Tɔŋ lasálàá 11:24 - BII BILA

²⁴ «Visia pum co, vana pilan nda pɛ, vana kon nɔɔla. Vana-vana pilan nda pɛ a vílɛ́iya, vana kon siŋnun vana nɔɔlɛiyo háá icɔllo.

Tɔŋ lasálàá 11:24 Referans Kwoze

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Hebreea 9:26

Te o co kon te, mɛɛ mì ndóò sanga bɛmbɛla bɔɔ-bɔɔ kabi ceendo cɔwnun. O telen mɛɛlaa ho, lepilɛ kpé o fula ni, mí ndu pila solin sálàá le hakio faŋaa few-few.

Kolɔsea 2:20

Te o va pɛ maa la vi nin niaa Krista-aa latulu, mí la sɔla baŋaa kpaayala ceenndan o ba, mɛɛ le yɛɛ niaa co yɛ vɛlɛ kelaa o dɛnnda ceenndan nin, mì la va tɔŋnda vanaa ceenda cɛlɔɔ vana ca kaa o ceendo nin niaa co vɔ ni?

Efɛsea 5:11

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

Esai 22:14

Nduyɛ, Mɛlɛka-Nɔ-Kpaayaa-Kpow-vo dimul-la aa: «Háá mi la vi, hakio ho melnunnin niaa haki le!» Maalii Hala-Nɔ-Kpaayaa-Kpow-vo dimi lende ni.

Tɔŋ lasálàá 11:31

La cɔ visia sansun kan lɛŋ-nda maa visia nɔɔlɛiya nda co o visia kpow tɛɛn ni. Vana-vana pilan nda pɛ a vílɛ́iya, vana kon lo o nɔɔlɛiyo háá icɔllo.

Tɔŋ lasálàá 11:8

La bɛnda mì la de visin visia kan te few, nduyɛ la pilan nda vɛlɛ a vílɛ́iya le. La cɔ nda maa visia nɔɔlɛiya nda co ni.

Tɔŋ lasálàá 11:23

Kɛ kambalaa tɔ̀a nɔ bɔɔlan a kpasan-nda kuunan niaa le dioo, kani ɲaa nɔɔlɛiya nda co le niaa ni.›»

Tɔŋ lasálàá 11:25

Nduyɛ vana-vana cua pɛ visi vílɛ́i vaa lende, o bɛnda mò tɔɔ volɔɔla ndɔla cuɛinanndan, mò dindi lan, a vɛlɛ mò lo o nɔɔlɛiyo háá icɔllo.

Tɔŋ lasálàá 22:4

O polale Aarɔn-nden coo, te nàà siaŋaa bii pɛ vanndo, te kon te mì nàà kɔɔsinaa bii ndu, vana kon bɛnda mò de sálàla diandaalan te, fɔ mò dindin fɔlɔn. Lende koni o co vɛlɛ le vana pilan vana sɔɔnguu vana vílɛ́iyo ikɛi mo siŋnun vana nɔɔlɛiyo-o a vana mɛmma ivanapɔnɔyan ma fula-o ni.

Tɔŋ lasálàá 5:2

Te vanndo pilan yɛ pɛ ɲɛ nɔɔlɛiyo hali o sina lepɛŋndo nin, maa visi nɔɔlɛi vílɛ́iyo, te kon te cɔlu cieenin nɔɔlɛi vílɛ́iyo, te kon te mò pilan visin visi nɔɔlɛi vílɛ́iyo pum o visia pɔm-pɔmbɔa kela lɛŋ-nda tɛɛn, mɛɛ o siŋnun vana nɔɔlɛiyo a vana tɛɛmbua tɔŋndo.

Tɔŋ lasálàá 7:21

Te vanndo pilan vɛlɛ pɛ ɲɛ co o nɔɔlɛiyo-o, o va vanaciee nɔɔlɛi o va visi nɔɔlɛi, te kon te dɛnɛ nɔɔlɛi súú-súù, mo de visin cɔlu sálà kɔlɲulu nda solul ya Mɛlɛka-o, a faŋanin vana kon Israɛlla tɛɛn few-few.»

