Tɔŋ lasálàá 16:17 - BII BILA

¹⁷ Kandɔɔ telen Aarɔn luɛinin o Fonda Diandaa-Diandaa nin le faleŋii baŋannde tosaa-o, háá telen o fulanin lon-ndo, vana-vana bɛnda mò va o cɛi-kola-toandaa-labɔɔŋianndo nin te. O cii pɛ faleŋii baŋannde tosa le ndu pila, le yungule ndɔlen a le Israɛlla kpow,

Tɔŋ lasálàá 16:17 Referans Kwoze

Luke 1:10

Nduyɛ, aa va pɛ ansan lomɔɔ, vannda taw aa piɛi Hala o dio ni.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Fulaa 34:3

Hèl a vana-vana kɔɔli le, vana celen bɛnda mò va o pembei coo le. Hali cɔlua bɛnda mà va diólan o pembei ikɛi le.»

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

1Timote 2:5

Kani Hala ndu pilɛ kpé co ni, vana toosiaa isɔɔ ndu pilɛ kpé co vɛlɛ Hala a vanndacieea tɛɛn ni, Yeesu Krista pɛɛn.

Dɛnnda kiilaa 4:12

Cindaa sɔlan o vana celen nin te, kani o ceendo coo, diola kɛ́-kɛ̀ la yɔngun vanndacieea tɛɛn te, la naa n sɔla cindaa kɔɔli lan.»

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Tɔŋ lasálàá 16:16

Mɛɛ lende o tosanin faleŋii dindiannde o Cɛi-Diandaa coo le tùú Israɛlla nɔɔlian-ndo a le nila kalula ndalan ni, kon co dimio ni maa le hakila ndalan kpow. O cii pɛ, o tosa vɛlɛ faleŋii pilɛi ken le cɛi-kola-toandaa-labɔɔŋianndo dindio, kani vanaa cɛi-kola-toandaa-labɔɔŋian kon co tɛɛn-nda co a nɔɔlɛiya.

Tɔŋ lasálàá 16:18

o fula o cɛi-kola-toandaa-labɔɔŋianndo nin, o kɔɛ o fonda-loamaa-lasálà co o cɛi-kola-toandaa-labɔɔŋian kon laci-o ikɛi. O tiiya pɛ, o tosa faleŋii dindiannde o fonda-loamaa-lasálà kon coo. O kon, o kɔndu kooma naw tovaa ɲɛ-pɔmbɔ a kooma cuin toovio ɲɛ-pɔmbɔ, o suu man o kpɛ̀ɛ́n fonda-loamaa-lasálà kon.

1Dɛnnda lemasalan 6:34

Aarɔn a poaa ndɔa va sálàla loamaalan a sálàla cuɛima cun kɛndɛlan solio o fondala va le sálàlan solio lan coo ni. A va baalalan kpow tosaa o Fonda Diandaa-Diandaa nin, má va vɛlɛ Israɛlla sálàla malaa lahakilan solullo mɛɛ Moise ndóò dimul nda yɛ.