Tɔŋ lasálàá 14:17 - BII BILA

¹⁷ O cii pɛ kon, o sui cuɛima tɔ̀ma lo ndu o ba-an o nile tiilannde ba kɛndɛle vana co kon dindinndo-o coo, o suu ndu man vɛlɛ o suei bɛndui ba kɛndɛi a o suei bɛndui bɛngu ba kɛndɛi, o kooma cɔlu sálà bɛɛndiaa isɔɔ coo. Kani o falun mun koni o suu kooma saa téndé yɔngun le sálà bɛɛndiaa isɔɔ solio-o ni.

Tɔŋ lasálàá 14:17 Referans Kwoze

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Esekiɛl 36:27

I lueinin kɔl nuu niaa nin, mì tosa háá mì la bii silala nilan, mì la bii pɛɛkula nilan, mì la kela lecoo.

Tɔŋ lasálàá 14:14

O kon, vana-solia-lasálàá cua kooma cɔlu co le sálà bɛɛndiaa isɔɔ-o-an, o sui man o nile tiilannde ba kɛndɛle vana kon coo, o suei bɛndui ba ndɔ kɛndɛi coo, a o suei bɛndui bɛngu ndɔ ba kɛndɛi coo.

Tɔŋ lasálàá 8:30

Mí Moise cua cuɛima va le pɔlaa-an a kooma va o fonda-loamaa-lasálàá coo-an, mó fasaŋiaa man Aarɔn coo a o volɔɔla va ndu lekɔɔ lan coo, mó fasaŋiaa man vɛlɛ poaa Aarɔn-nda coo a o volɔɔla va nda lekɔɔ lan coo. Lende Aarɔn nda poaa ndɔa, a volɔɔla va nda lekɔɔ lan kpow sɔla pɔlaa ni.

Tɔŋ lasálàá 14:16

O kon, o yin suei ba kɛndɛi ndɔɛi o cuɛima o talan man o ba mɛllo nin-ndan nin, o vesul man bɛmbɛ leŋɔmmɛw Mɛlɛka o hɔl.

Tɔŋ lasálàá 14:18

Vana-solia-lasálàá cii pɛ kon kpede tosa, o tala cuɛima tɔ̀ma lonin o ba ndɔ kɔllo nin-ndan vana kon o lebol. O kon, o tosal ndu faleŋii dindiannde Mɛlɛka o hɔl.

Tɔŋ lasálàá 8:23

Mí Moise kialu ndu bololan, mó cua kooma ndɔan, mó vow man o nile tiilannde ba kɛndɛle Aarɔn-nden nin, mó suu ndu man o suei bɛndui ba ndɔ kɛndɔɔ a o suei bɛndui bɛngu ba ndɔ kɛndɔɔ.