Tɔŋ lasálàá 14:46

Vana-vana luɛi pɛ o cɛi vaa lende nin telen o co o kindaa-o, vana kon lonin o nɔɔlɛiyo háá icɔllo.

Tɔŋ lasálàá 15:5

Vana-vana pilan pɛ kpele vana kon hini coo-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 15:6

Vana-vana cal pɛ nɛɛ vana co kon a nàà-o cal-la, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 15:7

Vana pilan pɛ vana kusuan mà co kon fulaa o dialii kolaninnde-o, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 15:8

Te vana kɔɔsinaa bii kon-ndo tufu pɛ vana co o diandaa Mɛlɛka o hɔl-lo lɔluan coo, vana kon bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 15:10

Vana-vana pilan pɛ ɲɛ vana nàà kon cal coo-o, te kon te ɲɛ o hini coo-o, vana kon lonin o nɔɔlɛiyo háá icɔllo. Vana-vana cua vɛlɛ pɛ ɲɛ vaa lende mo kɔɛ a ndu, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 15:11

Te vana co kon a nàà-o pulu balan te, mò pilan vanndo, vana o pilan kon-ndo bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo.

Tɔŋ lasálàá 15:15

O kon, vana-solia-lasálàá soli yowvo o pilɛ sálà co le hakio sɔlaa malɔɔ-o, o soli o pilɔɔ sálà loamaa. O cii pɛ, o tosa faleŋii dindiannde vana kon coo Mɛlɛka o hɔl le kusuma fula ndu man-ndan.

Tɔŋ lasálàá 15:21

Vana-vana pilan pɛ kpele vanalanɔ kon hini coo-o, te kon te ɲɛ o cal coo-o, o bɛnda mò tɔɔ volɔɔla ndɔla cuɛinanndan, mì ndu pila pulun, mò lo o nɔɔlɛiyo háá icɔllo.

Tɔŋ lasálàá 15:23

Te ɲɔɔ pum va pɛ o kpele kon coo, te kon te o ɲɛ-calaa kon coo, vana pilan pɛ ɲɛ kon, ndu bɛɛ siŋnun vana nɔɔlɛiyo háá icɔllo.

Tɔŋ lasálàá 15:27

Vana-vana pilan pɛ kpele kon, te kon te ɲɛ-calaa kon, o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́, mò lo o nɔɔlɛiyo háá icɔllo.

Tɔŋ lasálàá 16:26

Vana kɔɛ a cuin toovi co le Asasɛl-lo o lɛŋnde veselɛilen nin-ndo bɛnda fɔlɔn mo tɔɔ volɔɔla ndɔla cuɛinanndan, mì ndu pila pulun fó-fó malan o muungu niko o dɔ́ɔ́ngɔ́ɔ̀ nin.

Tɔŋ lasálàá 16:28

Vana loamnin nda-o bɛnda mò tɔɔ volɔɔla ndɔla cuɛinanndan, mì ndu pila pulun cɛ́kɛ́lɛ́ malan o muungu o dɔ́ɔ́ngɔ́ɔ̀ nin.

Tɔŋ lasálàá 22:5

Hali vana pilan ɲɛ huulaa-o, te kon te vana pilan vanaciee co o nɔɔlɛiyo Mɛlɛka o hɔl-lo-o, o nɛi oo nɛi o kei pɛ coo mò siŋnun vana nɔɔlɛiyo, o bɛnda mò de ɲɛm mun te.

Tɔŋ lasálàá 22:6

Vana nɔɔlian pɛ o nɛila vaa lende coo, o bɛnda mò lo o nɔɔlɛiyo lende háá icɔllo. O kon kɔɔli, fɔ mò pulun fɔlɔn cɛ́kɛ́lɛ́ malan o dia ɲɛm dian diandan nda solul Mɛlɛka sálàlan-ndon.

Kundalan 19:7

O cii pɛ tosa lende, o tɔɔ volɔɔla ndɔla cuɛinanndan, ndu pila pulun cɛ́kɛ́lɛ́ malan o muungu o dɔ́ɔ́ngɔ́ɔ̀ nin. O va bɛɛ lende, o lonin o nɔɔlɛiyo Mɛlɛka o hɔl háá icɔllo.