Tɔŋ lasálàá 15:31 - BII BILA

³¹ La dimul Israɛlla maa a bɛnda mà caa taw, mà mandan a dɛnnda nɔɔlɛilan, yɔŋii nda nɔɔliaa fonda ni diandaa mà sɔla piɔ́mndo. Kani o fonda kon nin ya co niaa tɛɛn ni.

Tɔŋ lasálàá 15:31 Referans Kwoze

Kundalan 19:20

Kɛ te vana nɔɔla-o dindin lende le, a bɛnda ma faŋa ndu caanda tɛɛn few. Kani cɛi-kola-toandaa diandaa o co nɔɔliaa kon ni. Le tùú mɛmma dindianndan ma vesulun ndu loo, o lo o nɔɔlɛiyo.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Kundalan 19:13

Te vanndo pilan pɛ vana vílɛ́iyo, mò saalan le dindinndo le, mɛɛ vana kon nɔɔliaa Calta Mɛlɛka lan. Lelan, a bɛnda ma faŋa ndu Israɛlla tɛɛn, kani le tùú mɛmma dindianndan ma hulun ndu coo loo, nɔɔla ndɔɔ co vɔ ndu coo.

Esekiɛl 23:38

Tofa vɔ vɛlɛ ɲɛ nda tosal-la-o: paale len, má nɔɔliaa fonda ni diandaa, má del kasi a palɛi nii diandɛi.

Kundalan 5:3

La bɛnda mì la faŋa vanaa kan, o va vanapɔnɔ o va vanalanɔ, mì la yɛɛ nda o dɔ́ɔ́ngɔ́ɔ̀ kɔɔli, yɔŋii nda nɔɔliaa dɔ́ɔ́ngɔ́ nda kon, o ya Mɛlɛka co icali nin-ndo.»

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

1Korɛntea 3:17

Nduyɛ, te vanndo tɛɛmbuu pɛ Cɛi-Hala-o, mɛɛ Hala tɛɛmbuunin vana kon. Kani o diandaa Cɛi-Hala-o co ni, nduyɛ niaa co cɛi kon ni.

Esekiɛl 44:23

Vanaa-solia-lasálàà kan pɛɛkunin vanaa nia le yɛ́-yɛ́ɔ sinaa ɲɛ dindin le vali Mɛlɛka-o a ɲɛ co le vali Mɛlɛka loo tɛɛn, a cɔmnin nda hiyanndo ɲɛ dindu loo a ɲɛ dendu-o tɛɛn.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Condii lisai 66:18

Te yáà tuunun pɛ dɛnɛ vɔɔndo o kɔl, Maalii ndóò yeŋnunnin ya le.

Tɔŋ miingua 24:8

«La mandan a nàà siaŋaa taw, mì la bii silala leviaa-solia-lasálàá yɔngunin niaa lan, mì la bii tɔŋnda ya yɔngunin nda le niaa tɛɛngullo lan.

Tɔŋ lasálàá 21:23

Kɛ le tùú o co namtanɔɔ-o, o bɛnda mò sɔɔnguu o kola-landaa co o Cɛi-Diandaa nin-ndo ikɛi le. O bɛnda vɛlɛ mo sɔɔnguu o fonda-loamaa-lasálàá ikɛi le, yɔŋii o nɔɔliaa fonda ni diandaa. Kani ya co Mɛlɛka ni, ya hɛli vanaa-solia-lasálàá ni mí dindi nda le baala nuu.›»

Tɔŋ lasálàá 20:3

Ya pila Mɛlɛka bɛɛ, i co vana kon hinul, mì faŋa ndu Israɛlla tɛɛn few-few le soli o soli hɔ́ɔ́ ndɔɔ sálà o Molɛk lo-o. Kani dɛnɛ kon nɔɔliàà Cɛi-Diandaa nuu a diola nila diandaalan ni.

Tɔŋ lasálàá 19:30

La bii paale pɛngiaalen mì la yɔngu len bɛɛlen. La yɔngu cɛi ni diandaa bɛɛlen. Ya co Mɛlɛka ni.

Tɔŋ lasálàá 13:59

Silalan la co lan le sɔŋnda fula o volɔɔla cuɛinanndan coo lan o kɔɔ ni, o va o kola fengbɔɔ coo, o va o kola keesoo coo sɔŋ kon fula ni, o va vɛlɛ bɛɛ o kola súú-súù coo, te kon te o ɲɛ toosian a yáw visio-o coo. Silalan ndan la cɔm vana ni maa ɲɔɔ ho co o diandaa, te kon te ɲɛ kon co o nɔɔlɛiyo.

Tɔŋ lasálàá 11:47

Silalan-ndan la malanin niaa le hiyanndo tosaa ɲɛ dendu ya Mɛlɛka o hɔl-lo a ɲɛ dindu ya Mɛlɛka o hɔl too tɛɛn, le hiyanndo tosaa visi vana dia-o a visi vana di loo tɛɛn.»

Tɔŋ lasálàá 15:32

Silalan la co lan ni le vanapɔnɔ nàà kɔɔsinaa bii o dialii kolaninnde, mì kusuan ma va ndu fulaa-o, le vana mɛmma ivanapɔnɔyan ma fula, mì ma siinguu ndu vana nɔɔlɛiyo-o,

1Samiɛl 3:14

Lelan ya mɛnalan yungu Helii-o ni maa a soli nin bɛɛ sálàlan, te kon te a yɔngu nin bɛɛ ya ɲɛm-kéan, ɲɛ-ɲɛ vɔɔsu lɛnin haki ndaa le few.»

Esekiɛl 36:17

«Po vanacieo sei, telen cuavaa Israɛlla va icali o lɛŋnde ndale kpeekpeilen nin-ndo, má nɔɔliaa len a kela nda vɔɔndo, a dɛnnda ndala vɔɔnndan. Mí kela nda vɔɔndo va ya o hɔl maa nɔɔla vanalanɔ co paangii ndɔɛi cɔu-vo.