Tɔŋ lasálàá 16:18 - BII BILA

¹⁸ o fula o cɛi-kola-toandaa-labɔɔŋianndo nin, o kɔɛ o fonda-loamaa-lasálà co o cɛi-kola-toandaa-labɔɔŋian kon laci-o ikɛi. O tiiya pɛ, o tosa faleŋii dindiannde o fonda-loamaa-lasálà kon coo. O kon, o kɔndu kooma naw tovaa ɲɛ-pɔmbɔ a kooma cuin toovio ɲɛ-pɔmbɔ, o suu man o kpɛ̀ɛ́n fonda-loamaa-lasálà kon.

Tɔŋ lasálàá 16:18 Referans Kwoze

Tɔŋ lasálàá 4:7

Mò suu vɛlɛ kooma man o kpɛ̀ɛ́n fonda nda loam ansan coo-on coo Mɛlɛka o hɔl o cɛi-kola-toandaa-labɔɔŋianndo nin. O cii pɛ, o kɔ cuiŋi matɔ̀an o fonda nda sòli sálàla loamaalan coo-o bɛngu, o co o cɛi-kola-toandaa-labɔɔŋianndo sondoo-o pɛɛn.

Tɔŋ lasálàá 16:16

Mɛɛ lende o tosanin faleŋii dindiannde o Cɛi-Diandaa coo le tùú Israɛlla nɔɔlian-ndo a le nila kalula ndalan ni, kon co dimio ni maa le hakila ndalan kpow. O cii pɛ, o tosa vɛlɛ faleŋii pilɛi ken le cɛi-kola-toandaa-labɔɔŋianndo dindio, kani vanaa cɛi-kola-toandaa-labɔɔŋian kon co tɛɛn-nda co a nɔɔlɛiya.

Tɔŋ lasálàá 4:18

O kon, o suu vɛlɛ kooma man o kpɛ̀ɛ́n fonda-loamaa-lasálà co Mɛlɛka o hɔl o cɛi-kola-toandaa diandaa nin-ndo. O cuiŋi kooma tɔ̀an kpow o fonda-loamaa-lasálàá bɛngu, nɛɛ nda sòli sálàla loamaalan o cɛi-kola-toandaa-labɔɔŋianndo sondoo-a pɛɛn.

Fulaa 30:10

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»

Hebreea 2:11

Yeesu dindi vanndacieea le hakila ndalan. Vana dindi vannda-o a vanaa o dindi-a kpow, fuɲa pilɔɔ nda nɔ ni. Lelan, siɛmbula ve ndu le nda veeloo aa puapilɛa le.

Nsaŋ 17:19

Ya pila i yɔngun le nda, haliko mi nda bɛɛ yɔngun nɔm o toɲaa nin.

Tɔŋ lasálàá 4:25

O kon kɔɔli, vana-solia-lasálàá vow suei o kooma cuin kon nin, o suu man o kpɛ̀ɛ́n fonda-loamaa-lasálàá, nɛɛ nda soli sálàla loamaalan-nda. O kon o cuiŋi kooma tɔ̀an o fonda-loamaa-lasálà kon bɛngu.

Tɔŋ lasálàá 16:17

Kandɔɔ telen Aarɔn luɛinin o Fonda Diandaa-Diandaa nin le faleŋii baŋannde tosaa-o, háá telen o fulanin lon-ndo, vana-vana bɛnda mò va o cɛi-kola-toandaa-labɔɔŋianndo nin te. O cii pɛ faleŋii baŋannde tosa le ndu pila, le yungule ndɔlen a le Israɛlla kpow,

Kundalan 28:22

Mì la soli vɛlɛ sálà co le hakio sɔlaa malɔɔ-o a cuin toovio pilɛ le faleŋii baŋannde tosaa le haki niaa.

Esekiɛl 43:20

O kon, mì nɔm cua kooma naw kon, mà sui man o kpɛ̀ɛ́n hiɔɔlun fonda-loamaa-lasálàá, o sɔngila hiɔɔlula boondii ndɔɛi, a o cɔcɔɛi mɛɛlɛi co o bɔŋala ndɔlan-nde. Lende n dindinin fonda-loamaa-lasálàá ni, mà tosa faleŋii baŋannde lecoo.

Esekiɛl 43:22

Diimandɔɔ, a cua cuin toovi nɔ lenamta loo le sálà co le hakio sɔlaa malɔɔ-o, o kon a faŋa hakio o fonda-loamaa-lasálàá coo, mɛɛ nda faŋanin ndu a sálà nda solinin a naw tovaa-o yɛ.

Esekiɛl 45:19

Vana-solia-lasálàá cuanin kooma cɔlu solin kon sálàá le hakio-o, mò sui man o koŋnda Cɛi-Hala-o coo, o sɔngila hiɔɔlula boondii mɛɛlɛi fonda-loamaa-lasálàá a o koŋnda dio bɛndu co o bɛɔ lenin-ndo lan coo.