Tɔŋ lasálàá 16:15 - BII BILA

¹⁵ Kon cuu pɛ, o kelu vɛlɛ cuin toovi yɔngun le sálàá le haki Israɛlla-o bololan, o hiow a kooma cuin kon o kola-landaa co o Cɛi-Diandaa nin-ndo kɔɔli, o tosa mɛɛ o tosa a kooma naw tovaa yɛ, o suu man o kumbu kesu kpemaa coo a laci.

Tɔŋ lasálàá 16:15 Referans Kwoze

Hebreea 9:7

Kɛ bolle vanaa-solia-lasálàá ndu pilɛ kpé ndóò luɛi lepilɛ o fonda diinndɔɔ nin, o vɔsio nin ni. Lon ndóò kɔa a kooma cɔlu ndóò solul Hala sálàá le ndu pila a le tɛɛmbuula lɛŋnden kpow ni.

Hebreea 9:12

Luɛyɔɔ Krista luɛi kon lepilɛ kpé o fonda diandaa-diandaa nin-ndo, o yɔngu kooma cuinaa toovi le, o yɔngu kooma navaa téndé le, kɛ kooma ndɔma ndu pila-an o yɔngu ni, o kon mó baŋa naa le fɛɛn a fɛɛn.

Hebreea 9:3

O kola landaa diinndɔɔ kɔɔli, fonda diinndɔɔ va ni. Ndu ndáà veelu ni aa: «Fonda diandaa-diandaa.»

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

Hebreea 5:3

Le mɛɛ ndu pila nɔ sɔwvon yɛ, mɛɛ mò soli sálàlan le hakila vannda kpow a le ndu pila.

Tɔŋ lasálàá 16:2

«Dimul Aarɔn bɛ nɔm aa o va hiovɔɔ telen oo telen o kola-landaa co o Cɛi-Diandaa nin-ndo kɔɔli le tiiyaa o Fonda Diandaa-Diandaa nin te, o kumbu kesu kpemaa hɔl-ndɔ pɛɛn. Te o va pɛ hiovɔɔ lon telen oo telen, lɔ́ɔ́ o co komal mì fula o kumii bɛndu-bɛnduei nin o kumbu kesu kpemaa coo-o, o co ɲinkon piɔ́mndo sɔla.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Hebreea 9:13

Mɛɛ o dema tosan yɛ, a cua pɛ kooma cuinaa toovia a ma navaa tovaa, a cua vɛlɛ pulta naw nda lom-ndo, a cucu lan vanaa cua hakio-a coo. O kon dialun ndan dendu a dɛnɛ haki kon o kɔɔ.

Tɔŋ lasálàá 4:21

Ken cuu pɛ, o soli naw tova kon o dɔ́ɔ́ngɔ́ɔ̀ kɔɔli, à lom ndu o yinnden nin mɛɛ nda lom naw tova tasoo yɛ. Sálàá le haki vannda kpow malnɔnndo co kon ni.›

Tɔŋ lasálàá 4:5

Mì vana-solia-lasálà sɔla pɔlaa-o cua kooma cɔlu kon, mò luɛi a man o cɛi-kola-toandaa-labɔɔŋianndo nin,

Kundalan 17:11

mí Moise dimul Aarɔn aa: «Cua bonyii fuusɛi nɔmnde cɔ́-cɔ́ ma cua dɛngulta biyaalan o fonda-loamaa-lasálàá coo, ma vow lenin, ma cucu ansan lecoo, ma kɔɛ Israɛlla o ibuŋ a lan cɔ́-cɔ́, ma kɔ tosa faleŋii baŋannde le haki ndaa. Kani Mɛlɛka tuulu kɔl taw-taw, nduyɛ, nàà halimaa kandu nihau vannda biyɔɔ.»

Kundalan 28:15

Mì la solul-la sálà co le hakio sɔlaa malɔɔ-o a cuin toovio pilɛ, handɔɔ o sálà loamaa solin lepalaa-lepala-o a o sálà mamɔi ndɔɔ coo.»