Tɔŋ lasálàá 16:16 - BII BILA

¹⁶ Mɛɛ lende o tosanin faleŋii dindiannde o Cɛi-Diandaa coo le tùú Israɛlla nɔɔlian-ndo a le nila kalula ndalan ni, kon co dimio ni maa le hakila ndalan kpow. O cii pɛ, o tosa vɛlɛ faleŋii pilɛi ken le cɛi-kola-toandaa-labɔɔŋianndo dindio, kani vanaa cɛi-kola-toandaa-labɔɔŋian kon co tɛɛn-nda co a nɔɔlɛiya.

Tɔŋ lasálàá 16:16 Referans Kwoze

Tɔŋ lasálàá 16:18

o fula o cɛi-kola-toandaa-labɔɔŋianndo nin, o kɔɛ o fonda-loamaa-lasálà co o cɛi-kola-toandaa-labɔɔŋian kon laci-o ikɛi. O tiiya pɛ, o tosa faleŋii dindiannde o fonda-loamaa-lasálà kon coo. O kon, o kɔndu kooma naw tovaa ɲɛ-pɔmbɔ a kooma cuin toovio ɲɛ-pɔmbɔ, o suu man o kpɛ̀ɛ́n fonda-loamaa-lasálà kon.

Tɔŋ lasálàá 8:15

Mí Moise kialu ndu bololan, mó cua kooma ndɔan, mó vow suei lenin, mó suu o kpɛ̀ɛ́n fonda-loamaa-lasálàá, mó balu man suiyo pindo, mó cuiŋi matɔ̀an o fonda-loamaa-lasálà kon bɛngu, mó dindi ndu le baala Mɛlɛka-o, le faleŋun sálà co le hakio sɔlaa malɔɔ-on tosaa lecoo.

Nsaŋ 14:3

Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Fulaa 30:10

Aarɔn bɛnda mò tosa faleŋii baŋannde o kpɛ̀ɛ́n fonda-loamaa-lasálà kon coo bɛmbɛ lepilɛ o vɔsio nin, a kooma cɔlu diinunnin le sálàá solio le hakio sɔlaa malɔɔ-o-an o bɛnda ni mo tosa faleŋii ken o kpɛ̀ɛ́n fonda kon coo. Le fɛɛn a fɛɛn, lende o bɛnda ni mo tosa faleŋii baŋannde lecoo bɛmbɛ lepilɛ o vɔsio nin. Kani fonda diandaa pila co kon le Mɛlɛka ni.»

Tɔŋ lasálàá 16:17

Kandɔɔ telen Aarɔn luɛinin o Fonda Diandaa-Diandaa nin le faleŋii baŋannde tosaa-o, háá telen o fulanin lon-ndo, vana-vana bɛnda mò va o cɛi-kola-toandaa-labɔɔŋianndo nin te. O cii pɛ faleŋii baŋannde tosa le ndu pila, le yungule ndɔlen a le Israɛlla kpow,

Tɔŋ lasálàá 23:27

«Paale bɛndule co le hakilan sɔlaa malɔɔ len le co paale tɔ́ndɔlen o paangii ŋɔmmɛwndɔɛi nin ni. Paale len, la bɛnda mì la cuungian le ya Mɛlɛka biiloo, mì la bii sumndo, mì la solul-la sálàlan, mì la lom ndan o yin.

Kundalan 17:11

mí Moise dimul Aarɔn aa: «Cua bonyii fuusɛi nɔmnde cɔ́-cɔ́ ma cua dɛngulta biyaalan o fonda-loamaa-lasálàá coo, ma vow lenin, ma cucu ansan lecoo, ma kɔɛ Israɛlla o ibuŋ a lan cɔ́-cɔ́, ma kɔ tosa faleŋii baŋannde le haki ndaa. Kani Mɛlɛka tuulu kɔl taw-taw, nduyɛ, nàà halimaa kandu nihau vannda biyɔɔ.»

Kundalan 28:15

Mì la solul-la sálà co le hakio sɔlaa malɔɔ-o a cuin toovio pilɛ, handɔɔ o sálà loamaa solin lepalaa-lepala-o a o sálà mamɔi ndɔɔ coo.»