Tɔŋ lasálàá 12:8 - BII BILA

⁸ Te vanalanɔ kon nɔ se le saa téndóó sɔlaa le, o yɔngu piinda nda ŋiɔn, te kon te kangboa nda ŋiɔn, o pilɛ le sálà loamaa solio, o pilɔɔ le sálà co le hakio sɔlaa malɔɔ-o. O kon, vana-solia-lasálàá tosa faleŋii dindiannde le ndu, kon tosa ni mì komsa kon dendu Mɛlɛka o hɔl.›»

Tɔŋ lasálàá 12:8 Referans Kwoze

Tɔŋ lasálàá 5:7

«Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Tɔŋ lasálàá 14:22

O kon, o bii vɛlɛ piinda nda ŋiɔn a kangboa nda ŋiɔn, mɛɛ o nɔ seo yɛ. Yovaa kan, o pilɛ le sálà co le hakio sɔlaa malɔɔ-o solio, o pilɔɔ le sálà loamaa solio.

Tɔŋ lasálàá 1:14

Te yowvo o yɔngu le Mɛlɛka sálà loamaa solullo ni, o bɛnda mò yɔngu piindo, te kon te kangboo.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

Tɔŋ lasálàá 15:29

O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o yoo vana-solia-lasálàá nda o cɛi-kola-toandaa-labɔɔŋianndo sondoo.

Tɔŋ lasálàá 15:14

O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o kɔɛ Mɛlɛka o hɔl o cɛi-kola-toandaa-labɔɔŋianndo sondoo, o kɔ yɔngu vana-solia-lasálàá nda.

Matie 21:12

Mí Yeesu luɛi o Cɛi-Hala-o nin, mó toaw vanaa va ɲɔɔn pisio-a a vanaa va ɲɔɔn piondɔɔ-a kpow, mó ɲiinduu tabalila vanaa singaa n'volia a kpɛŋɛla vanaa va kangboa pisio-a.

Tɔŋ lasálàá 12:7

O yɔngu pɛ lende, vana-solia-lasálàá soli sálà kon o Mɛlɛka lo, o tosa faleŋii dindiannde le komsa kon. O kon, komsa kalaa sɔla diondɔɔ le kooma fula ndu lekɔɔ-an. Tɔŋndo co hoo le vanalanɔ velu hɔ́ɔ́ piaandoo, te kon te hɔ́ɔ́ laandoo-o ni.

Tɔŋ lasálàá 13:1

Mí Mɛlɛka soaa o Moise nda Aarɔn ndo, mó dimul nda aa:

Tɔŋ lasálàá 14:21

«Te vana bɛnda le dindinndo a nàà siaŋaa-o va pɛ vana bala fondoo, mò nɔ se le cɔwviaala kelun-ndan sɔlaa le, o bii saa téndóó ndu pilɛ le sálà bɛɛndiaa isɔɔ solio, haliko mi vana-solia-lasálàá heelu ndu coo, mò tosa falennde, mò yɔngu Mɛlɛka sálà kon le dindin ndɔɔ, a kpeyan vɔɔcan a cuɛiyan-ndo kiloo leyàá a cuɛiyan litili táláá.

Tɔŋ lasálàá 5:11

Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.

Tɔŋ lasálàá 15:15

O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.