Tɔŋ lasálàá 14:43 - BII BILA

⁴³ Taa cii pɛ tosa lende kpow, mì sɔŋndo muungu vɛlɛ mò fula,

Tɔŋ lasálàá 14:43 Referans Kwoze

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

2Piɛr 2:22

Mí ɲɛ tale toɲaa pum dimi-o tosalan nda aa: «Tunndo de ɲɛ o kuusuu-o, te kon te aa, ciiyo dɔ́ɔ́ pewvo pulɔɔ, mó kɔ del o loolio nin.»

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Tɔŋ lasálàá 14:42

Kon cuu pɛ, a cua powta celen, a mingi handɔɔ o fonda powta tasela sɔŋndo pilan-ndan la va-o, a linda vɛlɛ puulu celen a mingi cɛiyo yikpa.

Tɔŋ lasálàá 14:44

vana-solia-lasálàá muungu vɛlɛ o kɔ mɛɛndian. Te o ce pɛ maa sɔŋndo cɔɔlu vɛlɛ fula mó pɛngɛlan o cìì cɛiyo, mɛɛ yul vɔɔn-vɔɔndo co kon ni. Le hee, cɛi nɔɔlɛiyo cɛi kon co ni.

Tɔŋ lasálàá 14:48

Kɛ te vana-solia-lasálàá muungu pɛ le cɛiyo cɔɔloo mɛɛndianndo, mo ce maa sɔŋndo fula lɛ fula celen o yikpa sɛnɛi kon coo le, o dimi maa cɛi diandaa cɛi kon co ni. Kani sɔŋndo faŋan few.