Tɔŋ lasálàá 13:46 - BII BILA

⁴⁶ Mɛ̀ɛ́-mɛ̀ɛ́ o viow, te paw kon co vɔ pɛ ndu lekɔɔ, vana nɔɔlɛiyo o co ni. Mɛɛ o co yɛ vana nɔɔlɛiyo yɛ, o bɛnda mò va ndu pilɛ kpé. Nɛɛ ndɔa calaa vanin o dɔ́ɔ́ngɔ́ɔ̀ kɔɔli ni.»

Tɔŋ lasálàá 13:46 Referans Kwoze

2Masaa 7:3

Vanaa nàà siaŋaa pum va nda hiɔɔlu o dio luɛyaa kobio sondoo. Má dimulan aa: «Le yɛɛ naa n co yɛ lou nanu háá mí n va piɔ́mndo cumndo?»

2Masaa 15:5

Mí Mɛlɛka tuisi masaa Asaria nàà siaŋaa coo, má yàà ndu lándán o cɛiyo pum nin ndu pilɛ kpé. Lon o lo a nàà kon ni háá mó vu. Yotam po ndɔ va simlacinɔɔ o cɛi lemasaa nin ni, ndu va vɛlɛ simlacilen tosaa vannda coo o lɛŋnde len nin kpow ni.

2Dɛnnda lemasalan 26:21

Mí masaa Osias lo a nàà siaŋaa lende, má yàà ndu lándán o cɛiyo pum nin ndu pilɛ kpé, ndóò nɔ lɛ di mì ndóò luɛi o Cɛi-Mɛlɛka-o nin te. O lo a nàà kon háá mó vu. Tuma o va kon a nàà-o, mí Yotam po ndɔ, ó va simlacinɔɔ o cɛi lemasaa nin-ndo siŋnun tofa lelɛŋndoo vannda o lɛŋnde len nin coo.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:27

Ɲɛ-ɲɛ nɔɔlɛi lueinin ndon te, vana lamàà a vana lacòòvaa lueinin ndon te, fɔ vanaa diola ndalan la sɛvan o sɛbɛ yoomaa Saa téndóó nin-nda kínɛí.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

2Tesalonikea 3:14

La bii hee bila ɲɛkɛndɛi, te vanndo bii sɔɔn naa n co niaa dimullo o sɛbɔɔ ho nin-ndon te, la holnun ndu le, haliko mi siɛmbulan la tol ndu.

2Tesalonikea 3:6

Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le.

1Korɛntea 5:5

O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

Luke 17:12

Ndóò tiiyaa o cieo pum, mí vanaa n'lɛlɛa pum hun ndu bɔŋa. Má sim lándán,

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Tɔŋ lasálàá 13:47

«Te sɔŋnda ipawlan la va pɛ o kola fengbɔɔ, te kon te o kola keesoo coo,

Tɔŋ lasálàá 14:3

vana-solia-lasálàá fula o dɔ́ɔ́ngɔ́ɔ̀ kɔɔli le ndu mɛɛndianndo. Te o ce pɛ maa vana nɔ kon nàà kon-ndo sengu a nàà ndɔɔ,

Tɔŋ lasálàá 23:29

Vana-vana kɛɛ pɛ ɲinkon le sumndo biyɔɔ, à bɛnda mà faŋa ndu Israɛlla tɛɛn few-few.

2Samiɛl 3:29

Màá sɔɛi piɔ́m ndɔɔ i va Yoab pila a yungu ndɔɔ kpow o lebol! Màá nààla kɔɔsinalan, te kon te nàà siaŋaa va vannda biyɔɔ lɔ́ɔ́-lɔ́ɔ̀ o yungu Yoab-o nin! Màá vanpiaandua o yungu kon nin a siŋnun vanaa vomulaa! Màá a va piɔ́mndo sɔlaa o mɔɔn cɔwvon bɛngu! Màá yima fofolan ma cúù nda kuee le!»

Cɛɛŋɔnnda Yeremi lan 4:15

Mí vannda deŋul nda aa: ‹La faŋan naa ikɛi! La nɔɔla bɔɔ. La faŋan naa ikɛi! La pilan naa le dɛ!› Telen nda co kon ɲaanɔn, mà va kɔlan ba-ba fee-o, vanaa-mangalaa-isɔɔa diminin aa: ‹Haa cel-lɛnin o naa lo le lɔ́ɔ́ levil te.›