Tɔŋ lasálàá 11:42 - BII BILA

⁴² La dia ɲaa huulaa a visia pɔmbɔa sasun lɛŋ-nda le, hali a sasun o demboo coo-a, á kela o bɛngula ndalan coo-a, á nɔ yɛmbɔn-nda pɛɛn a á nɔ bɛngulan taw-taw-va, kani a co bɔɔ ɲaa nɔɔlɛi bɛndu le niaa.

Tɔŋ lasálàá 11:42 Referans Kwoze

Tite 1:12

Vana-tɛɛngaa-diom Hala-o pum dimi ni, Keretiinɔɔ pɛɛn aa: «Vanaa lacòòvaa Krɛtia co lɔ́ɔ́-lɔ́ɔ̀ ni, maa visia biyaa nda co ni, vanaa siɛlɛyaa yeema dioo tuŋ-nda.»

2Korɛntea 11:13

Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Matie 23:23

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co o-tɔ́ndɔɔ solio o tɔlɔɔwlan lapum nin maa mɛnte, anɛt a kumin, kɛ mì la va dɛnnda hiow vaa lasɔvɛ o tɔŋndo nin-ndan malɔɔ: lan la co dɛnɛ sandaa, vannda ɲííye tuinɔnndo a laalanndo ni. Dɛnnda lan niáà bɛnda le tosaa ni handɔɔ niko o dɛnnda tɔ̀lan coo.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Misee 7:17

A deembuunin cundoo maa n'kɛw, maa ɲaa yoomaa sasun lɛŋ-nda. À fulanin o fondala ndala mayoomulan nin, mà hin a ɲiiyaa o nɔm Mɛlɛka Hala naa lo. Siòònde biinin nda mà vo nɔm.

Esai 65:25

Tun yondoo a saa téndóó a dianin o fonda pilɔɔ, yàlàá dianin billo maa naw. Kɛwvo ndu ndu, cundoo vanin ɲɛdiaa ndɔɔ ni. Dɛnɛ vɔɔndo a dɛnɛ kɔlvesɛi tosan ndɛnin o pembii diandɛi coo le». Mɛlɛka soo lende ni.

O Kandɔɔ 1:20

Mí Hala dimi aa: «Ɲaa yoomaa fulá taw-taw o mɛnndan nin, yowva fulá coocoo taw mà va kelaa.»

Tɔŋ lasálàá 11:41

La cɔ ɲaa huulaa pɔmbɔa a visia pɔmbɔa sasun lɛŋ-nda kpede maa ɲaa nɔɔlɛiya nda co ni, la dia nda le.

Tɔŋ lasálàá 11:43

Niaa pila nɔɔlian mì la siŋnun vanaa vɔɔŋaa bɛndu a ɲaa huulaa a visia pɔmbɔa sasun kan lɛŋ-nda o kɔɔ le. La del kasi Mɛlɛka o hɔl a dɛnɛ ndaa o kɔɔ le.