Tɔŋ lasálàá 11:25 - BII BILA

²⁵ Nduyɛ vana-vana cua pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò dindi lan, a vɛlɛ mò lo o nɔɔlɛiyo háá icɔllo.

Tɔŋ lasálàá 11:25 Referans Kwoze

Kundalan 31:24

O paale ŋɔmmɛwndɔlen coo, la dindi volɔɔla niaala cuɛinanndan. O kon kɔɔli, la nɔla niko mì la muungu a diandaa, mì la luɛi o dɔ́ɔ́ngɔ́ɔ̀ nin.»

Tɔŋ lasálàá 15:5

Vana-vana pilan pɛ kpele vana kon hini coo-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 14:8

O kon, vana co dindinndo-o tɔɔ volɔɔla ndɔla cuɛinanndan, o sendi yiiŋii o nɔ nɛɛ-nɛɛ ka-e, o pulun a mɛnndan cɛ́kɛ́lɛ́, o dendu Mɛlɛka o hɔl. Te kon cuu pɛ, o muungu o dɔ́ɔ́ngɔ́ɔ̀ nin, kɛ o bɛnda mò tosa palɛi ndii ŋɔmmɛw o luei o cɛi-kola-toandaa ndɔɔ nin te.

Tɔŋ lasálàá 11:40

Vana de pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò lo o nɔɔlɛiyo háá icɔllo. Vana cua vɛlɛ pɛ ndu mò kɔɛ a ndu, vana kon bɛnda mò tɔɔ volɔɔla ndɔla cuɛinanndan, mò lo o nɔɔlɛiyo háá icɔllo.

Kundalan 19:10

Vana kɔandunin pulta naw kon-ndan bɛɛ bɛnda mò tɔɔ volɔɔla ndɔla cuɛinanndan, mò lo o nɔɔlɛiyo Mɛlɛka o hɔl háá icɔllo. Silaa co hoo le fɛɛn a fɛɛn ni, le niaa cuavaa pilacieea Israɛl a le mialaa co niaa icali tɛɛn-nda.»

Tɔŋ lasálàá 16:28

Vana loamnin nda-o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́ malan o muungu o dɔ́ɔ́ngɔ́ɔ̀ nin.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Hebreea 10:22

Lelan n sɔɔngun Hala ikɛi a laalan naa kpow a á kɔltan diandaa lan, mì pilun dialun naan a mɛmma diandan.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Dɛnnda kiilaa 22:16

Yɛɛ nɛ n co yɛ nihau cum? Cɔn ma sɔla yinɔɔ, mà dendu le hakila nɔmndan, mà biilu Hala o diola Maalii lan.»

Nsaŋ 13:8

Mí Piɛr dimul ndu aa: «Kɛì-kɛì bɛɛ, a bɛnda ma pulu ya pelon lɔ́ɔ́-lɔ́ɔ̀ le!» Mí Yeesu mulul ndu aa: «Te i pulu nɔm pelon te, mɛɛ a co o ni le.»

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Kundalan 19:19

Mì vana co o diandaa-o vesul vana co o nɔɔlɛiyo-o man o paale yàándɔlen a o paale ŋɔmmɛwndɔlen coo. O paale ŋɔmmɛwndɔlen, o dindin few-few a tɛɛmbuu ndɔ kon, vana co o nɔɔlɛiyo-o tɔɔ volɔɔla ndɔla cuɛinanndan, ndu pila pulun cɛ́kɛ́lɛ́, icɔllo o muungu o diandaa.

Kundalan 19:8

Vana loamnin naw kon-ndo bɛɛ bɛnda mò tɔɔ volɔɔla ndɔlan, mì ndu pila pulun, mò lo o nɔɔlɛiyo Mɛlɛka o hɔl háá icɔllo.

Tɔŋ lasálàá 15:13

Te kusuma va ndu man fulaa o labɛngunin mí ma siinguu ndu vana nɔɔlɛiyo-an ma cuu pɛ, o bɛnda mò cii vɛlɛ palɛi ndii ŋɔmmɛw malan o siŋnun vana diandaa. O kon kɔɔli, o tɔɔ volɔɔla ndɔla cuɛinanndan, o pulun cɛ́kɛ́lɛ́ a mɛmma peean, o siŋnun vana diandaa.

