Tɔŋ lasálàá 11:35 - BII BILA

³⁵ Ɲɛ-ɲɛ visi vílɛ́i vaa lende del pɛ coo, ɲɛ kon siŋnun ɲɛ nɔɔlɛiyo. Te o del pɛ o nɛɛ loamaa bulua coo, te kon te o yinndaceeloo coo, la bɛnda mì la pɛl nɛɛ loamaa bulua kan, te kon te yinndaceele kon, mì la tɛɛmbuu ndu kpede. Kani o siŋnun ɲɛ nɔɔlɛiyo. Niaa bɛɛ la cɔ ɲɛm mun maa ɲɛm nɔɔlɛiyon n co ni.

Tɔŋ lasálàá 11:35 Referans Kwoze

Tɔŋ lasálàá 15:12

Te vana nàà kon pilan pɛ kpɛɛnɛi puuluei, a bɛnda mà pɛl kpɛɛnɛi ken, te hɛngɛi yɔmndo o pilan ni, a bɛnda mà tuei hɛngɛi kon a mɛnndan.

Tɔŋ lasálàá 11:33

Te visi vaa lende del pɛ o kpɛɛnɛi puuluei nin, ɲɛ-ɲɛ co o kpɛɛnɛi ken nin o siŋnun ɲɛ nɔɔlɛiyo, la bɛnda vɛlɛ mì la pɛl kpɛɛnɛi ken.

Tɔŋ lasálàá 11:34

Ɲɛdiaa oo ɲɛdiaa mɛmma va o kpɛɛnɛi ken nin-ndan mà vesulun pɛ, ɲɛdiaa kon siŋnun o nɔɔlɛiyo, te mɛmma man ma del vɛlɛ pɛ o ɲɛ-ɲɛ vana kol nin, o va o ɲɛi laandui súú-súù nin, ɲɛ kolaa kon siŋnun ɲɛ nɔɔlɛiyo.

Tɔŋ lasálàá 11:36

Kɛ nduyɛ, te cɔlu vílɛ́i vaa lende del pɛ o soon kólaa nin, te kon te o soon mandaa mamɛnndo nin, mɛmma man mà lo madiandaa. Kɛ vana co visi vílɛ́i kon soli o mɛmma man nin-ndo, ndu siŋnun vana nɔɔlɛiyo.

SƐBƐ YƆB-O 39:8

O co kelaa o pembon coo le ɲɛdiaa nuwviaa, o co bil puiyaa súú-súù ka nuwviaa.

Tɔŋ lasálàá 13:52

Vana-solia-lasálàá bɛnda mò lom ndu kpúlúká o yin, o va kola keese, o va doma lebɛngu, o toosian bɛɛ a funnden, yiiŋii saa, te kon te volɔɔ toosian a yáwla cɔlua-o. Kani vana nɔla lɛ sɔŋ kon faŋa le. Lelan, volɔɔ cuɛinan kalaa bɛnda mò ŋɔɛ o yinnden nin.