Tɔŋ lasálàá 10:6 - BII BILA

⁶ O kon, mí Moise dimul Aarɔn nda poaa ndɔa ŋiɔnda pilɛa, Eleasar nda Itamar pɛɛn aa: «La tiimbùù yiinde niaa o lebol te, la sɛɛsiàà volɔɔla niaala cuɛinanndan le biisi komal niaa-o le, yɔŋii niaa pila bɛɛ sɔla piɔ́mndo, mì la tuisi vɛlɛ kɔltuw Mɛlɛka-o vanaa tɔ̀a kpow coo. Vanaa bɛnda mà caŋ poaa langbaa Mɛlɛka tɛɛmbuu haa a yinnden-nda-a, nda co Israɛlla ni, puapilɛa niaa pɛɛn.

Tɔŋ lasálàá 10:6 Referans Kwoze

Yosue 22:18

Sisa, la co Mɛlɛka kɔɔ mulullo. Te la simul ndu pɛ hau, mɛɛ siɔdii, a sɛ́lɛ́ Israɛlla kpow o co hunɔɔ kɔllo tuulu ni.

Yosue 7:1

Mí Israɛlla tosa dɛnɛ vɔɔn bɛndoo o ɲɛm siŋnun teengen le Mɛlɛka-on cuaa nin. Mí langbanɔ pilɛ, diolan Akan, po Karmi-o, Karmi kon po Sabdi-o o va ni, Sabdi kon po Sera-o o va ni, fulaa o polale Yuda len nin cua ɲɛm mun n'pum. Le hee, mí Mɛlɛka tuulu kɔl a Israɛlla.

Kundalan 16:22

Kɛ má del lɛŋ a kuumbuannda o kɔl coo, má piɛi Hala aa: «Éé Hala! Nɔm co Hala nɔ yoomu ɲaa yoomaa kpow o ba-o, vɛ̀ɛ̀ ma tuulu kɔl a sɛ́lɔ́ɔ́ ho kpow le vana pilɛ cua hakio-o?»

Kundalan 1:53

Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»

2Samiɛl 24:1

Tuma pum, mí Mɛlɛka tuulu vɛlɛ kɔl taw a Israɛlla, mó luei David yiyanndo nin le Israɛlla dɛnɛ bɛnda loo tosallo, mó dimul ndu aa: «Kɔ mà kɔ cɔm Israɛlla a Yudaa tɛ́kpɛ́-tɛ́kpɛ́, mà sɛva nda diolan.»

Yosue 22:20

Lɔ́ɔ́ Akan po Sera-o tɛɛmbuu tɔŋndo, mó cua ɲɛm Mɛlɛka ndóò kuuna le cuaa-on-ndo, vɛ̀ɛ̀ o co sɛ́lɛ́ Israɛlla kpow le kɔltuw Mɛlɛka-o ndóò tol coo le? O co dɔ́ɔ́ ndu pilɛ kpé le vi le dɛnɛ ndɔ vɔɔndo le.»

Tɔŋ lasálàá 13:45

Fɔ mì vana nàà kon bii-o vownun volɔɔla ndɔla cuɛinanndan lasɛɛsiɛilan, mò puusiaa yiinde ndu o lebol, mò kumbu siayii co o milinndo bɛngu-e, mò yonda aa: ‹Vana nɔɔlɛiyo! Vana nɔɔlɛiyo!›

Kundalan 18:5

Niaa vanin baalaa tosaa o cɛi-kola-toandaa diandaa nin a o fonda-loamaa-lasálàá coo ni. O tosan pɛ lende, kɔl ni tuwvo tul-lɛnin Israɛlla coo le.

Misee 1:16

La suingin yiinde o lebol, la sendin tembeltan le poaa niaa niaa kaola-a taw-va. La sendin yungultan maa n'duàà, kani a kɔanin a poaa niaa o biyɔɔ nin niaa levil polon.»

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Yosue 7:11

Israɛlla tosa hakio, má tɛɛmbuu kpema ya yiilu nda-o. A toɲa, a cii ɲɛm ya kuuna nda-on cua. Mɛɛ nda ciimbuu mun, má vian mun o volɔɔla ndalan nin.

Tɔŋ miingua 33:9

Nda dimi ni aa a ci kala nda a fuɲa nda le. Nda sina puapilɛ le, a sina po vialaa le. Kani a bii sɔɛi nɔmnde, má manda kpema nɔmndo.

Kundalan 14:6

Mí Yosue, po Nun-ndo a Kalɛb, po Yefune-o a sɛɛsiaa volɔɔla ndala cuɛinanndan, nda bɛɛ va o kunda vanaa kɔɛ suansuaannden o lɛŋnde len nin-nda tɛɛn.

Kundalan 5:18

O simi vanalanɔ kon Mɛlɛka o hɔl, o tiimbuu ndu yiinde o lebol, o sɔɔ ndu sálà yɔngu vana loonɔnndo a hakio-o o ba, sálà paŋalaa pɛɛn, kɛ mì vana-solia-lasálàá pila bii mɛmma lolɛima sendío co man nin-ndan o ba.

Fulaa 33:5

Kani mí Mɛlɛka soaa o Moise lo aa: «Dimul Israɛlla aa: ‹Vanaa lanila kalua niaa co ni, te i kɔɛ pɛ niaa tɛɛn, hali le telen pɔmbɔ, i diw niaa kpede. Lelan, la sooluu volɔɔla niaala kɛɛsuanndan, mì la mɛɛndan mɔnɛ ya co soli a niaa-o.›»

Fulaa 6:23

Mí Aarɔn yil lanɔɔ diolan Eliseba, cua Aminadab-o a yemaa Naasɔn. Mó vilul ndu poaa nda hiɔɔlu: Nadab, Abihu, Eleasar a Itamar.

Kundalan 20:25

Lelan, cua Aarɔn nda Eleasar po ndɔ, ma hel a nda o pembei Hɔr coo.