Tɔŋ lasálàá 16:4 - BII BILA

⁴ O bɛnda vɛlɛ mo cuɛinun doma lebɛngu toosian a kola keesoo-o, mò vownun lɛmbɛla lebɛngula toosian a kola keesoo lan, mò yiinun yáwle toosian a kola keesoo len, mò vownun mɔsil toosian a kola keesoo-o. Mɛɛ volɔɔla lan la co ladiandaalan Mɛlɛka o hɔl-lɛ, o bɛnda fɔlɔn mò pulun malan o vownun ndan.

Tɔŋ lasálàá 16:4 Referans Kwoze

Fulaa 30:20

Tuma pá nda luɛi o cɛi-kola-toandaa-labɔɔŋianndo nin, fɔ mà kei fɔlɔn pelon a balan pulɔɔ a mɛmma man, yɔŋii nda sɔla piɔ́mndo. Tuma pá mà sɔɔnguu vɛlɛ o fonda-loamaa-lasálàá ikɛi le sálà ŋɔa o yin-ndo solio o Mɛlɛka lo, a bɛnda mà pulu pelon a balan a man, yɔŋii nda sɔla piɔ́mndo.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Tɔŋ lasálàá 6:10

A bɛnda mà toosiaa ndu a lɛvɛnndo le few, kani o sálàla kei o yinnden nin le ya Mɛlɛka lan nin, ɲɛ ya yɔngu nda-o co kon ni. Ɲɛ diandaa-diandaa co kon ni, maa ɲɛ nda sɔlà o sálàá co le hakio sɔlaa malɔɔ-o nin a o sálà bɛɛndiaa isɔɔ nin-ndo koni.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

Filipea 2:7

Kɛ mí ndu pila mal biilu o va nin-ndo, mó siingun cɛɔ le siŋnɔn o siŋnun maa vanaciee-o. Ndóò cɔu maa o siŋnun vanacieo,

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Esai 53:2

O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.

Tɔŋ lasálàá 16:24

O kon kɔɔli, o kɔ pulun cɛ́kɛ́lɛ́ o nɛɛ diandaa pum, o mingin volɔɔla ndɔlan lekɔɔ. O kon, o kɔ soli sálàla loamaala tiɔnndan le ndu pila a le Israɛlla kpow. O cii pɛ, o tosa faleŋii baŋannde le hakio sɔlaa malɔɔ le ndu pila a le Israɛlla kpow.

Fulaa 40:12

Ma sɔɔnguu vɛlɛ Aarɔn nda poaa ndɔa o cɛi-kola-toandaa-labɔɔŋianndo sondoo, ma pulu nda a mɛnndan,

Fulaa 29:4

O kon, a sɔɔnguu Aarɔn nda poaa ndɔa o cɛi-kola-toandaa-labɔɔŋianndo sondoo, a pulu nda a mɛnndan.

Fulaa 28:2

Ma sɔndu volɔɔla diandaala solia lasálàlan le Aarɔn bɛ nɔm. Lan la co va tɔɔmaseloo le biilu ndɔɔ a le bɛɛle ndɔlen ni.

Tɔŋ lasálàá 16:23

Aarɔn muungu o cɛi-kola-toandaa-labɔɔŋianndo nin, o soli volɔɔla kola keesela va ndu lekɔɔlan, o luɛi o Fonda Diandaa-Diandaa nin, o kɛsi lan ndon.

Tɔŋ lasálàá 16:32

Vana bɛnda mò tosa faleŋii baŋannde-o, ndu co vana-solia-lasálà sɔla pɔlaa mo siŋnun teengen le vali solia lasálàá tosaa-o ni. Ó sɔla pɔlaa le lou o fonda fuɲa ndɔ-o, le siŋnɔnndo bolle vanaa-solia-lasálàá-o pɛɛn. Le faleŋun mun tosaa, o bɛnda mò cuɛinun volɔɔla toosian a kola keesoo lan, lan la co ladiandaa Mɛlɛka o hɔl ni.

Esekiɛl 9:2

Mí ca langbaa hunɔɔ nda ŋɔmpum, má kei a nɛi dio luɛyaa bɛndu muli hɔlla a ba luaŋ-ndo-o, vana-vana óò nɔ ɲɛ cɔw tɛɛmbua n'vanndacieo o ba. Vanndo pum va nda tɛɛn a kola keesoo lekɔɔ, kpɛkilen le va ndu lelandaa o yáwlen. Mí vanaa kan a hun sim o fonda-loamaa-lasálà cɔwnun a daɲan-ndo ikɛi.

Esekiɛl 44:19

Kɛ telen nda vanin fulaa le kɔlan o bɛ́ɛ̀ co lekɔɔli-o nin-ndo vanaa tɔ̀a ikɛi-yo, a bɛnda mà soli volɔɔla nda vownun le sálàlan solio a lan lekɔɔ lan, má kɛsi lan o cɛila pɔmbɔla leninnda co o fonda diandaa nin-ndan nin, o kon ma vownun volɔɔla celen, yɔŋii nda tuisi kpaaya diondɔɔ Mɛlɛka-o vannda coo a volɔɔla solia lasálàla ndalan.

Tɔŋ lasálàá 6:3

Mì vana-solia-lasálàá vownun doma ndɔ bɛndu toosian a kola keesoo-o, mò vownun vɛlɛ lɛmbɛla lebɛngula toosian a kola keesoo lan, mò faaŋiaa pulta cal o yinnde sálà loamaa o fonda-loamaa-lasálàá coo lan, mò dii lan o fonda kon ikɛi.