Tɔŋ lasálàá 12:6 - BII BILA

⁶ Te palɛi ndɔɛi dindiannde cuu pɛ le hɔ́ɔ́ piaandu, te kon te le hɔ́ɔ́ laandu o velu-o, komsa kon yoo vana-solia-lasálàá saa téndé nɔ vɔsio pilɛ-o le sálà loamaa solio, a kangboo pilɛ, a piindo pilɛ le sálà co le hakio sɔlaa malɔɔ-o solio o cɛi-kola-toandaa-labɔɔŋianndo sondoo.

Tɔŋ lasálàá 12:6 Referans Kwoze

Luke 2:22

O kon kɔɔli, mí palɛi Mari nda Yosɛf ndáà bɛnda le dindinndo mɛɛ tɔŋ Moise-o ndóò dimi yɛ-e i tiiya. Má cua Yeesu, má kɔa a ndu Yerusalɛm le ndu yɔngoo o Mɛlɛka lo,

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Tɔŋ lasálàá 15:29

O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o yoo vana-solia-lasálàá nda o cɛi-kola-toandaa-labɔɔŋianndo sondoo.

Kundalan 6:10

O paale ŋɔmaandɔlen, o yoo vana-solia-lasálàá piinda nda ŋiɔn, te kon te kangboa nda ŋiɔn o cɛi-kola-toandaa-labɔɔŋianndo sondoo.

Tɔŋ lasálàá 15:14

O paale ŋɔmaandɔlen coo, o bii piinda nda ŋiɔn, te kon te kangboa nda ŋiɔn, o kɔɛ Mɛlɛka o hɔl o cɛi-kola-toandaa-labɔɔŋianndo sondoo, o kɔ yɔngu vana-solia-lasálàá nda.

Tɔŋ lasálàá 14:22

O kon, o bii vɛlɛ piinda nda ŋiɔn a kangboa nda ŋiɔn, mɛɛ o nɔ seo yɛ. Yovaa kan, o pilɛ le sálà co le hakio sɔlaa malɔɔ-o solio, o pilɔɔ le sálà loamaa solio.

Tɔŋ lasálàá 12:2

«Soo o Israɛlla lo, má dimul nda aa: ‹Te vanalanɔɔ cua pɛ folio mò velu hɔ́ɔ́ piaandoo, o lonin o nɔɔlɛiyo Mɛlɛka o hɔl háá o palɛi ndii ŋɔmmɛw bɛngu, o lonin o nɔɔlɛiyo maa telen o ca paangii ndɔɛi-yo.

O Kandɔɔ 15:9

Mí Hala muli aa: «Kɔ hun a naw laandu téndé nɔ vɔsilan layàá-o o pilɛ, cuin laandu nɔ vɔsilan layàá-o o pilɛ, saa kóndó nɔ vɔsilan layàá-o o pilɛ, piindo o pilɛ a kangboo o pilɛ.»

Tɔŋ lasálàá 12:5

Te hɔ́ɔ́ laandoo o velu ni, komsa kalaa lonin o nɔɔlɛiyo Mɛlɛka o hɔl háá palɛi tɔ́ a ihiɔɔlu maa telen o ca paangii ndɔɛi-yo. O kon, o lo vɛlɛ dindinndo o palɛi belaŋɔmpum a iŋɔmpum bɛngu le kooma fula ndu lekɔɔ o violɔɔ-an.

Tɔŋ lasálàá 12:7

O yɔngu pɛ lende, vana-solia-lasálàá soli sálà kon o Mɛlɛka lo, o tosa faleŋii dindiannde le komsa kon. O kon, komsa kalaa sɔla diondɔɔ le kooma fula ndu lekɔɔ-an. Tɔŋndo co hoo le vanalanɔ velu hɔ́ɔ́ piaandoo, te kon te hɔ́ɔ́ laandoo-o ni.