Tɔŋ lasálàá 14:34 - BII BILA

³⁴ «Telen niaa tiiyanin o lɛŋnde Kanaan-nden nin-ndo, lɛŋnde ya yɔngu niaa len, te la ce pɛ mì soli sɔŋ velan a yullo-o o cɛiyo pum o lɛŋnde niaale sɛnɛile len nin,

Tɔŋ lasálàá 14:34 Referans Kwoze

Tɔŋ miingua 32:49

«Hel o pembon Abarim coo, o pembei Nebo coo, i co o lɛŋnde Moab len nin-nde, Yeriko o hɔl-ndɔ, ma mɛɛndan lɛŋnde Kanaan-nden, le ya co Israɛlla yɔngu len.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

Kundalan 32:22

te la lo pɛ cɔwvo tosaa háá mì Mɛlɛka hɛlu lɛŋnde len malan niaa muungu nanu, mɛɛ la cii yoole niáà baa len peelu. La sɔla lɛnin yaala Mɛlɛka o ba a Israɛlaa tɔ̀a o ba le. O kon, la nɔla niko mì la sɔla lɛŋnden nden kɛ́ɔ o cɛlɔɔ Mɛlɛka-o bɛngu.

Misee 6:9

«Mɛlɛka co sɔɛi o vanaa co o kobio nin-nda lo. O ciindiaanin vanaa nɔ siòòŋii ndɔɛi-ya. La yaŋ nilan o yondaa a dɛnɛ palaa co hunɔɔ-o o kɔɔ, mì la yaŋ vana tuu le dɛnɛ kon tosaa-o nilan!

Amɔs 6:11

Kani Mɛlɛka yɔngu diomndo aa: Cɛila bɛndulan la koombiaanin, mì lapɔmbɔlan la buuluu tɛɛngon.

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Esai 45:7

I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.

Talelan 3:33

Danga fula Mɛlɛka o ba-o co o vana kɔlvesɛiyo lo cɛinin, kɛ ò dɔàw calta vanaa sandaa duaa.

1Samiɛl 2:6

Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

Yosue 13:1

Yosue ndóò yuuva nin taw. Mí Mɛlɛka dimul ndu aa: «A yuuva nin taw-taw, nduyɛ, fondalan la lo vɔ taw le biyɔɔ o lɛŋnden coo.

Tɔŋ miingua 27:3

O kon, la sɛva sɔɔn co o tɔŋndo ho nin-ndon kpow o powta lan coo. Lende niaa tosanin paale niaa taŋnin peo Yurdɛn le luɛyɔɔ o lɛŋnde Mɛlɛka Hala niaa ke niaa len nin-nden ni. Lɛŋnde len yɛ, cɔlua a tɔlɔɔlan la naŋ lenin taw-taw, maa mɛɛ Mɛlɛka pila dimul niaa yɛ, Hala fuɲaa niaa mamaa pɛɛn.

Tɔŋ miingua 26:1

«Lɔ́ɔ́ niaa luɛinin o lɛŋnde Mɛlɛka Hala niaa yɔngu niaa kɛ́ɔ len nin-ndo, te la hɛlu pɛ lɛŋnde len mì la cal lenin,

Tɔŋ miingua 19:1

«Lɔ́ɔ́ Mɛlɛka Hala niaa ciinin vanaa-mangalaa-isɔaa o co niaa lɛŋnde ndalen yɔngu-a tɛɛmbuu-o, lɔ́ɔ́ niaa hialunin lɛŋnden nda o ba mì la cal o kobila ndalan nin a o cɛila ndalan nin-ndo,

Tɔŋ miingua 12:1

«La tuei-yɔ tɔŋndan a silala niaa bɛnda le biyɔɔ a le kelaa coo le fɛɛn a fɛɛn o lɛŋnde Mɛlɛka, Hala fuɲaa niaa mamaa yɔngu niaa le hiɔlɔɔ len nin-ndan.»

Tɔŋ miingua 7:15

Mɛlɛka faŋanin niaa nààlan kpow ikɛi, o tuisinin nààla halimala o tuisi Esiptea coo lan niaa coo le. Nduyɛ, niaa pila sina nààla lan válán. Kɛ o tuisinin vanaa nɔ nɛyɔn niaa-a kpow nààla lan coo.

Kundalan 35:10

«Soo o Israɛlla lo ma dimul nda aa: ‹La co peo Yurdɛn taŋɔɔ, mì la luɛi o lɛŋnde Kanaan-nden nin.

Kundalan 32:32

N co ɲɛm cɔwvon cua mì n taŋ Mɛlɛka o hɔl le cɔwvo tosaa o lɛŋnde Kanaan-nden nin, kɛ lɛŋnde naa n loonin kɛ́ɔ len le co va Yurdɛn leeloo nanu.»

Tɔŋ lasálàá 25:2

«Soo o Israɛlla lo, ma dimul nda aa: ‹Te la tiiya pɛ o lɛŋnde ya yɔngu niaa len nin mì la cal, la bɛnda mì la mal yondoo mò pɛngi o telenndan lapum nin le ya Mɛlɛka bɛɛlen keo. La bɛnda mì la tosa vali lecoo o telennda lan nin te.

Tɔŋ lasálàá 23:10

«Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

O Kandɔɔ 13:17

Lelan, cɔn mà kela o lɛŋnden nden nin, mà mɛɛndan mɛɛ le bandu yɛ a mɛɛ le nɔ buo yɛ. Nɔm ya yɔngunin nden ni.»

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Tɔŋ lasálàá 14:33

Mí Mɛlɛka soaa o Moise nda Aarɔn ndo, mó dimul nda aa:

Sakari 5:4

Mɛlɛka-Nɔ-Kpaayaa-Kpow-vo dimi aa: Lelan ya saŋ dangaa o lɛŋnden nden coo ni, haliko mo luɛi o cɛila vuiya a o cɛila vanaa co mɛɛniannda lacòòvalan o diola nilan-nda lan nin, mò lom cɛila lan a yɔmii ndɛi a á powta ndalan.›»

Tɔŋ lasálàá 14:55

le kpukpon, le tafion, le sɔŋnda fula vana lekɔɔ lan a le sɔŋnda fula o volɔɔla cuɛinanndan coo a o cɛilan coo lan ni.

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.