Tɔŋ lasálàá 16:31 - BII BILA

³¹ La bɛnda mì la niinu pɛngio ɲinkon kpɛŋ, mì la bii sumndo. Tɔŋ niaa bɛnda le biyɔɔ le fɛɛn a fɛɛn-ndo co kon ni.

Tɔŋ lasálàá 16:31 Referans Kwoze

Tɔŋ lasálàá 23:32

Paale len kpow, paale pɛngiaalen le co le niaa ni, la tosa baala oo baala ɲinkon te. La bɛnda mì la bii sumndo, kandɔɔ o paale ŋɔmahiɔɔlundɔlen icɔllo, háá diimandɔɔ, la tosa baala oo baala le.»

Esai 58:5

Vɛ̀ɛ̀ sum hɛnan ya Mɛlɛka-o co kon ni? Vɛ̀ɛ̀ paale vanacieo tuisin ndu pila tootoo len le co len ni? Mò va maa le bollen tundɔɔ maa lekpɛ̀ndɛ̀, le yalala yuululan vownɔnndo a le lɔngɔlianndo o pultan nin ni? Vɛ̀ɛ̀ kon niaa veelunin ni aa sumndo? Vɛ̀ɛ̀ paale hɛnan Mɛlɛka len le co len ni?

Esai 58:3

A co ɲunaa aa: «Tɔnɔ yɛɛ naa n nɔ yɛ le sumndo biyɔɔ te nɔm (Mɛlɛka) co ndi cɔ le? Tɔnɔ yɛɛ naa n nɔ yɛ le naa pila tuisinndo tootoo te nɔm co naa saalan te?» O kon mí Mɛlɛka muli aa: «O co fondo le, paale niaa co sumndo biyɔɔ len, la co yiyannda niaalan tosaa, la co vanaa baalaa niaa saangiaa a kɔlvesɛiyo.

Tɔŋ lasálàá 25:4

Kɛ vɔsi ŋɔmmɛwndɔɔ, vɔsi pɛngiaa co kon le yondoo ni, la bɛnda mì la ke ya Mɛlɛka bɛɛlen. Vɔsi kon kpow, yondoo bɛnda mò sɔla pɛngio. La bɛnda mì la vaa n'ciɛɛ le, la bɛ́ɛ́siàà vɛlɛ nakɔla n'rɛsɛnnda niaalan te.

Fulaa 35:2

N bɛnda mì n tosa baalala naalan kpow o palɛi ndii ŋɔmpum bɛngu, kɛ paale ŋɔmmɛwndɔlen, paale pɛngiaalen le co len le naa ni, paale Mɛlɛka dindi le pɛngio len le co len ni. Vana-vana tosa pɛ baalaa o paale len coo, o bɛnda mò sɔla piɔ́mndo.

Fulaa 31:15

Palɛi co ndii ŋɔmpum le baalalan kpede tosaa, kɛ paale ŋɔmmɛwndɔlen le co paale pɛngiaale dindin le Mɛlɛka len ni. Vana-vana tosa pɛ baala oo baala paale len, ndu sɔla piɔ́mndo.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Daniɛl 10:12

Mó dimul-la aa: ‹Siòòŋii bíì nɔm te, Daniɛl, kani kabi paale tasele n yiyan le sɔɔn co yɔŋnɔnndo-on sinaa a le tuisinndo tootoo Hala o hɔl-ten, mí Hala tuɛi nɔm diom. Lelan ya hin o nɔm ndo ni.