Tɔŋ lasálàá 14:14 - BII BILA

¹⁴ O kon, vana-solia-lasálàá cua kooma cɔlu co le sálà bɛɛndiaa isɔɔ-o-an, o sui man o nile tiilannde ba kɛndɛle vana kon coo, o suei bɛndui ba ndɔ kɛndɛi coo, a o suei bɛndui bɛngu ndɔ ba kɛndɛi coo.

Tɔŋ lasálàá 14:14 Referans Kwoze

Fulaa 29:20

Mi nɔm Moise kelu ndu bololan, ma haw kooma ndɔan, ma suu man o nile tiilannde ba kɛndɛle Aarɔn-nden coo, a o nila tiilannda bala kɛndɛla poaa ndɔa coo, ma suu vɛlɛ man o sun bɛndun bala ndala kɛndɛlan coo a o sun bɛndun bɛngula ndala ba kɛndɛlan coo. O kon kɔɔli, a fasaŋiaa man o kpengun hiɔɔlun fonda-loamaa-lasálàá.

2Korɛntea 7:1

Caaŋaa nia ya kaola taw-va, le tùú kpemalan-ndan la co le naa-o, fɔ mì naa pila n dindin le dɛnnda kɛ́-kɛ̀ nɔɔliaa dialun nan a yiyan naa. Mì n peelun dindin naa a siòòŋii Hala-e.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Rɔmnda 6:19

O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

Rɔmnda 6:13

La yɔngu lɛ falun niaan le hakio tosaa maa ɲɛm valin dɛnɛ sandaa lepɛŋ-ndon te. Kɛ niaa pila yɔngun le Hala maa vanaa tendul fulaa vanvílɛ́iya tɛɛn-nda, mì falun niaan va maa ɲɛm valin dɛnɛ sandaan le Hala.

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

Tɔŋ lasálàá 14:19

O kon kɔɔli, o soli sálà co le hakio sɔlaa malɔɔ-o, o tosa vɛlɛ faleŋii dindiannde le vana yeema le dindinndo-o, haliko mo dendu Mɛlɛka o hɔl. O cii pɛ, o kelu cɔlu co le sálà loamaa solio-o bololan,

Tɔŋ lasálàá 14:25

O cii pɛ, o kelu saa téndóó bololan, o haw koovan, o sui man o nile tiilannde ba kɛndɛle vana kon coo, o suu man vɛlɛ o suei bɛndui ba kɛndɛ ndɔɔ a o suei bɛndui bɛngu ba kɛndɛ ndɔɔ coo.

Tɔŋ miingua 24:8

«La mandan a nàà siaŋaa taw, mì la bii silala leviaa-solia-lasálàá yɔngunin niaa lan, mì la bii tɔŋnda ya yɔngunin nda le niaa tɛɛngullo lan.