Tɔŋ lasálàá 15:21 - BII BILA

^21-22 Vana-vana pilan pɛ kpele vanalanɔ kon hini coo-o, te kon te ɲɛ o cal coo-o, o bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo.

Tɔŋ lasálàá 15:21 Referans Kwoze

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Esai 22:14

Nduyɛ, Mɛlɛka-Nɔ-Kpaayaa-Kpow-vo dimul-la aa: «Háá mi la vi, hakio ho melnunnin niaa haki le!» Maalii Hala-Nɔ-Kpaayaa-Kpow-vo dimi lende ni.

Tɔŋ lasálàá 15:20

Tuma o co kon o paangei nin-ndo, kpele oo kpele o hini pɛ coo, kpele kon siŋnun o nɔɔlɛiyo Mɛlɛka o hɔl, ɲɛ-ɲɛ o cal vɛlɛ pɛ coo telen kon, ɲɛ kon siŋnun o nɔɔlɛiyo.

Tɔŋ lasálàá 11:24

«Visia pum co, vana pilan nda pɛ, vana kon nɔɔla. Vana-vana pilan nda pɛ a vílɛ́iya, vana kon siŋnun vana nɔɔlɛiyo háá icɔllo.

Kundalan 19:22

Ɲɛ-ɲɛ vana co o nɔɔlɛiyo-o pilan pɛ, ɲɛ kon bɛɛ siŋnun o nɔɔlɛiyo. Vana-vana pilan pɛ ɲɛ kon, vana kon lo o nɔɔlɛiyo háá icɔllo.»