Tɔŋ lasálàá 16:5 - BII BILA

⁵ Israɛlla bɛnda mà yɔngu ndu cuinaa toovia nda ŋiɔn le sálà co le hakio sɔlaa malɔɔ-o solio, a saa kóndóó o pilɛ le sálà loamaa solio.

Tɔŋ lasálàá 16:5 Referans Kwoze

2Dɛnnda lemasalan 29:21

Má kɔa a navaa tovaa nda ŋɔmmɛw, saa kóndóa nda ŋɔmmɛw, saa téndéa nda ŋɔmmɛw a cuinaa toovia nda ŋɔmmɛw le sálà co le hakio sɔlaa malɔɔ-o solio le yungu lemasaa, le Fonda-Diandaa a le Yudaa. Mí masaa dimul vanaa-solia-lasálàá, poaa Aarɔn-nda le sálàla lan solio o fonda-loamaa-lasálà Mɛlɛka-o coo.

Ɛsdras 6:17

Le Cɛi-Hala kon kumbio, má soli navaa tovaa kɛmɛ (100), saa kóndóa kɛmɛ lediin (200) a saa téndéa kɛmɛ lehiɔɔlu (400). Le sálàá solio le haki cuavaa Israɛlla kpow, má yɔngu cuinaa toovia tɔ́ a à ŋiɔn maa mɛɛ polama ndan ma va sɛ́lɛ́ yɛ.

Kundalan 29:11

Mì la dii vɛlɛ cuin toovio pilɛ le sálà co le hakio sɔlaa malɔɔ-o. Mì sálàla lan la cɔɔlu handɔn o sálà teengen co le hakio sɔlaa malɔɔ-o coo, o nda soli o paale bɛndule malaa lahakilen coo-o, a o sálà loamaa solin lepalaa-lepala-o coo, o dɛɛ ndɔ sálàá coo a o mɔima ndɔma sálàn coo.»

Tɔŋ lasálàá 8:2

«Veelu Aarɔn nda poaa ndɔa, ma cua volɔɔla solia lasálàlan, cuɛima pɔlan, naw tova co le sálà co le hakio sɔlaa malɔɔ-o, saa kóndóa ŋiɔnda a kambɛi bulu toosian a lɛvɛn too co nin-ndo,

Rɔmnda 8:3

Tɔŋndo ndóò nɔla ken tosa le, kani ndóò nɔ mayoomu le, le falun ivanacieeyan. Kɛ mí Hala ndu tosa ken, mó cuu Po ndɔ ndu pilaa o velan dialun hakion nin le hakio faŋaa. O kon mó yaala hakio o falon nin.

Tɔŋ lasálàá 8:14

O kon kɔɔli, mí Moise sɔɔnguu naw tova va le sálà co le hakio sɔlaa malɔɔ-o, mí Aarɔn nda poaa ndɔa handu balan naw tova kon o lebol.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 9:2

mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le.