Tɔŋ lasálàá 15:2 - BII BILA

² «La soo o Israɛlla lo, mì la dimul nda aa: ‹Te nàà kɔɔsinaa bii pɛ vanapɔnɔɔ o dialii kolaninnde, mì kusuan ma va ndu fulaa o labɛnguninndo, mɛɛ vana nɔɔlɛiyo o co le kusuma co ndu man fulaa-an ni.

Tɔŋ lasálàá 15:2 Referans Kwoze

2Samiɛl 3:29

Màá sɔɛi piɔ́m ndɔɔ i va Yoab pila a yungu ndɔɔ kpow o lebol! Màá nààla kɔɔsinalan, te kon te nàà siaŋaa va vannda biyɔɔ lɔ́ɔ́-lɔ́ɔ̀ o yungu Yoab-o nin! Màá vanpiaandua o yungu kon nin a siŋnun vanaa vomulaa! Màá a va piɔ́mndo sɔlaa o mɔɔn cɔwvon bɛngu! Màá yima fofolan ma cúù nda kuee le!»

Kundalan 5:2

«Dimul Israɛlla kpéŋ-kpéŋ maa vana-vana nɔ nàà siaŋaa, vana-vana nɔ kɔɔsinaa a vana-vana pilan vana vílɛ́iyo, te kon te cɔlu vílɛ́iyo, mó nɔɔla Mɛlɛka o hɔl, a bɛnda mà faŋa vanaa vaa lende o dɔ́ɔ́ngɔ́ɔ̀ nin.

Tɔŋ lasálàá 22:4

O polale Aarɔn-nden coo, te nàà siaŋaa bii pɛ vanndo, te kon te mì nàà kɔɔsinaa bii ndu, vana kon bɛnda mò de sálàla diandaalan te, fɔ mò dindin fɔlɔn. Lende koni o co vɛlɛ le vana pilan vana sɔɔnguu vana vílɛ́iyo ikɛi mo siŋnun vana nɔɔlɛiyo-o a vana mɛmma ivanapɔnɔyan ma fula-o ni.

Matie 9:20

Fɔ́ɔ́fɔ̀, mí vanalanɔɔ pum sɔɔnguu Yeesu a makɔɔ, vanalanɔ kon va pulɔn ivanalanɔyaa cɔu le vɔsilan tɔ́ a latiɔn, mó pilan bɔɔle doma bɛndu Yeesu-o.

Rɔmnda 3:2

Tɔnɔɔ co o bɔɔ taw. O tasoo, nda sɔɔn Hala-on n yɔngun ni.

Luke 8:43

Nduyɛ vanalanɔɔ pum va lon, naa pulɔn ivanalanɔyaa va ndu, ndóò cii nin vɔsilan tɔ́ a latiɔn. Ndóò cii nin ɲɛ ndɔ sɔlaa kpede pisi o dɔtɔlɔa lo, kɛ vana-vana tiwba ndu singio le.

Marke 5:25

Nduyɛ vanalanɔɔ pum va lon, naa pulɔn ivanalanɔyaa va ndu, ndóò cii nin vɔsilan tɔ́ a latiɔn a nàà kon.

Condii lisai 78:5

O yɔngu Yakɔb nda vanaa ndɔa silalan, mó hendu Israɛlla tɔŋndan. Mó dimul fuɲaa naa mamaa le cuavaa ndaa sɔɔn mun pɛɛkoo.

Tɔŋ lasálàá 15:1

Mí Mɛlɛka soaa o Moise nda Aarɔn ndo, mó dimul nda aa:

Tɔŋ lasálàá 15:3

Le kɔɔsina kon o siŋnun vana nɔɔlɛiyo ni. Hali kusuan ma va bɛɛ fulaa, te kon te mì ma kuuma lenin, vana nɔɔlɛiyo vana kon co telen o co vɔ a nàà vɔɔn kon-ndo ni.

Tɔŋ lasálàá 5:3

Hali mì vanndo sìná le, te o pilan pɛ vanaciee co o dɛnɛ nɔɔlɛiyo nin-ndo, dɛnɛ súú-súù nɔla mo nɔɔliaa vanacieo, vana kon siŋnun vana tɛɛmbua tɔŋndo lɔ́ɔ́ o sinanin tɛɛmbuu ndɔɔ-o.