Tɔŋ lasálàá 16:29 - BII BILA

²⁹ Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

Tɔŋ lasálàá 16:29 Referans Kwoze

Esai 58:3

A co ɲunaa aa: «Tɔnɔ yɛɛ naa n nɔ yɛ le sumndo biyɔɔ te nɔm (Mɛlɛka) co ndi cɔ le? Tɔnɔ yɛɛ naa n nɔ yɛ le naa pila tuisinndo tootoo te nɔm co naa saalan te?» O kon mí Mɛlɛka muli aa: «O co fondo le, paale niaa co sumndo biyɔɔ len, la co yiyannda niaalan tosaa, la co vanaa baalaa niaa saangiaa a kɔlvesɛiyo.

Kundalan 29:7

«O paale tɔ́ndɔlen coo o paangii ŋɔmmɛwndɔɛi nin, la bɛnda mì la cuungian le kaannden tosaa. Mì la bii sumndo ɲinkon, la tosa paale len vali niaa tosà paandu-o le.

Daniɛl 10:12

Mó dimul-la aa: ‹Siòòŋii bíì nɔm te, Daniɛl, kani kabi paale tasele n yiyan le sɔɔn co yɔŋnɔnndo-on sinaa a le tuisinndo tootoo Hala o hɔl-ten, mí Hala tuɛi nɔm diom. Lelan ya hin o nɔm ndo ni.

Esai 58:5

Vɛ̀ɛ̀ sum hɛnan ya Mɛlɛka-o co kon ni? Vɛ̀ɛ̀ paale vanacieo tuisin ndu pila tootoo len le co len ni? Mò va maa le bollen tundɔɔ maa lekpɛ̀ndɛ̀, le yalala yuululan vownɔnndo a le lɔngɔlianndo o pultan nin ni? Vɛ̀ɛ̀ kon niaa veelunin ni aa sumndo? Vɛ̀ɛ̀ paale hɛnan Mɛlɛka len le co len ni?

Condii lisai 35:13

Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.

Tɔŋ lasálàá 23:36

O palɛi ŋɔmmɛvii ken nin, la bɛnda mì la va ya sálàlan solullo lepalaa-lepala, mì la va lan lomɔɔ o yin. Paale ŋɔmaandɔlen, la bɛnda mì la bɔɔŋian le ya biiloo, mì la lum ya sálàá o yin. La tósà ɲinkon baala niaa tosà paandu-o le.

Tɔŋ lasálàá 23:21

Paale pilɛle len, la bɛnda mì la cuungian le kaannden, la bɛnda mì la tosa ɲinkon baala niaa tosa paandu-o le. Fonda oo fonda niaa va pɛ icali, la bɛnda mì la bii silaa ho le fɛɛn a fɛɛn.

Fulaa 20:10

Kɛ paale ŋɔmmɛwndɔlen, paale pɛngiaale diandaale co le Mɛlɛka Hala niaa len le co len ni. La tosa baala oo baala o paale len coo le, kandɔɔ a niaa pila, poaa niaa, cuavaa niaa laandua, cɛa niaa piaandua a à laandua, cɔlua niaa, kɔ bii a mialaa co niaa o bɛngu coo-a.

Hebreea 4:10

Kani vana luɛi pɛ o pɛngi Hala-o nin, ndu bɛɛ pɛngi a vali ndɔɔ, mɛɛ Hala pɛngi a o ndɔɔ yɛ.

1Korɛntea 11:31

Kɛ te naa pila n yaasiaa pɛ kɔlta naalan, a kilunin naa iyama le.

Daniɛl 10:3

I ve ɲɛdiaa hɛnan ya-o dio le, i ve n visi dio le, i ve mamɔi kolɔɔ le, i ve vɛlɛ macuɛi suunɔn te, háá mí lɔ́ɔ́la yáálan la cuu.

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Condii lisai 69:10

Hala, kaola ya nɔ le Cɛi nɔmndo-o co ya lomɔɔ maa leyin. Yeowla vannda co nɔm-ndan yeowla lan koni nda co ya ni.

Ɛsdras 3:1

Mɛɛ paangii ŋɔmmɛwndɔɛi tiiya, Israɛlla va icali o kobila ndalan nin, mí nda kpow a cuungian Yerusalɛm.

1Masaa 8:2

Mí vanpiaandua Israɛlla kpow a cuungian vɛlɛ o masaa Salomɔn ndo le kafo paangii Etanim-nde tosaa, paangii ŋɔmmɛwndɔɛi pɛɛn.

Tɔŋ lasálàá 23:3

La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Fulaa 30:10

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»

Fulaa 12:16

La bɛnda mì la cuungian le kaanden tosaa o paale taselen a o paale ŋɔmmɛwndɔlen coo. La tosa baala celen o palɛi ken coo le, fɔ le ɲɛdiaa niaa yawvo kínɛí.

Dɛnnda kiilaa 27:9

Mí n hivi palɛi bɔɔ-bɔɔ lon, mí telen vɔw le kelaa o mɛnndan coo-o komal naa lon, kani paale biyaa sum-nden léè hiownun nin. Mí sila vanaa va dɛ̀ndɔ̀ɔ́ tɛɛnguuo-a aa:

Fulaa 31:14

Lelan, la bii paale pɛngiaalen, kani paale diandaalen paale len le co le niaa ni. Vana-vana nɔɔliaa pɛ paale len, ndu sɔla piɔ́mndo. Kani vana-vana tosa pɛ baalaa lecoo, a solinin ndu Israɛlla tɛɛn po.

Fulaa 31:15

Palɛi co ndii ŋɔmpum le baalalan kpede tosaa, kɛ paale ŋɔmmɛwndɔlen le co paale pɛngiaale dindin le Mɛlɛka len ni. Vana-vana tosa pɛ baala oo baala paale len, ndu sɔla piɔ́mndo.

Tɔŋ lasálàá 3:17

Silaa co hoo le niaa le fɛɛn a fɛɛn ni, kandɔɔ a niaa pila kɔ bii a cuavaa niaa imamaa: fonda oo fonda niaa va pɛ icali, la dia cuɛima cɔloo le, la dia vɛlɛ kooma ndɔan te.»

1Samiɛl 7:6

Mí Israɛlla cuungian Mispa. Má kɔandu mɛnndan, má cuuŋuu man lɛŋ Mɛlɛka o hɔl, má bii sumndo paale len. O kon kɔɔli, má sɔlɔlan hakila ndáà cua a Mɛlɛka lan. Mispa lon Samiɛl siŋnun simlacinɔ Israɛlla ni.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Tɔŋ lasálàá 25:9

O kon, te paangii ŋɔmmɛwndɔɛi ciŋa pɛ palɛi tɔ́, la hɔŋ bululan o lɛŋnden kpow nin, la sangala ya taw-taw. Kani paale bɛndule baŋannden le co len le hakila niaalan ni. Lelan, bululan la bɛnda mì la hɔŋnun taw-taw paale len.