Tɔŋ lasálàá 14:7 - BII BILA

⁷ O cii pɛ, o vesul vana co dindinndo a nàà kon-ndo a man bɛmbɔɔ leŋɔmmɛw, o dimi aa vana diandaa vana kon co ni. O mal yow kiyɛi kon kɔnndan o yondo bɛndoo nin levil pɔ́-pɔ́.

Tɔŋ lasálàá 14:7 Referans Kwoze

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

2Masaa 5:14

O kon mí Naaman del bɛmbɛ leŋɔmmɛw Yurdɛn o peelo, maa mɛɛ vana-tɛɛngaa-diom Hala-o ndóò dimi yɛ. Mó siangu, mí yáw ndɔɔ muungu maa yáw poombɔ pɔmbɔ.

2Masaa 5:10

Mí Elise viam kiilaa le Naaman dimullo aa: «Kɔ del bɛmbɛ leŋɔmmɛw Yurdɛn o peelo, mì dialun nɔmndon muungu n'kɛndɛ, ma sengu.»

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Hebreea 9:19

Mɛɛ mì Moise ndóò dimi fɔlɔn tɔŋndan mɛɛ la co kpede vannda kpow o hɔl. O kon mí ndóò cua kooma navaa téndéa a ma cuinaa toovia, a mɛnndan, mó fasaŋa man o sɛbɛ latɔŋndo coo a vannda kpow coo a lɛvii hisɔp a á kola keese siaŋa vólotótoo.

Hebreea 9:13

Mɛɛ o dema tosan yɛ, a cua pɛ kooma cuinaa toovia a ma navaa tovaa, a cua vɛlɛ pulta naw nda lom-ndo, a cucu lan vanaa cua hakio-a coo. O kon dialun ndan dendu a dɛnɛ haki kon o kɔɔ.

1Nsaŋ 5:6

Ndu Yeesu Krista hin a mɛnndan a á koovan ni, o co ka a mɛnndan daama le, kɛ mɛnndan a koovan. Kɔl-Diandaa co seilen timbio, kani toɲaa Kɔl-Diandaa co ni.

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Hebreea 9:21

Lende koni o fasaŋa koovan o cɛi-kola-toandaa a o ɲɛm-laandun lekaanndon coo ni.

Nsaŋ 19:34

kɛ a kon kpow, mí vana cɔwvo pilɛ cuku ndu lungbuei a bállo, mí mɛnndan ma fula ma bingulanndan a koovan.

Misee 7:19

O laan vɛlɛ nɔm Hala, a co naa iɲíí tuinɔn, a biinin naa maa tɛɛmbuula naalan la co yɛ le. A viawnin hakila naalan kpow o mɛmma ihɛllan nin polon.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Tɔŋ lasálàá 16:22

Te o tosan pɛ lende, mɛɛ cuin toovi kon kɔɛ a hakila Israɛlla kpow o lɛŋnde veselɛilen nin. Taa tow pɛ cuin kon o lɛŋnde veselɛile len nin,

Tɔŋ lasálàá 16:19

O kon kɔɔli, o vow suei ndɔɛi lenin, o vesul man bɛmbɛ leŋɔmmɛw o fonda-loamaa-lasálàá, o mingi ndu dindi Mɛlɛka o hɔl haliko mo sɛyan vɛlɛ a yɔŋnda vɔɔnnda Israɛlla.

Tɔŋ lasálàá 16:14

O kon kɔɔli, o cua kooma naw tova kon, o vow suei lenin, o vesul man o kumbu kesu kpema kon a ba paalen le can-ndo, o vesul vɛlɛ man bɛmbɛ leŋɔmmɛw o kesu kpemaa laci.

Tɔŋ lasálàá 14:51

O kon kɔɔli, o cua vɛlɛ pɛngɛi yɔm sɛɛdre, bil hisɔp, kola nda yin yinɔɔ siaŋa vólotótoo-o a yow lo o kiyɛi-yo, o pɔɔla ɲɛm mun kpede, o yin mun o kooma yow o kelu bololan o mɛmma peean coo-o nin. O kon, o vesul kooma man bɛmbɔɔ leŋɔmmɛw o cɛi kon.

Tɔŋ lasálàá 13:17

O kon, vana-solia-lasálàá mɛɛndian ndu. Te pawvo muungu pɛ o humbu lekɛ́ndɛi, vana-solia-lasálàá dimi aa o diandaa vana kon co ni.

Tɔŋ lasálàá 13:13

mì vana-solia-lasálà co ndu mɛɛndianndo-o ce kpukpun mun kɔɔlen balɔɔ pindo, mo ce maa nàà siaŋaa cii kɔɔle vana kon kumbɔɔ kpow, o dimi aa vana diandaa vana kon co ni. Kani kɔɔle ndɔlen kpow le muungu lehumbu.

Tɔŋ lasálàá 8:11

mó vesul cuɛiyan bɛmbɛ leŋɔmmɛw o fonda-loamaa-lasálàá, mó pɔla ndu a ɲɛm-laandun diandan ndɔn kpow, a fɛngɛ bɛndoo a tum fɛngɛ kon cal coo-o le ɲɛm mun siinguuo teengen le baala Mɛlɛka-o.

Tɔŋ lasálàá 4:17

o vow suei ndɔɛi lenin, o vesul man bɛmbɛ leŋɔmmɛw o kola-landaa co o Cɛi-Diandaa nin-ndo, o kpengii co ndu o hɔl-le coo.

Tɔŋ lasálàá 4:6

mò vow suei lenin, mò vesul man bɛmbɛ leŋɔmmɛw ya Mɛlɛka o hɔl o kola co o landaa o Cɛi-Diandaa nin-ndo, o kpengii co ndu o hɔl-le coo.

Kundalan 19:12

Te o dindin pɛ o paale yàándɔlen a o paale ŋɔmmɛwndɔlen coo a mɛmma diandaama man, mɛɛ o siŋnun vana diandaa Mɛlɛka o hɔl. Te o tosa lende le, mɛɛ o lonin-ndɔ o nɔɔlɛiyo.