Tɔŋ lasálàá 11:44 - BII BILA

⁴⁴ Kani ya co Mɛlɛka ni, Hala niaa pɛɛn. Lelan la dindin few, mì la va vanaa diandaa, kani o diandaa ya co ni. Le hee, la síŋnùn vanaa nɔɔlɛiya a ɲaa huulaa a visia pɔmbɔa sasun lɛŋ-nda o kɔɔ le.

Tɔŋ lasálàá 11:44 Referans Kwoze

Fulaa 20:2

«Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, lɛŋnde niaa va nin o cɛlen nin-nden.

Tɔŋ lasálàá 19:2

«Soo o Israɛlla lo mà dimul nda aa: ‹La va vanaa diandaa, kani o diandaa fó-fó ya Mɛlɛka co ni, Hala niaa pɛɛn.

Tɔŋ lasálàá 20:7

La díndin mì la va vanaa diandaa siŋnun teengen le ya-a, kani ya co Mɛlɛka ni, Hala niaa pɛɛn.›»

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

Tɔŋ lasálàá 20:26

La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Tɔŋ lasálàá 21:8

Israɛlla kpow, la bɛnda mì la ce vanaa-solia-lasálàá maa vanaa diandaa nda co ya Mɛlɛka o hɔl ni. Kani nda co ya ɲɛdiaa niaa co ya yɔngoo-o tiiyallo ni. La cɔ nda maa vanaa diandaa nda co ni. Kani o diandaa ya Mɛlɛka co ni, ya hɛli Israɛlla le siŋnɔnndo yungu diandaa ni.

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Dɛnnda cɔɔmuanndan 22:11

Vana vɔɔndo ndu hiow laci a dɛnɛ vɔɔndo tosaa tuŋ, mì vana co o nɔɔlɛiyo-o hiow laci a nɔɔlianndo, mì vana sandaa hiow laci a sandei, mì vana diandaa ndu hiow laci a dindinndo.

Condii lisai 99:9

La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.

Condii lisai 99:5

La biilu Mɛlɛka Hala naa, la baŋ vulan ndu o labɛngunin nɛɛ o kɛsì pelon-nda. A toɲa, Mɛlɛka ndu pilɛ kpé co Hala kpeekpeiyo ni.

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Fulaa 23:25

Ya Mɛlɛka, ya co Hala niaa-o kínɛí niaa bɛnda le biiloo ni, haliko mi dɔw niaa duaa, mì yɔngu niaa ɲɛdiaa kɛndɛ-kɛndɔɔ a mɛnndan taw-taw, mì kanda niaa vɛlɛ le nààlan.

Fulaa 19:6

Lelan, la vanin vanaa-solia-lasálàá lemasaa a yungu diandaa kɛsin teengen le ya Mɛlɛka-o.› Sɔɔn mun n bɛnda le Israɛlla tɛɛngullo ni.»

Esai 43:3

Kani ya co Mɛlɛka ni, Hala niaa pɛɛn, O-Diandaa-Israɛlla, vana ciindiaa niaa. I vɔngul lɛŋnde Esipte len haliko mi baŋa niaa. I yɔngu lɛŋnde Etiopii len a Seba o fonda niaa.

1Samiɛl 6:20

O kon kɔɔli, má dimi aa: «Nɛ̀ɛ́ nɔla yɛnin lou yoomu Mɛlɛka o hɔl, Hala Diandaa ho pɛɛn? Kuɛɛ nɛ kpeekpei naa n co yɛ kesu ndɔ kpemaa ho yɔɔ mò faŋan nin naa nanu?»

Tɔŋ lasálàá 11:43

Niaa pila nɔɔlian mì la siŋnun vanaa vɔɔŋaa bɛndu a ɲaa huulaa a visia pɔmbɔa sasun kan lɛŋ-nda o kɔɔ le. La del kasi Mɛlɛka o hɔl a dɛnɛ ndaa o kɔɔ le.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Amɔs 3:3

Vɛ̀ɛ̀ vanaa ŋiɔn diam pá nɛiyo latulu taa cɛlan fɔlɔn te?

Esai 51:15

Ya co Mɛlɛka ni, Hala nɔmndo pɛɛn, ya hiiluu mɛmma ihɛllan ni, ya tosa ni mí mɛnndan ma kuŋ. Diola nilan aa Mɛlɛka-Nɔ-Kpaayaa-Kpow-vo.

Fulaa 16:12

«I tuei sɔɔn pɔmbɔn Israɛlla soo-on. Lelan, soo o nda lo mà dimul nda aa: ‹Cɔɛllɛn, la co vision dio, mì la de vɛlɛ ɲɛdiaa siɔdii. O kon la sinanin maa ya co Mɛlɛka ni, Hala niaa pɛɛn.›»

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Tɔŋ lasálàá 18:2

«Soo o Israɛlla lo ma dimul nda aa: ‹Ya co Mɛlɛka ni, Hala niaa pɛɛn.

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Kundalan 15:40

La vanin loonɔnndo a tɔŋnda nilan mì la bii lan. O kon, la vanin a diandaa le Hala niaa.

Fulaa 22:30

La bɛnda mì la va vanaa diandaa le ya Mɛlɛka. Lelan, la dia visin cɔlu visia biyaa sɛɛsiaa-o le, la bɛnda mì la yɔngu tunnda visin mun.»

Tɔŋ lasálàá 19:4

La múlìn o halaa fondoa lo le nda sooloo le, la tééngiàà cilinndon o yin mì la cɔw piɔmnda a mun te. Ya co Mɛlɛka ni, Hala niaa pɛɛn.

Tɔŋ lasálàá 19:10

La múúngù vɛlɛ o nakɔla n'rɛsɛnnda niaala nin mì la kɛndu kpɔ̀nyɔ̀la koamaala niaa pɔɛɛnun-ndan te, la cɔ́wviàà rɛsɛŋun deli lɛŋ-ndon te. La bɛnda mì la mɛi ɲɛm mun le vanaa ikɔɔa a le mialaa co icali niaa o bɛngu coo-a. Ya co Mɛlɛka ni, Hala niaa pɛɛn.

Yosue 24:19

O kon kɔɔli, mí Yosue mulul nda aa: «La nɔlanin Mɛlɛka baalaa tosal te, kani Hala diandaa o co ni, Hala paŋalaa o co ni, o melnin nila kalula niaalan a hakila niaalan haki le.

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.