Tɔŋ lasálàá 11:1 - BII BILA

¹ Mí Mɛlɛka soaa o Moise nda Aarɔn ndo, mó dimul nda aa:

Tɔŋ lasálàá 11:1 Referans Kwoze

O Kandɔɔ 7:2

Cua visia diandaa súúlan kpow, súú oo súù visia tɔ́ a à hiɔɔlu: a piaandua a ŋɔmmɛw a laandua a ŋɔmmɛw. Kɛ o visia dindu le-a nin, o piaandoo a o laandoo koni n bɛnda ma cua o súú oo súù nin ni.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

Tɔŋ lasálàá 10:20

Mɛɛ Moise tuei muli Aarɔn muli kon-ndo, mó hini kɔl.

Tɔŋ lasálàá 11:2

«Soo o Israɛlla lo ma dimul nda aa: ‹O visia co o lɛŋnden coo-a kpow tɛɛn, visia niaa bɛnda mì la de-a co haa ni:

Tɔŋ lasálàá 20:25

Lelan la sina pɛngulan visia dendu-a a visia dindu le-a tɛɛn, yovaa dendu-a a yovaa dindu le-a tɛɛn. La pílàn ɲaa co a nɔɔlɛiya ya Mɛlɛka o hɔl-la le. Kandɔɔ a visia, yowva, visia pɔmpɔ-pɔmbɔa kela lɛŋ-nda, kɔ bii a ɲaa sasun lɛŋ-nda, a kɛ́-kɛ̀ co a nɔɔlɛiya, la pilan nda le, yɔŋii niaa pila bɛɛ siŋnun vanaa nɔɔlɛiya.

O Kandɔɔ 9:3

Ɲaa yoomaa co kelaa o lɛŋnden coo-a kpede vanin ɲɛ niaa diaa ni. Mɛɛ ya yɔngu niaa bil kiyɛiyo a yɔmii koamɛi le dioo yɛ, lende koni ya yɔngu vɛlɛ niaa ɲaa yoomaa kan ni.

Tɔŋ lasálàá 15:1

Mí Mɛlɛka soaa o Moise nda Aarɔn ndo, mó dimul nda aa:

Tɔŋ miingua 14:4

Visia niaa bɛnda mì la de-a co haa ni: nawvo, saa, cuinndo,

Dɛnnda kiilaa 10:14

Mí Piɛr muli aa: «Ɛ-ɛ Maalii, kani kabi bɛɛ i di vɔ visi tanaa, te kon te ɲɛ dindu Mɛlɛka o hɔl too le.»

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.