Tɔŋ lasálàá 15:12 - BII BILA

¹² Te vana nàà kon pilan pɛ kpɛɛnɛi puuluei, a bɛnda mà pɛl kpɛɛnɛi ken, te hɛngɛi yɔmndo o pilan ni, a bɛnda mà tuei hɛngɛi kon a mɛnndan.

Tɔŋ lasálàá 15:12 Referans Kwoze

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

2Korɛntea 5:1

Kani n sínà maa te cɛi-kola-toandaa naa n co nin o ceendo ho coo-o tambu pɛ, n nɔ cɛiyo o halataala, o Hala toosiaa le fɛɛn a fɛɛn-ndo, o vanaciee beŋ too.

Talelan 3:21

Po nuu sei! Manda kɔlkaloo a dɛnɛ sinaa, fáŋà hɔlla lecoo mì la kɔɛ nɔm levil te.

Talelan 1:23

La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Talelan 1:21

O co yondaa o fondala vɔkɔ-vɔkɔlan sondoo, o co sɔɔn ndɔn dimio o diola luɛyaalan nin, o co mun dimio a labɛɛla o kobio nin aa:

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Tɔŋ lasálàá 15:11

Te vana co kon a nàà-o pulu balan te, mò pilan vanndo, vana o pilan kon-ndo bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo.

Tɔŋ lasálàá 6:21

Te visin mun yawnun pɛ o kpɛɛnɛi puuluei nin, te yawvo cuu pɛ a pɛl kpɛɛnɛi ken. Taa yaw yɛ mun pɛ o kpɛɛnɛi nda cɔw a daɲan-nde nin, a bɛnda mà suusiaa ndi, mà tɔɔ ndi cɛ́kɛ́lɛ́ a mɛnndan taw.