Tɔŋ lasálàá 15:15 - BII BILA

¹⁵ O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.

Tɔŋ lasálàá 15:15 Referans Kwoze

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Kundalan 25:13

Kpema kon yɔngu ndu dío le lou o vali solia lasálàá coo le fɛɛn a fɛɛn, kandɔɔ a ndu pila, kɔ bii a polale ndɔlen fɛɛn-fɛɛn. Kani o tosa paŋalaa le Hala ndɔɔ, mó tosa vɛlɛ faleŋii baŋannde Israɛlla coo.»

Kundalan 15:25

O kon, vana-solia-lasálàá tosa faleŋii baŋannde le hakio sɔlaa malɔɔ le Israɛlla kpow. O kon, a sɔla hakio malɔɔ le biondɔn kon, kani o sina lepɛŋndo nin nda bendun biondɔn kon ni. Lelan nda hin a sálà ŋɔa o yin-ndo, o ya tuɛi cun mì ɲɔɔ hɛnan ya-o a á cɔlu sálà co le hakio sɔlaa malɔɔ-o ya o hɔl le biondɔn nda bendun kon o sina lepɛŋndo nin-ndo ni.

Tɔŋ lasálàá 12:7

O yɔngu pɛ lende, vana-solia-lasálàá soli sálà kon o Mɛlɛka lo, o tosa faleŋii dindiannde le komsa kon. O kon, komsa kalaa sɔla diondɔɔ le kooma fula ndu lekɔɔ-an. Tɔŋndo co hoo le vanalanɔ velu hɔ́ɔ́ piaandoo, te kon te hɔ́ɔ́ laandoo-o ni.

Tɔŋ lasálàá 4:35

O kon, o faaŋiaa cuɛima ndɔan mɛɛ nda faaŋiaa cuɛima saa téndé yɔngun le sálà kɔlɲuloo-o-an yɛ, mì vana-solia-lasálàá lom man o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Lende vana-solia-lasálàá bɛnda ni mo tosa ndu faleŋii baŋannde coo le haki o tosa-o. O kon Mɛlɛka mal ndu haki.›»

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 4:20

O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.

Tɔŋ lasálàá 11:24

«Visia pum co, vana pilan nda pɛ, vana kon nɔɔla. Vana-vana pilan nda pɛ a vílɛ́iya, vana kon siŋnun vana nɔɔlɛiyo háá icɔllo.

Tɔŋ lasálàá 11:25

Nduyɛ vana-vana cua pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò dindi lan, a vɛlɛ mò lo o nɔɔlɛiyo háá icɔllo.

Tɔŋ lasálàá 11:27

Visia n'yɛmbɛa nɔ pelon mún hiɔɔlu má va balɔɔ o bɛngula ndalan coo-a, la cɔ nda maa visia nɔɔlɛiya nda co ni. Vana-vana pilan pɛ visi vaa lende o vílɛ́iyo, vana kon siŋnun vana nɔɔlɛiyo háá icɔllo.

Tɔŋ lasálàá 11:28

Nduyɛ, vana-vana cua pɛ visi vaa lende o vílɛ́iyo, mò kɔɛ a ndu, o bɛnda mò tɔɔ volɔɔla ndɔla cuɛinanndan, mò dindi lan, mò lo o nɔɔlɛiyo háá icɔllo. La cɔ nda maa visia nɔɔlɛiya nda co ni.

Tɔŋ lasálàá 11:31

La cɔ visia sansun kan lɛŋ-nda maa visia nɔɔlɛiya nda co o visia kpow tɛɛn ni. Vana-vana pilan nda pɛ a vílɛ́iya, vana kon lo o nɔɔlɛiyo háá icɔllo.

Tɔŋ lasálàá 11:32

Te visi vílɛ́i vaa lende del pɛ o ɲɛ oo ɲɛ coo, o va hɛngɛi toosian a yɔmndo-o, o va volɔɔ cuɛinanndo, o va yáwvo, o va bɔlɔɔ, o va ɲɛ-ɲɛ vana solin kpeku, la bɛnda mì la vow ɲɛ kon o mɛnndan nin, mò lo o nɔɔlɛiyo háá icɔllo. Te o niinu pɛ lende, o muungu o siŋnun o diandaa.

Tɔŋ lasálàá 11:39

Te visi vana nɔla ma de-o vi pɛ, vana-vana pilan ndu o vílɛ́iyo pɛ, vana kon siŋnun o nɔɔlɛiyo háá icɔllo.

Tɔŋ lasálàá 11:40

Vana de pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò lo o nɔɔlɛiyo háá icɔllo. Vana cua vɛlɛ pɛ ndu mò kɔɛ a ndu, vana kon bɛnda mò tɔɔ volɔɔla ndɔla cuɛinanndan, mò lo o nɔɔlɛiyo háá icɔllo.

Tɔŋ lasálàá 12:8

Te vanalanɔ kon nɔ se le saa téndóó sɔlaa le, o yɔngu piinda nda ŋiɔn, te kon te kangboa nda ŋiɔn, o pilɛ le sálà loamaa solio, o pilɔɔ le sálà co le hakio sɔlaa malɔɔ-o. O kon, vana-solia-lasálàá tosa faleŋii dindiannde le ndu, kon tosa ni mì komsa kon dendu Mɛlɛka o hɔl.›»