Tɔŋ lasálàá 13:29 - BII BILA

²⁹ Te pawvo fula pɛ vanapɔnɔɔ, te kon te vanalanɔɔ o lebol, te kon te o dɔɔmoo coo,

Tɔŋ lasálàá 13:29 Referans Kwoze

Matie 6:23

kɛ te hɔltan la ve nɔm lakɛndɛ le, dialun nɔmndon kpow n luɛi o ɲumndan nin. Te ɲɛ-tengaa co nɔm niŋ-ndo siŋnun pɛ ɲumndan, mɛɛ ɲumma man ma và ma bɔɔ dɛ!»

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

Esai 5:20

Dɛnɛ palaa co le vanaa co dɛnɛ vɔɔndo veeloo aa dɛnɛ kɛndɔɔ-a, má va dɛnɛ kɛndɔɔ veeloo aa dɛnɛ vɔɔndo, má mangala ɲumndan ɲɛ-tengaa, má mangala ɲɛ-tengaa ɲumndan, má mangala mɔnɛi ɲɛ yeelaa, má mangala ɲɛ yeelaa mɔnɛi!

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Condii lisai 53:4

Kɛ nda kpow, a mal nɛiyo má laasian. Vana-vana co dɛnɛ kɛndɛ tosa le, o pilɛ bɛɛ.

2Dɛnnda lemasalan 6:29

te vanndo o pilɛ, te kon te Israɛlla kpow a tɛɛlun pɛ nɔm, mì vana-vana sina dɛnɛ vɔɔn o tosa-o, mì mɔnɛi bii ndu, mò heelu balan a kpengii Cɛi nɔmndo ho le nɔm piɛiyo,

1Masaa 12:28

Le hee, mí masaa Yeroboam nuwviaa nɛilan, mó cɔaw navaa téndéa nda ŋiɔn a sianion, mó dimul vannda aa: «Éé Israɛlla! O co lɛhau le niaa kandu sangaa le kɔlan Yerusalɛm te. Lelan, la tofa vɔ halaa niaa, a soli niaa o lɛŋnde Esipte len nin-nda!»

1Masaa 8:38

te vana pilɛ, te kon te Israɛlaa tɔ̀a kpow a solul pɛ nɔm diomndan o piɛilen nin le nɔm tɛɛlɔnndo, te vana-vana sina pɛ yɔŋ ndɔ vɔɔndo o kɔl ndɔɔ nin, mò muli hɔlla a ba Cɛiyo ho, mo heelu balan, mò piɛi nɔm,

Tɔŋ lasálàá 13:28

Kɛ te kàváá lo pɛ o fonda pilɔɔ, mo hiw laci a dioo le, nduyɛ mò kandu ɲumndo, mɛɛ kpukpui loamnannde kínɛí co ken ni. O kon vana-solia-lasálàá dimi aa vana diandaa vana kon co ni, kani tindi paw loamnanndo kínɛí co kon ni.

Tɔŋ lasálàá 13:30

vana-solia-lasálàá bɛnda mò mɛɛndian paw kon. Te o ce pɛ maa pawvo townun mo hiaw yáw ndɔɔ, mì yiiŋii co lenin-nde diw maa divɔɔ cuɛima yavaa, mì i va vɛlɛ dalan-dalan, vana-solia-lasálàá bɛnda mò dimi aa vana nɔɔlɛiyo vana kon co ni. Mɛɛ tɛ̀ɛ̀ndo co kon ni, ndu co naa bii vana o lebol, te kon te o dɔɔmoo coo-o ni.

Ɛsdras 9:3

Mɛɛ ya tuei sɔɛi ken, mí sɛɛsiaa doma ni pɔmbɔɔ a doma ni bɛndoo a mɔnɛi, mí suingin yiinde o lebol, mí suingin siaiye, mí cal a mɔnɛi bɛnduei.

Esekiɛl 5:1

Nɔm Po vanacieo yɛ, cua mɔɛi cɔvii luɛyaa tɛmtɛmnde, ma sendin bollen a siaiye. A cii pɛ sendi, a cua ɲɛ tuvaa, a tuu yiinde a siayii n sendinin ken nde, a piɔw ndi kundalan.