Tɔŋ lasálàá 12:2 - BII BILA

² «Soo o Israɛlla lo, má dimul nda aa: ‹Te vanalanɔɔ cua pɛ folio mò velu hɔ́ɔ́ piaandoo, o lonin o nɔɔlɛiyo Mɛlɛka o hɔl háá o palɛi ndii ŋɔmmɛw bɛngu, o lonin o nɔɔlɛiyo maa telen o ca paangii ndɔɛi-yo.

Tɔŋ lasálàá 12:2 Referans Kwoze

Luke 2:22

O kon kɔɔli, mí palɛi Mari nda Yosɛf ndáà bɛnda le dindinndo mɛɛ tɔŋ Moise-o ndóò dimi yɛ-e i tiiya. Má cua Yeesu, má kɔa a ndu Yerusalɛm le ndu yɔngoo o Mɛlɛka lo,

Tɔŋ lasálàá 15:19

«Te vanalanɔɔ va pɛ o paangei nin, mì koovan ma va ndu fulaa, o bɛnda mò lo o nɔɔla kon nin háá palɛi ndii ŋɔmmɛw. Vana-vana pilan ndu pɛ, ndu siŋnun vana nɔɔlɛiyo háá icɔllo.

SƐBƐ YƆB-O 25:4

Vɛ̀ɛ̀ vanacieo tiw yɛ ba mò sɔla dí a Hala? Vɛɛ nɛ hɔ́ɔ́ vanalanɔɔ velu-o nɔla yɛ mò va o diandaa?

SƐBƐ YƆB-O 15:14

Yɛɛ vanacieo co yɛ le cɔnnɔnndo o diandaa? Yɛɛ hɔ́ɔ́ fula vanalanɔɔ o ipulu-o co yɛ le cɔnnɔnndo o sandaa?

SƐBƐ YƆB-O 14:4

Nɛ̀ɛ́ nɔla yɛ mò soli ɲɛ diandaa o ɲɛ nɔɔlɛiyo nin? Vana-vana nɔla ken tosa le.

Tɔŋ lasálàá 18:19

A bɛnda ma tosa kpelemɔɔsaa a vanalanɔɔ telen o co paangii ndɔɛi cɔu-vo le, kani o nɔɔlɛiyo vanalanɔ kon co Mɛlɛka o hɔl o telen kon nin ni.

Condii lisai 51:5

Kani i sina tɛɛmbuula nilan. Nduyɛ, i co haki nuu cɔnnɔnndo ya o hɔl lɔ́ɔ́-lɔ́ɔ̀.

O Kandɔɔ 3:16

Mí Mɛlɛka dimul vanalanɔɔ aa: «I tuisinin nɔm sangalan coo taw telen n vanin a folio-o. Mɛɛ ma diw lahɔl malan n vialu. Yeemɛi biinin nɔm le pɔnɔ nɔm hɛnanndo, kɛ ndu vanin nɔm bollen ni.»

O Kandɔɔ 1:28

Mó dɔaw nda duaa, mó dimul nda aa: «La náŋ ipúlú, la kuí, la pei lɛŋnden ca mì la va vanaa bɛndua lecoo. La tosá masalen suvaa co o mɛnndan nin-nda, yovaa co coocoo-a a visia pɔmbɔa kela lɛŋ-nda kpow coo.»

Tɔŋ lasálàá 12:1

Mí Mɛlɛka soaa o Moise lo, mó dimul ndu aa:

2Samiɛl 11:4

Mí David viam kiilaa le kɔlan ndu cuaa. Mí Bat-Seba hun o David lo, mí David sina ndu vanalanɔ. Ciiyo, mí Bat-Seba muungun o ndu lo. Nduyɛ Bat-Seba va pulɔnndo le dindinndo, kani ndóò cii ko sɛnɛi paangii ndɔɛi cɔ.

Tɔŋ lasálàá 5:3

Hali mì vanndo sìná le, te o pilan pɛ vanaciee co o dɛnɛ nɔɔlɛiyo nin-ndo, dɛnɛ súú-súù nɔla mo nɔɔliaa vanacieo, vana kon siŋnun vana tɛɛmbua tɔŋndo lɔ́ɔ́ o sinanin tɛɛmbuu ndɔɔ-o.

Tɔŋ lasálàá 12:5

Te hɔ́ɔ́ laandoo o velu ni, komsa kalaa lonin o nɔɔlɛiyo Mɛlɛka o hɔl háá palɛi tɔ́ a ihiɔɔlu maa telen o ca paangii ndɔɛi-yo. O kon, o lo vɛlɛ dindinndo o palɛi belaŋɔmpum a iŋɔmpum bɛngu le kooma fula ndu lekɔɔ o violɔɔ-an.