Tɔŋ lasálàá 14:10 - BII BILA

¹⁰ O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Tɔŋ lasálàá 14:10 Referans Kwoze

Tɔŋ lasálàá 2:1

«Te vanndo va pɛ hunɔɔ o Mɛlɛka lo a ɲɛm vaan le ndu sálàá solullo, o bɛnda mò cua kpeyanndo, mò dɔw cuɛima olivean lecoo, mò handu vɛlɛ ansan lecoo.

Luke 5:14

O kon kɔɔli, mí Yeesu sila ndu aa: «Dimul vana-vana ɲɛ yɔŋnun-ndo le. Kɛ kɔ o vana-solia-lasálàá lo, mò mɛɛndian nɔm, mà soli sálà co le dindinndo-o mɛɛ Moise dimi yɛ, haliko mi kon va seilen le nda.»

Marke 1:44

«Caa dɛ! Dimul vana-vana ndi le, kɛ kɔ cɔmnun vanaa-solia-lasálàá, mà tosa ɲɛ Moise sɛva le vana co maa nɔm-ndo dindio-o, haliko mi ken va seilen le nda.»

Matie 8:4

O kon mí Yeesu dimul ndu aa: «Dimul vana-vana ndi le, kɛ kɔ cɔmnun vanaa-solia-lasálàá, mà soli sálà Moise dimi-o, haliko mi ndu va seilen le nda.»

Tɔŋ lasálàá 14:21

«Te vana bɛnda le dindinndo a nàà siaŋaa-o va pɛ vana bala fondoo, mò nɔ se le cɔwviaala kelun-ndan sɔlaa le, o bii saa téndóó ndu pilɛ le sálà bɛɛndiaa isɔɔ solio, haliko mi vana-solia-lasálàá heelu ndu coo, mò tosa falennde, mò yɔngu Mɛlɛka sálà kon le dindin ndɔɔ, a kpeyan vɔɔcan a cuɛiyan-ndo kiloo leyàá a cuɛiyan litili táláá.

Tɔŋ lasálàá 14:15

O cii pɛ tosa lende, ndu vana-solia-lasálàá pila cua cuɛiyan, o talan man o ba mɛl ndɔɔ nin.

Tɔŋ lasálàá 14:12

O kon, vana-solia-lasálàá cua saa kóndó téndóó o pilɛ, o soli ndu sálà bɛɛndiaa isɔɔ a cuɛima litili táláma o yɔngu-an, o tosa faleŋii vana heelu ɲɔɔ coo le Mɛlɛka ndu cɔmndo-e.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Nsaŋ 6:51

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Nsaŋ 6:33

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Kundalan 28:20

La bɛnda mì la handu kpeyan vɔɔcan a cuɛiyan-ndo lecoo: kiloo leŋɔmahiɔɔlu le naw tova oo naw tova, kiloo leŋɔmpum le saa kóndó oo saa kóndóó,

Kundalan 6:14

mò solul Mɛlɛka sálà ndɔɔ: mò yɔngu saa kóndó téndé nɔ vɔsio pilɛ-o, o nɔ lenamta loo le sálà loamaa solio, saa téndé laandu nɔ vɔsio pilɛ-o, o nɔ lenamta loo le sálàá co le hakio sɔlaa malɔɔ-osolio a saa kóndó nɔ lenamta loo le sálà kɔlɲuloo solio.

Tɔŋ lasálàá 23:13

O kon kɔɔli, la soli vɛlɛ kpeyan vɔɔcan a cuɛiyan-ndo kiloo leŋɔmpum, le ndu lomɔɔ mì tuei cun kɛndɛ kumii ndɔɛi. Mì la hin vɛlɛ a mɔiyan litilio o pilɛ a tálá.

Tɔŋ lasálàá 9:1

O paale ŋɔmaandɔlen, mí Moise veelu Aarɔn nda poaa ndɔa, mó veelu vɛlɛ kaasoŋaa kɔlkalua Israɛlla,

Tɔŋ lasálàá 4:32

Te saa laandoo vanndo yɔngu le sálà co le hakio sɔlaa malɔɔ-o ni, o bɛnda mò yɔngu saa laandu nɔ lenamta loo,

Tɔŋ lasálàá 2:13

A bɛnda ma vow hɛlle o kpeyan n co Mɛlɛka sálà ɲɛm vaa solullo-o kpow nin. A bɛnda ma pɔɛɛnun le hɛlii kpema Hala nɔmndo vowvo o kpeyan nɔmndo nin te. O sálàla nɔmndan nin kpow, a bɛnda ma vow hɛlle.

Tɔŋ lasálàá 2:11

Kpeyan niaa hun o ya Mɛlɛka lo le ya sálàá solullo-o kpow, la bɛnda mì la toosiaa ndu a lɛvɛnndo le, kani kpeyan niaa co Mɛlɛka sálàá solullo, mì la va ndu lomɔɔ o yin-ndo bɛnda mò toosian a lɛvɛnndo, te kon te a lɛan te.

Tɔŋ lasálàá 1:10

Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Fulaa 29:40

A dii pɛ saa téndé tasoo idiiyo, a kɔndu kpeyanndo kiloo leyàá, o nda vɔɔca a cuɛima kɛndɛ-kɛndɛma olivean litilio pilɛ a tálá-o. O kon kɔɔli, a tala mɔiyan litilio pilɛ a tálá le sálà mamɔiyo le saa téndé oo saa téndé.

Tɔŋ lasálàá 14:11

O kon, vana-solia-lasálà vanin sɔɔn mun toosiaa-o simi vana co dindinndo-o a ɲɛm o hin le sálàá solio-on kpow Mɛlɛka o hɔl, o cɛi-kola-toandaa-labɔɔŋianndo sondoo.

Tɔŋ lasálàá 1:3

Te sálà loamaa o yeema le solio a cɔlua bɛndua nin ni, o bii cɔlu piaandu nɔ lenamta loo, o kɔ cɔm ndu o cɛi-kola-toandaa-labɔɔŋianndo sondoo haliko mi Mɛlɛka cɛl ndu.