Tɔŋ lasálàá 15:5 - BII BILA

⁵ Vana-vana pilan pɛ kpele vana kon hini coo-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 15:5 Referans Kwoze

Tɔŋ lasálàá 11:25

Nduyɛ vana-vana cua pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò dindi lan, a vɛlɛ mò lo o nɔɔlɛiyo háá icɔllo.

Tɔŋ lasálàá 17:15

Te cua pilacieo Israɛl, te kon te mial co icali niaa o bɛngu coo-o de pɛ visi vi a ba ndɔ-o, te kon te visi visi biyaa dii-o, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo Mɛlɛka o hɔl háá icɔllo. O kon kɔɔli, o dendu.

Tɔŋ lasálàá 16:26

Vana kɔɛ a cuin toovi co le Asasɛl-lo o lɛŋnde veselɛilen nin-ndo bɛnda fɔlɔn mo tɔɔ volɔɔla ndɔla cuɛinanndan, mì ndu pila pulun fó-fó malan o muungu niko o dɔ́ɔ́ngɔ́ɔ̀ nin.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Esekiɛl 36:29

I baŋanin niaa mì soli niaa o dɛnnda nɔɔlɛila niaalan kpow nin. I co maalon dimul mì n luɛi kúlú, mì vangala mun taw. I tuisi lɛnin yima fofolan niaa coo le.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esai 22:14

Nduyɛ, Mɛlɛka-Nɔ-Kpaayaa-Kpow-vo dimul-la aa: «Háá mi la vi, hakio ho melnunnin niaa haki le!» Maalii Hala-Nɔ-Kpaayaa-Kpow-vo dimi lende ni.

Esai 1:16

Le hee, la pulun few-few mì la dindin, la faŋa kɔlvesɛi niaa co tosaa o dɛnnda niaalan nin-ndo ya o hɔl. La pɛngi dɛnɛ vɔɔndo tosaa.

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Condii lisai 26:6

I co bala nilan pulɔɔ le cɔmndo maa i tɛɛmbuu isɔɔ le, i co fonda-loamaa-lasálà nɔmndo balɔɔ, nɔm Mɛlɛka,

Kundalan 19:22

Ɲɛ-ɲɛ vana co o nɔɔlɛiyo-o pilan pɛ, ɲɛ kon bɛɛ siŋnun o nɔɔlɛiyo. Vana-vana pilan pɛ ɲɛ kon, vana kon lo o nɔɔlɛiyo háá icɔllo.»

Kundalan 19:10

Vana kɔandunin pulta naw kon-ndan bɛɛ bɛnda mò tɔɔ volɔɔla ndɔla cuɛinanndan, mò lo o nɔɔlɛiyo Mɛlɛka o hɔl háá icɔllo. Silaa co hoo le fɛɛn a fɛɛn ni, le niaa cuavaa pilacieea Israɛl a le mialaa co niaa icali tɛɛn-nda.»

Tɔŋ lasálàá 16:28

Vana loamnin nda-o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́ malan o muungu o dɔ́ɔ́ngɔ́ɔ̀ nin.

Tɔŋ lasálàá 14:27

o yin suei ba kɛndɛi lenin, o vesul man bɛmbɛ leŋɔmmɛw Mɛlɛka o hɔl.

Tɔŋ lasálàá 13:34

O paale ŋɔmmɛwndɔlen coo, vana-solia-lasálàá mɛɛndian ndu. Te tɛ̀ɛ̀ndo hiw laci a dioo le, te o tuwnun mò hiow yáw ndɔɔ le, vanaa-solia-lasálàá dimi aa vana diandaa vana kon co ni. Kɛ o bɛnda mò tɔɔ volɔɔla ndɔla cuɛinanndan le siŋnɔnndo vana diandaa.

Tɔŋ lasálàá 13:6

Te palɛi ken cuu pɛ, o mɛɛndian ndu o paale ŋɔmmɛwndɔlen coo. Te sɔŋ kon kandu pɛ ɲumndo, mò hiw laci a pɛngɛlanndo le, vana-solia-lasálàá dimi aa vana diandaa vana kon co ni, aa tafiei kínɛí fula ndu ni. O kon, vana kon tɔɔ volɔɔla ndɔla cuɛinanndan, o dendu.

Tɔŋ lasálàá 11:32

Te visi vílɛ́i vaa lende del pɛ o ɲɛ oo ɲɛ coo, o va hɛngɛi toosian a yɔmndo-o, o va volɔɔ cuɛinanndo, o va yáwvo, o va bɔlɔɔ, o va ɲɛ-ɲɛ vana solin kpeku, la bɛnda mì la vow ɲɛ kon o mɛnndan nin, mò lo o nɔɔlɛiyo háá icɔllo. Te o niinu pɛ lende, o muungu o siŋnun o diandaa.

Tɔŋ lasálàá 11:28

Nduyɛ, vana-vana cua pɛ visi vaa lende o vílɛ́iyo, mò kɔɛ a ndu, o bɛnda mò tɔɔ volɔɔla ndɔla cuɛinanndan, mò dindi lan, mò lo o nɔɔlɛiyo háá icɔllo. La cɔ nda maa visia nɔɔlɛiya nda co ni.

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Tɔŋ lasálàá 15:4

Lelan, kpele oo kpele vana kon hini pɛ coo, o siŋnun kpele nɔɔlɛiyo, kpɛŋɛ oo kpɛŋɛ o cal vɛlɛ pɛ coo, o siŋnun kpɛŋɛ nɔɔlɛiyo.

Tɔŋ lasálàá 15:6

Vana-vana cal pɛ nɛɛ vana co kon a nàà-o cal-la, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

1Samiɛl 20:26

Saul dimi ɲɛ-ɲɛ paale len te, kani mó dimin o kɔl aa: «O co dɛnɛ ndɔ le, o kɛɛ hunɔɔ fúú le, o dindu le. Lekɛ́ndɛi, o co o diandaa le.»

Tɔŋ lasálàá 11:24

«Visia pum co, vana pilan nda pɛ, vana kon nɔɔla. Vana-vana pilan nda pɛ a vílɛ́iya, vana kon siŋnun vana nɔɔlɛiyo háá icɔllo.

Tɔŋ lasálàá 15:18

Te vanalanɔɔ nda vanapɔnɔɔ tosa pɛ kpelemɔɔsaa, a bɛnda mà pulun nda ŋiɔn kpow, mà lo a nɔɔlɛiya háá icɔllo.›»