Tɔŋ lasálàá 16:6 - BII BILA

⁶ O kon, Aarɔn soli sálàá a naw tova co le hakio sɔlaa malɔɔ-o le haki ndɔ ndu pila-o, o tosa faleŋii baŋannde le hakio sɔlaa malɔɔ le ndu pila a le yungule ndɔlen.

Tɔŋ lasálàá 16:6 Referans Kwoze

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Tɔŋ lasálàá 9:7

O kon mí Moise dimul Aarɔn aa: «Sɔɔnguu o fonda-loamaa-lasálàá ikɛi, ma soli sálà co le hakio sɔlaa malɔɔ-o a sálà loamaa le nɔm pila, ma tosa falennde le hakila nɔmndan vɔɔsuuo, le nɔm pila a le Israɛlla kpow. Soli sálàá le nda kpow, ma tosa faleŋii baŋannde le nda mɛɛ Mɛlɛka dimi yɛ kpafii.»

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Esekiɛl 43:27

Te palɛi ken cuu pɛ peelɔn lende, kandɔɔ nin a paale ŋɔmaandɔlen háá lende nin, vanaa-solia-lasálàá vanin sálàla loamaala niaalan a sálàla kɔlɲulula niaalan solio o fonda-loamaa-lasálà kon coo. O kon (ya Mɛlɛka), i nɔla niko mì cɛl niaa.» Diom Maalii dimi-o co kon ni, Mɛlɛka pɛɛn.

Esekiɛl 43:19

Lelan, bii naw tova téndóó ma yɔngu leviaa-solia-lasálàá, a fula o polale Sadɔk len coo-a, a co sɔɔnguuo ya ikɛi le vaa o vali nuu nin-nda, le sálà co le hakio sɔlaa malɔɔ-o solio a cɔlu kon. Diom Maalii dimi-o co kon ni, Mɛlɛka pɛɛn.

SƐBƐ YƆB-O 1:5

Te ndáà balu pɛ diolan lende pindo, Yɔb ndóò veelu cuavaa ndɔa kalaa, ndóò dindi nda. Idii púŋ, ndóò pena cɔnɔn, ndóò soli sálà loamaa le nda a pilɛn-pilɛnnda Kani nuaa ndóò dimi ni aa: «Bɔɔle poaa nia tosa hakio pum. Bɔɔle a dimi diomnde tanalen a Hala o kɔlta ndalan nin.» Lende Yɔb ndóò tosa lɔ́ɔ́-lɔ́ɔ̀ ni.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

Tɔŋ lasálàá 16:3

O va pɛ le luɛyɔɔ o Cɛi-Diandaa nin, ɲɛm o bɛnda mò luɛi o ba-on co mun ni: naw tovaa o pilɛ le sálà co le hakio sɔlaa malɔɔ-o solio a saa kóndóó o pilɛ le sálà loamaa solio.

Tɔŋ lasálàá 16:7

O cii pɛ, o cua cuinaa toovia ŋiɔŋaa Israɛlla hin-nda, o hin a nda Mɛlɛka o hɔl o cɛi-kola-toandaa-labɔɔŋianndo sondoo,