Tɔŋ lasálàá 14:47

Vana-vana hini pɛ cɛi kon nin, o bɛnda mò tɔɔ volɔɔla ndɔla cuɛinanndan. Vana-vana de vɛlɛ pɛ ɲɛdiaa lenin, o bɛnda mò tɔɔ volɔɔla ndɔla cuɛinanndan.

Tɔŋ lasálàá 11:28

Nduyɛ, vana-vana cua pɛ visi vaa lende o vílɛ́iyo, mò kɔɛ a ndu, o bɛnda mò tɔɔ volɔɔla ndɔla cuɛinanndan, mò dindi lan, mò lo o nɔɔlɛiyo háá icɔllo. La cɔ nda maa visia nɔɔlɛiya nda co ni.

Fulaa 19:14

Mí Moise toal pembei, mó muungu o Israɛlla lo, mó dindi nda Mɛlɛka o hɔl. Má tɔaa vɛlɛ volɔɔla ndala cuɛinanndan.

Fulaa 19:10

Mí Mɛlɛka dimul Moise aa: «Kɔ ma kɔ dimul Israɛlla aa a bɛnda mà dindin kandɔɔ hau háá siɔdii, mà tɔ́ɔ́ vɛlɛ volɔɔla ndala cuɛinanndan.

Tɔŋ lasálàá 11:24

«Visia pum co, vana pilan nda pɛ, vana kon nɔɔla. Vana-vana pilan nda pɛ a vílɛ́iya, vana kon siŋnun vana nɔɔlɛiyo háá icɔllo.

Tɔŋ lasálàá 11:26

Visia kan co haa ni, la cɔ nda maa visia nɔɔlɛiya nda co ni: visia nɔ buukula tɛndaa le-a a visia kpukula le-a. Vana-vana pilan pɛ visi vaa lende, ndu siŋnun vana nɔɔlɛiyo.

Tɔŋ lasálàá 13:6

Te palɛi ken cuu pɛ, o mɛɛndian ndu o paale ŋɔmmɛwndɔlen coo. Te sɔŋ kon kandu pɛ ɲumndo, mò hiw laci a pɛngɛlanndo le, vana-solia-lasálàá dimi aa vana diandaa vana kon co ni, aa tafiei kínɛí fula ndu ni. O kon, vana kon tɔɔ volɔɔla ndɔla cuɛinanndan, o dendu.

Tɔŋ lasálàá 16:26

Vana kɔɛ a cuin toovi co le Asasɛl-lo o lɛŋnde veselɛilen nin-ndo bɛnda fɔlɔn mo tɔɔ volɔɔla ndɔla cuɛinanndan, mì ndu pila pulun fó-fó malan o muungu niko o dɔ́ɔ́ngɔ́ɔ̀ nin.

Tɔŋ lasálàá 14:46

Vana-vana luɛi pɛ o cɛi vaa lende nin telen o co o kindaa-o, vana kon lonin o nɔɔlɛiyo háá icɔllo.

Tɔŋ lasálàá 15:15

O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.

Tɔŋ lasálàá 17:15

Te cua pilacieo Israɛl, te kon te mial co icali niaa o bɛngu coo-o de pɛ visi vi a ba ndɔ-o, te kon te visi visi biyaa dii-o, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo Mɛlɛka o hɔl háá icɔllo. O kon kɔɔli, o dendu.

Tɔŋ lasálàá 22:6

Vana nɔɔlian pɛ o nɛila vaa lende coo, o bɛnda mò lo o nɔɔlɛiyo lende háá icɔllo. O kon kɔɔli, fɔ mò pulun fɔlɔn cɛ́kɛ́lɛ́ malan o dia ɲɛm dian diandan nda solul Mɛlɛka sálàlan-ndon.

Kundalan 19:7

O cii pɛ tosa lende, o tɔɔ volɔɔla ndɔla cuɛinanndan, ndu pila pulun cɛ́kɛ́lɛ́ malan o muungu o dɔ́ɔ́ngɔ́ɔ̀ nin. O va bɛɛ lende, o lonin o nɔɔlɛiyo Mɛlɛka o hɔl háá icɔllo.