Tɔŋ lasálàá 10:19 - BII BILA

¹⁹ Mí Aarɔn mulul Moise aa: «Yaŋnun-ndɔ, paalen-nden hau, poaa niaa soli sálà co le hakio sɔlaa malɔɔ-o a sálà loamaa o Mɛlɛka lo le nda pila, nduyɛ nɔm pila sina ɲɛ yɔŋnun ya-o, te yáà de pɛ visin cɔlu sálà co le hakio sɔlaa malɔɔ-o, ndóò vanin pá dɛnɛ kɛndɛ Mɛlɛka o hɔl?»

Tɔŋ lasálàá 10:19 Referans Kwoze

Tɔŋ lasálàá 9:12

Mó kialu cɔlu va le sálà loamaa solio-o bololan. Mí poaa ndɔa hun a kooma cɔlu kon o ndu lo, mó balu man fasaŋiaa o kpengun fonda-loamaa-lasálàá coo pindo.

Tɔŋ lasálàá 9:8

Mí Aarɔn sɔɔnguu o fonda-loamaa-lasálàá ikɛi, mó kialu naw téndé o soli sálàá le hakila ndɔla ndu pila lan-ndo bololan.

Malasi 2:13

Diinndɔɔ, ɲɛ niaa co vɛlɛ tosaa-o co hoo ni: la co mɛmɛan peiyo o fonda-loamaa-lasálàá coo a caŋnda niaa co lan. Kani Mɛlɛka co lɛ bɛɛ sálàla niaalan tofa le, o co lɛ ɲɛ-ɲɛ cɛlɔɔ niaa o ba le.

Malasi 1:13

Mí la va dimio aa: ‹Sanga kuɛɛ!› La nɔ lebɛɛ oo lebɛɛ le ya le. Ya Mɛlɛka-Nɔ-Kpaayaa-Kpow-vo dimi lende ni. La co ya sálàlan solullo a cɔlua niaa ciimbuu-a a á cɔlua namtaa, lɔ́ɔ́ lepum yɛ á cɔluaa co a nààlan-nda. Vɛ̀ɛ̀ ya cɛl-lɛ niaa sálà vaa lende o ba? Ya Mɛlɛka ɲuna niaa nuaa ni.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Osee 9:4

À solul-lɛnin Mɛlɛka sálàla mamɔilan te, o hini lɛnin kɔl a sálàla ndalan te. À solul lɛnin lasálà le ndu hɛnanndo le. Le nda, ɲɛdiaa vanin maa ɲɛdiaa dɛnɛ palaa. Vanaa dianin ndu-a kpede a siŋnunnin vanaa nɔɔlɛiya. Ɲɛdiaa ndaa dɔawnin nda pila balo, kɛ a lueinin ndu o Cɛi-Mɛlɛka-o nin te.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

Hebreea 9:8

Mí Hala Kɔl-Diandaa cɔm o kon maa te fonda tase cɛi-kola kon co vɔ pɛ, mɛɛ nɛi kɔɛ o fonda diandaa-diandaa-o co vɔ o kumbiaa le.

Hebreea 7:27

Yeesu ndu co maa vanaa tɔ̀a co bolle vanaa-solia-lasálàá-a le. O hewba le sálàlalan solio lɔ́ɔ́-lɔ́ɔ̀ le hakila ndala nda pila lan a le hakila vanaa celen. Lepilɛ kpé o tosa ken ni, lɔ́ɔ́ ndu pila yɔngun-ndo.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Esai 1:11

Mɛlɛka ɲuna aa: ‹Kpeku yɛɛ nɛ ya nɔ yɛ a sálàla niaa co lan soli bɛndoo lan? Sálàla loamaala niaa co solio a saa kóndóa lan la fula ya iyeema few-few, I sanga nin a visin macuɛin navaa téndéa. I yeema lɛ kooma navaa tovaa, kooma saa téndéa a kooma cuinaa toovia le.

Tɔŋ miingua 26:14

I di ɲɛ-ɲɛ o ɲɛ kon nin telen ya va o sangaa nin-ndo le, i faŋa ɲɛ-ɲɛ lecoo le dɛnɛ nɔɔlɛi tosa a ndu le, i yɔngu ɲɛ-ɲɛ le dɛnɛ vana vílɛ́i le. I bii nɔm Mɛlɛka Hala nuu diom, mí tosa ɲɛ-ɲɛ n dimul-la le tosaa.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Tɔŋ lasálàá 10:20

Mɛɛ Moise tuei muli Aarɔn muli kon-ndo, mó hini kɔl.