Tɔŋ lasálàá 11:33 - BII BILA

³³ Te visi vaa lende del pɛ o kpɛɛnɛi puuluei nin, ɲɛ-ɲɛ co o kpɛɛnɛi ken nin o siŋnun ɲɛ nɔɔlɛiyo, la bɛnda vɛlɛ mì la pɛl kpɛɛnɛi ken.

Tɔŋ lasálàá 11:33 Referans Kwoze

Tɔŋ lasálàá 15:12

Te vana nàà kon pilan pɛ kpɛɛnɛi puuluei, a bɛnda mà pɛl kpɛɛnɛi ken, te hɛngɛi yɔmndo o pilan ni, a bɛnda mà tuei hɛngɛi kon a mɛnndan.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Yeremi 48:38

O cɛilan kpede sɛmtɛ o lɛŋnde Moab len nin a o bɛ́ɛ̀lan kpow, condun biision daama vana tuɛi ni. Kani i cii Moab piɔlɔɔ maa kpɛɛnɛi vana nɔ lɛ mako lei.» Sɔɛi fula ya Mɛlɛka o sondo-e co ken ni.

Tɔŋ lasálàá 14:45

Cɛi kon bɛnda mò piɔl vɔ́-vɔ́, kandɔɔ a powta nda cɔw ndu lan, a yɔmii nda tangul ndu-e, kɔ bii a puulu nda yikpa ndu-o, ɲɛm mun kpow n bɛnda mì n viownun o kobio kɔɔli polon, nɛɛ nɔɔlɛiya pum.

Tɔŋ lasálàá 11:35

Ɲɛ-ɲɛ visi vílɛ́i vaa lende del pɛ coo, ɲɛ kon siŋnun ɲɛ nɔɔlɛiyo. Te o del pɛ o nɛɛ loamaa bulua coo, te kon te o yinndaceeloo coo, la bɛnda mì la pɛl nɛɛ loamaa bulua kan, te kon te yinndaceele kon, mì la tɛɛmbuu ndu kpede. Kani o siŋnun ɲɛ nɔɔlɛiyo. Niaa bɛɛ la cɔ ɲɛm mun maa ɲɛm nɔɔlɛiyon n co ni.

Tɔŋ lasálàá 11:34

Ɲɛdiaa oo ɲɛdiaa mɛmma va o kpɛɛnɛi ken nin-ndan mà vesulun pɛ, ɲɛdiaa kon siŋnun o nɔɔlɛiyo, te mɛmma man ma del vɛlɛ pɛ o ɲɛ-ɲɛ vana kol nin, o va o ɲɛi laandui súú-súù nin, ɲɛ kolaa kon siŋnun ɲɛ nɔɔlɛiyo.

Tɔŋ lasálàá 6:21

Te visin mun yawnun pɛ o kpɛɛnɛi puuluei nin, te yawvo cuu pɛ a pɛl kpɛɛnɛi ken. Taa yaw yɛ mun pɛ o kpɛɛnɛi nda cɔw a daɲan-nde nin, a bɛnda mà suusiaa ndi, mà tɔɔ ndi cɛ́kɛ́lɛ́ a mɛnndan taw.

Tɔŋ lasálàá 13:52

Vana-solia-lasálàá bɛnda mò lom ndu kpúlúká o yin, o va kola keese, o va doma lebɛngu, o toosian bɛɛ a funnden, yiiŋii saa, te kon te volɔɔ toosian a yáwla cɔlua-o. Kani vana nɔla lɛ sɔŋ kon faŋa le. Lelan, volɔɔ cuɛinan kalaa bɛnda mò ŋɔɛ o yinnden nin.

Kundalan 19:15

Ɲɛi laandu oo ɲɛi laandui va pɛ lenin sondo fondo, mì kumbu ve lecoo le, ndi siŋnun inɔɔlɛi Mɛlɛka o hɔl.