Tɔŋ lasálàá 16:34 - BII BILA

³⁴ Tɔŋ niaa bɛnda le biyɔɔ le fɛɛn a fɛɛn-ndo co kon ni. La bɛnda mì la bii ndu haliko mi la sɔla hakio malɔɔ le hakila niaalan kpow bɛmbɛ lepilɛ o vɔsio nin, niaa Israɛlla pɛɛn.» Má tosa ɲɛ-ɲɛ Mɛlɛka dimul nda a sondo Moise-o.

Tɔŋ lasálàá 16:34 Referans Kwoze

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Hebreea 9:25

Vɔsi oo vɔsi, mɛɛ mì bolle vanaa-solia-lasálàá ndóò luɛi o fonda diandaa-diandaa nin a kooma ve kooma ndɔ ndu pila le-an. Kɛ Krista luei o halataala le ndu pila sálà solin bɛmbɛ lediin-leyaa le.

Fulaa 30:10

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»

Hebreea 10:14

O yɔngɔn ndɔ kon nin, mí vanaa o dindi a hakio-a peelun le fɛɛn a fɛɛn.

Hebreea 10:3

Kɛ o co lende le, sálàla lan kpeekpei la mingi nda yiyando vɔsi oo vɔsi o hakila ndalan coo ni.

Kundalan 29:7

«O paale tɔ́ndɔlen coo o paangii ŋɔmmɛwndɔɛi nin, la bɛnda mì la cuungian le kaannden tosaa. Mì la bii sumndo ɲinkon, la tosa paale len vali niaa tosà paandu-o le.

Tɔŋ lasálàá 23:31

La bɛnda mì la tosa baala súú-súù ɲinkon te. Fonda oo fonda niaa va pɛ icali, la bii silaa ho le fɛɛn a fɛɛn.

Fulaa 27:21

Mì Aarɔn nda poaa ndɔa bɛɛndiaa fitinalan kɛsi ɲɛkɛndɛi o cɛi-kola-toandaa-labɔɔŋianndo nin, o kola-landaa ven kesu kpemaa-o o hɔl-ndɔ, haliko mi fitinalan la va lɔan sandei pii ya Mɛlɛka o hɔl. Fonda oo fonda niaa va pɛ icali, kandɔɔ a niaa pila, kɔ bii a cuavaa niaa imamaa, la bii tɔŋndo ho le fɛɛn a fɛɛn.»

Tɔŋ lasálàá 17:1

Mí Mɛlɛka soaa o Moise lo, mó dimul ndu aa:

Tɔŋ lasálàá 23:28

Paale len, la tosa baala oo baala le, kani paale bɛndule malaa lahakilen le co len ni. Ɲinkon, à bɛnda mà tosa faleŋii malaa lahakiei niaa Israɛlla coo ya Mɛlɛka o hɔl, ya Hala niaa pɛɛn.

Fulaa 39:43

Mí Moise mɛɛndan vali tosan-ndo, mó ca maa o tosan ɲɛkɛndɛi mɛɛ Mɛlɛka cɔm ndu yɛ. O kon, mó dɔaw vanaa tosa baala kon-nda kpede duaa.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

Tɔŋ lasálàá 16:2

«Dimul Aarɔn bɛ nɔm aa o va hiovɔɔ telen oo telen o kola-landaa co o Cɛi-Diandaa nin-ndo kɔɔli le tiiyaa o Fonda Diandaa-Diandaa nin te, o kumbu kesu kpemaa hɔl-ndɔ pɛɛn. Te o va pɛ hiovɔɔ lon telen oo telen, lɔ́ɔ́ o co komal mì fula o kumii bɛndu-bɛnduei nin o kumbu kesu kpemaa coo-o, o co ɲinkon piɔ́mndo sɔla.

Tɔŋ lasálàá 24:23

Mɛɛ Moise cii Israɛlla diomnda Mɛlɛka soo lan-ndan tɛɛngul, má kɔa dɔ́ɔ́ a langbanɔ soo kon diomnde vɔɔnnden a Mɛlɛka-o o dɔ́ɔ́ngɔ́ɔ̀ kɔɔli, má saan ndu viiyo a powtan háá mó vu. Nuaa Israɛlla peelu sɔɛi Mɛlɛka soo ken mí Moise tɛɛngul nda-e ni.