Tɔŋ lasálàá 11:13 - BII BILA

¹³ O yowva tɛɛn, a niaa bɛnda mì la de le-a co haa ni, kani a co bɔɔ ɲaa vɔɔn: kovɔ́ɔ̀, tɔ̀mkumbaa, duàá,

Tɔŋ lasálàá 11:13 Referans Kwoze

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Matie 24:28

Nɛɛ ɲɛ vílɛ́iyo co-a, lon duàá cuungian ni.»

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.

Yeremi 48:40

O Mɛlɛka dimi-o co hoo ni aa: «Mɛɛ kovɔ́ɔ̀ pɛɛnga bɔɔlan mò kilan coocoo yɛ, yaamɔɔ co kilanndo Moab coo ni.»

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

SƐBƐ YƆB-O 38:41

Nɛ̀ɛ́ toosial-lɛ basabasakoendoo ɲɛ ndɔ diaa? Te cuavaa ndɔa va pɛ caŋndo Hala o lani, a yoomuma lepɛŋndan le tùú nda nɔ lɛ ɲɛdiaa loo, nɛ̀ɛ́-nɛ̀ toosiaa yɛ ɲɛdiaa ndaa?»

SƐBƐ YƆB-O 28:7

Yovaa dia vision-nda sina nɛi ndɔɔ le, hɔlte duàá le séélùn ndu le.

Tɔŋ lasálàá 11:11

Mɛɛ nda co ɲaa nɔɔlɛi bɛndu-bɛndu le niaa yɛ, la bɛnda mì la de visin ndan te. La pilan nda a vílɛ́iya le few.

Tɔŋ lasálàá 11:12

Visia peaa nɔ lakɛkɛw a lapɛɛpɛɛ le-a kpow, la cɔ nda maa visia nɔɔlɛiya nda co le niaa ni.

Tɔŋ lasálàá 11:14

siɔ́ɔ̀, peele-bɔ́lɔ́ɔ́ a yovaa co súú pilɛ kon-nda,

Sakari 5:9

Mɛɛ ya heelu hɔlla le tofaa, mí ca vanlaandua hunɔɔ o hoeiye nin nda ŋiɔn. Hoeiye va hɔŋndo o kumbannda ndalan bɛngu, kumbannda ndala lan, velanndo lan pila a kumbannda yovaa yɔɔyaa. Má heelu kambɛi kon coocoo, halataala a lɛŋnden tɛɛn.