔlla mulio o piɔmaa niaa lo, mì la va nda sooloo. La co vanndacieea diwvo! Yee a kon kpow la co vɔ yiyanndo maa ɲɛ niaa pɛpɛ lɛŋnden nden le co ni?

Yeremi 21:10

Kani i co kobio ho mululɔn, mì tosal ndu dɛnɛ vɔɔndo, o venin dɛnɛ kɛndɛ le. I malnin ndu masaa Babilɔn o ba mò mal ndu yin.›»

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Dɛnnda kiilaa 15:29

la dia visin nda co halaa fondoa sálàlan solullo-on te. La dia kooma cɔlua te kon te visin visi nda kundikundi mí koovan ma lo ndu nin-ndo le, la suunda le. Te la kpakpala pɛ dɛnndan ndan kpow, mɛɛ o naŋ. La lɔl kɛndɛ!»

1Samiɛl 14:32

Ndáà fulaa lon, má kɔ del o ɲɛm ndáà bii yaamɔɔa o ba-on coo. Má bii saa, navaa kalla a navaa téndéa, má diw nda. A soli nda makòó le, má dia nda o foofo nda dii nda kon-ndo coo a koovan lende.

2Samiɛl 23:17

O kon, mó dimi aa: «Mɛlɛka, i bɛnda mì kol mɛnndan man te. Mɛmndan man, sɔngɔ kooma vanaa pisi yoomu ndaa le kɔlan man kɔndɔɔ-a ma co ni.» O cɛl le man kolɔɔ le few. Dɛnnda bɛndula vanaa cɔvaa yáá-aa kan tosa lan la yɔŋnun ndán ní.

Amɔs 9:4

Taa kɔɛ pɛ o biyɔɔ nin o lɛŋnde celen nin yaamɔaa ndaa o hɔl, lon bɛɛ i tosanin mì mɔɛi cɔwve diw nda. I tofanin nda, kɛ o venin le nda dɛnɛ kɛndɛ tosal te, fɔ le nda dɛnɛ palaa tuisio coo.»

Fulaa 30:33

Vana-vana toosiaa pɛ cuɛima súú vaa lende mò suu vana celen man, te o co yɛ vana-solia-lasálàá le, a bɛnda mà soli vana súú kon vanndo man-ndo Israɛlla tɛɛn po.›»